Evangelískur

 

 

 

Hin evangelísk-lútherska kirkjudeild er samkvæmt lögum Þjóðkirkja Íslands (eins og flestum er væntanlega kunnugt) eða þjóðkirkjan, eins og stendur í lógói hennar, og lýsir miklu sjálfstrausti hennar sem slíkri. Hún á aðild að Lútherska Alheims Kirkjusambandinu (Lutheran World Federation)

Hvað merkir orðið "evangelískur"?

Sú merking sem ég legg í orðið er sú, að það að vera evangelískur sé að vera biðjandi, boðandi og þjónandi. Þessa merkingu legg ég í það út frá því að þjóðkirkjan hefur þessi orð  í "lógói" sínu. Annars hef ég oft velt þessu orði fyrir mér og hver muni vera hin dýpsta merking þess.

Gott þætti mér ef einhver guðfræðimenntaður maður eða kona vildi taka að sér að útskýra þetta orð betur fyrir mér.

Ég hef reynt að grafast fyrir á alnetinu um fyllri skýringu á því hvaða skilning beri að leggja í það, en þar sem það lesefni sem ég hef fundið á alnetinu er allt á ensku dugir mér það tæpast, þar sem mér skilst að enskumælandi þjóðir leggi svolítið aðra merkingu í  orðið "evangelical" en við eyjarskeggjar og nábúar okkar á meginlandinu.

...Það stendur ekkert um það, í umræddu lógói að minnsta kosti, að kirkjan eigi að vera fræðandi...(?)

*Hjálp, gott orð í staðinn fyrir orðskrípið LOGO !

Athugasemdir

[Greta Björg Úlfsdóttir, 14.12.2007 kl. 17:33]

Hm, svo ég svari nú sjálfri mér, fyrst enginn annar er farinn til þess enn, þá fann ég þetta í innleggi yfirlýsts trúleysingja í bloggi Marínós um efnið Trúfræðslu og mannréttindi (vona að ég brjóti ekki af mér með að fá léðan þennan fróðleik um trúmál, frá trúleysingja, af annars manns bloggsíðu):

"Innra trúboð er stærstur hluti trúboðsstarfs evangelískrar ("trúboðandi") kirkju og trúboð er hennar helsta hlutverk skv. eigin skilgreiningum. Innra trúboð er þegar "sýndarkristnum" er kennd rétt kristni. Þeir sem segjast vera kristnir en trúa t.d. ekki á þrenninguna eða upprisuna eru í raun "hálfkristnir" eða minna og stærsta verkefni Þjóðkirkjunnar samkvæmt eigin skilgreiningum er einmitt að leiðrétta "trúvillu" þessara einstaklinga, gera þá sannkristna. Þetta er sem sagt yfirlýstur megin tilgangur hinnar evangelísk-lútersku Þjóðkirkju - að kristna fólk eins og þig Marínó (miðað við fyrri ummæli þín) en láta mig og mína alveg vera."

Eins og sjá má hefur viðkomandi trúleysingi sett sig mun betur inn í merkingu orðsins "evangelískur" en hinn skráði þjóðkirkjusauður er setti spurningu fram hér í upphafi. 

Ætli kirkjunnar menn geti ekki alveg kvittað undir þessa útlistun? Þeir eru sennilega of önnum kafnir þessa dagana til að svara spurningum kjellingar úti í bæ.

[Greta Björg Úlfsdóttir, 14.12.2007 kl. 17:37]

Ja, ehemm, kjellinga er víst farin að þreytast í dag og tók ekki eftir því strax að hér að ofan er aðeins ræddur hinn trúboðandi hluti þrenningarinnar: biðjandi, boðandi, þjónandi.

Vænti enn svara frá guðfræði-fróðum. 

[Sylvía , 15.12.2007 kl. 00:22]

?????έ???? faganaðarboðskapurinn, góður fréttirnar, gospel á ensku.

Páll notar þetta: 1.Kor.15:

1Ég minni yður, bræður, á fagnaðarerindi það, sem ég boðaði yður, sem þér og veittuð viðtöku og þér einnig standið stöðugir í. 2Fyrir það verðið þér og hólpnir ef þér haldið fast við orðið, fagnaðarerindið, sem ég boðaði yður, og hafið ekki ófyrirsynju trúna tekið. Því það kenndi ég yður fyrst og fremst, sem ég einnig hef meðtekið, að Kristur dó vegna vorra synda samkvæmt ritningunum, 4að hann var grafinn, að hann reis upp á þriðja degi samkvæmt ritningunum  5og að hann birtist Kefasi, síðan þeim tólf...

[Sylvía , 15.12.2007 kl. 00:22]

spunirngarmerkin eru vegna grískunnar sem ég setti inn; evangelion

[Greta Björg Úlfsdóttir, 15.12.2007 kl. 00:51]

Þökk fyrir að benda mér á, þetta, Sylvía.

 Auðvitað á maður að leita í texta Biblíunnar eftir skýringum !

Þetta er betra en nokkrar útlistanir á Wikipediu. Vona að enginn haldi að ég sé wikipediu-trúar , þó  ég leiti oft upplýsinga og skýringa þar. 

Verst að kunna ekki neitt í grísku.

Þó hef ég hugsað mér að vera búin að læra nokkur orð í nútíma-grísku áður en ég fer aftur til Krítar ...

[Greta Björg Úlfsdóttir, 15.12.2007 kl. 00:54]

Ég er svo sem sjá má mest fyrir að fara sem minnstar krókaleiðir að efninu...