Leita í fréttum mbl.is

Væntumþykja?

britney_madonna_bm_562948g.jpgÍ hvaða heimi lifa austurrískir græningjar?

Ef ég hefði átt dóttur hugsa ég að ég hefði ekki viljað að hún væri sí og æ í sleik við skólasystur sínar á skólalóðinni þegar hún var 14 ára. Reyndar ekki við skólabræður sína heldur. Mér finnst einfaldlega 14 ára of snemmt til að byrja kynlíf, hvað sem öllum "læknisleikjum" líður.

Betra að bíða aðeins.

Reyndar grunar mig að hjá stelpunum hafi þetta verið leikur, til þess gerður að ögra og vekja eftirtekt, frekar en að skólasysturnar hafi raunverulega laðast kynferðislega hver að annarri.

Bendi á frásögn í skáldsögunni "Konan og apinn" eftir Danann Peter Høeg, þar sem hann lýsir viðlíka uppákomu í enskum kvennaskóla sem aðalsöguhetjan gengur í á unglingsárum.

<- Þessar eru eldri en 14 ára og ekki á skólalóð. Önnur mynd fyrir Baldvin.


mbl.is Allt kossaflens bannað
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ásthildur Cesil Þórðardóttir

Betra að hún kjassaði stelpu en strák, hættu minna

Ásthildur Cesil Þórðardóttir, 20.11.2008 kl. 18:19

2 Smámynd: Greta Björg Úlfsdóttir

Það er rétt, Ásthildur...

Greta Björg Úlfsdóttir, 20.11.2008 kl. 18:48

3 Smámynd: Jóhanna Magnúsar- og Völudóttir

Sammála, soldið skrítin væntumþykja.

Jóhanna Magnúsar- og Völudóttir , 20.11.2008 kl. 19:46

4 Smámynd: Haraldur Bjarnason

Sé bara ekkert athugavert við að 14 ára kyssist, bara gott mál í stað ofbeldis.

Haraldur Bjarnason, 20.11.2008 kl. 21:46

5 Smámynd: Baldvin Jónsson

Merkilegt mál. Líka merkileg mynd sem þú velur með þessari frétt af saklausu kossaflensi barna? 

Baldvin Jónsson, 20.11.2008 kl. 22:51

6 Smámynd: Greta Björg Úlfsdóttir

Lásuð þið fréttina, Haraldur og Baldvin? Ég er ekki viss um það, út frá viðbrögðum ykkar...

Greta Björg Úlfsdóttir, 20.11.2008 kl. 23:02

7 Smámynd: Greta Björg Úlfsdóttir

En sammála því að þetta er þó skárra en obeldi og slagsmál.

Greta Björg Úlfsdóttir, 20.11.2008 kl. 23:03

8 Smámynd: Baldvin Jónsson

Já Gréta, las að sjálfsögðu fréttina.

Er fátt þar sem bendir til annars en að um hafi verið að ræða annað hvort góðlátlegt gaman eða þá kossaflens lítils hóps. Það er alltaf gott að lesa svona fréttir með það í huga að viðmælendur eru mjög líklega gæddir miklum fordómum gegn slíku hátterni.

Baldvin Jónsson, 20.11.2008 kl. 23:09

9 Smámynd: Greta Björg Úlfsdóttir

Það hefur verið mikil tíska í gangi meðal unglinga samkvæmt myndum sem maður hefur séð af djamminu, það er að segja úr skemmtanalífinu, að stelpur kysstust, alvörukossum, ekki saklausum vinakossum, og örugglega mjög vinsælt að láta mynda sig, jafnvel gert til þess að komast í Séð og Heyrt, hvað veit maður. Að vísu ekkert séríslenskt, einmitt eitthvað sem stjörnum eins og Madonnu þótti flott, svo það er von að smástelpunum finnist þetta sniðugt.

Nú hefur þessi tíska semsagt náð inn á skólalóðir í erlendis. Mér finnst þetta satt að segja ekki tíska sem vert sé að eltast við. Ég get mjög vel skilið að foreldrum sé brugðið að frétta af ungum dætrum sínum í sleik við aðrar stelpur í skólanum, og að skólastjórnendum hafi fundist þeir þurfa að bregðast við.

Baldvin, myndi þér finnast allt í lagi að horfa á 14 ára dóttur þína í sleik við aðra stelpu? Heldurðu að þú yrðir ekki hvumsa, þó ekki væri annað?

Greta Björg Úlfsdóttir, 20.11.2008 kl. 23:35

10 Smámynd: Greta Björg Úlfsdóttir

Sleikleik, hefði ég kannski átt að segja.

Greta Björg Úlfsdóttir, 21.11.2008 kl. 00:08

11 Smámynd: Baldvin Jónsson

Ef ég sæi 14 ára dóttur mína í sleik við stelpu eða strák myndi mér bregða við, sem eðlilegt er. Það hins vegar stendur ekki í fréttinni að svo hafi verið.

Það mætti enn skilja þessa frétt á þann máta að um hafi verið að ræða saklaust grín eða jafnvel bara mjög lítinn hóp.

Merkilegast samt að við séum að velta okkur upp úr þessu á meðan að forsætisráðherra vor kemur fram í Kastljósi og segir að nú verði allt í lagi.

Baldvin Jónsson, 21.11.2008 kl. 01:11

12 identicon

það kemur hvergi framm í fréttinn að þau hafi verið að stunda kynlíf bara saklausir kossar . svo veit ég ekki betur en að stelpur geri þetta líka hérlendis

klara Rakel Gretarsdottir (IP-tala skráð) 21.11.2008 kl. 01:46

13 Smámynd: Greta Björg Úlfsdóttir

Rakel, ég veit að stelpur gera þetta hérlendis, - en gera 14 ára stelpur þetta á skólalóðinni fyrir framan alla, kennarana líka?

Eru það ekki yfirleitt aðeins eldri stelpur sem gera þetta á djamminu? Það held ég.

Þetta er beint upp úr fréttinni eins og hún er sögð á mbl.is, og það sem er innan gæsalappa er tekið orðrétt úr austurrísku heimildinn, virðist vera:

"Nú fallist þær í faðma með miklum tilburðum og kyssist beint á munninn &#132;stundum afar náið og í margar mínútur,&#147; segir Biermair."

Dæmi hver sem vill hvað þetta á að merkja já blaðamönnunum, ég held að þetta orðalag það sem á íslensku alþýðumáli er kallað "sleikur".

Já, það er nú einmitt það sem ég hugsaði þegar ég sá að ég fékk meiri viðbrögð við þessari færslu en mörgum öðrum færslun þar sem ég hef reynt að gera skil grafalvarlegum málum hér innanlands - skrifaði meira að segja um það komment, sem ég tók svo út aftur - en er þetta ekki það sem kallað er "frávarp" (held ég) í sálfræði - aðeins að hvíla andann á erfiðu fréttunum?

Bestu kveðjur og takk fyrir kommentin, allir.

Greta Björg Úlfsdóttir, 21.11.2008 kl. 10:10

14 Smámynd: Greta Björg Úlfsdóttir

Rakel, ég flokka það að kyssast djúpum, blautum kossum þar sem tungan er notuð ("french kissing") undir kynlíf, eða að minnsta kosti forleik að kynlífi. Annars er náttúrlega misjafnt hvað fólk vill kalla kynlíf, kannski er í hugum einhverra aðeins um kynlíf að ræða ef hafðar eru samfarir eða kynfæri snert. Spekingur nokkur sagði eitt sinn að ef forleikurinn væri nógu góður mætti hæglega sleppa samförum!

Rakel - þetta eru oft aðalrök unglinga þegar þeir vilja fá að gera hluti óáreittir - "já en - það gera þetta allir!"

Ég held að það sé ekki um það að ræða að skólastjórn í þessum skóla viti það ekki - heldur hafi þetta verið spurning um stað og stund og að halda uppi aga meðal nemendanna. Sem virðist oft ansi snúið í nútímanum, þegar unglingar og börn verða fyrir miklum áhrifum af tísku og poppstjörnum og auðvitað líka tölvuleikjum. Ekki einfalt mál.

Ég held ekki að morð á skólalóðum tengist svona agavandamálum, - þar eru alvarleg þjóðfélagsmein á bak við, ekki tískubólur, þó svo gerendur hafi reyndar sett myndbönd af sjálfum sér við skotæfingar á YouTube, þar sem fjöldi unglinga tengjast og fá hugmyndir.

Greta Björg Úlfsdóttir, 21.11.2008 kl. 10:26

15 Smámynd: Heidi Strand

Viða er kvartað yfir klæðaburð barna og unglinga. Drengirnir með brækur niður á hné og stelpurnar sýni í sér brjóstaskorunna og nærbuxur. Nú er komið að sleik. þetta er ekki eins saklaust og sýnist og ekki eru fólki í sleik á vinnustöðum.
Það er allt í lagi að hafa umgengnisreglur.

Heidi Strand, 21.11.2008 kl. 11:17

16 Smámynd: Greta Björg Úlfsdóttir

He, he, Heidi, mörgum þingkonum finnst gaman, hefur mér sýnst í sjónvarpinu, að sýna aðeins á sér brjóstaskoruna - en þær eru náttúrulega fullorðnar konur!

Bráðum verður tískan kannski svona :

st_minoanpriestess.jpgSnákagyðja frá Knossos, Krít.

Fleiri góðar HÉR.

Greta Björg Úlfsdóttir, 21.11.2008 kl. 11:48

17 Smámynd: Greta Björg Úlfsdóttir

...en nærbrækurnar hafa þær fyrir sig og sína. - Annars stundum stutt í þær hjá Þorgerði...

Greta Björg Úlfsdóttir, 21.11.2008 kl. 11:50

18 Smámynd: Greta Björg Úlfsdóttir

Kannski fara konur að verða íhaldssamari í klæðaburði hér á Íslandi og um heim allan. Það hefur nefnilega verið sagt að kvenfatatíska fylgi efnahagsástandi í öfugu hlutfalli; eftir því sem efnahagsástandið batnar eykst það hlutfall sem konur sýna af beru höldi, og öfugt þegar harðnar í ári. Veit nú ekki hversu nákvæm þessi kenning er, hljómar dálítið undarlega að efnismeiri flíkur komi í tísku þegar efnahagurinn versnar. - en þetta sá ég einhvers staðar. Það væri gaman að gera smá-úttekt á þessu.

Hefðarkonur á tímum frönsku hirðarinnar notuðu að vísu marga metra af dýrum efnum í pils kjólanna, en voru svo með brjóstin nánast ber í staðinn.

Ég hef alltaf haft voða gaman af að spá í klæðaburð mannsins í gegnum tíðina.

Greta Björg Úlfsdóttir, 21.11.2008 kl. 12:01

19 Smámynd: Greta Björg Úlfsdóttir

höldi = holdi

Greta Björg Úlfsdóttir, 21.11.2008 kl. 12:02

20 identicon

einthvað seigir mér að skólastjórinn í þessum skóla afi verið að ýkja einthvað en ef svo er ekki þá er það bara þannig , en þetta er svona í skólum líka . þegar ég var í 8-10 bekk í grunnskóla þá var mikið um þetta , reyndar eingöngu léttir kossar á munnin það var bara tákn um mjög góðan vinskap þ.e.s. bestu vinkonur . en mér fynnst að kennar og skólastjórnendur ættu enganvegin að skipta sér að klæðaburði nemenda sinna nema það séu skólabúnigar og alsekki að skypta sér að því hvot krakkarni séu að kyssat eða stunda kynlíf

klara Rakel Gretarsdottir (IP-tala skráð) 21.11.2008 kl. 13:01

21 Smámynd: Greta Björg Úlfsdóttir

Klara Rakel, ég gæti sem best trúað að það séu skólabúningar í þessum skóla, þar sem Austurríkismenn þykja yfirleitt heldur íhaldssamir.

Ég get verið sammála því að skólarnir eigi ekki að skipta sér af því hvort nemendurnir séu að kela og kyssast, utan skólans.

En slíkt kelerí einfaldlega ekki heima í skólanum, sem líta má á sem vinnustað nemenda og kennara. Skólalóðir teljast yfirleitt hluti skólans, og hegðun nemenda þar á ábyrgð kennara og skólayfirvalda.

Ég hugsa að það yrði ekki vinsælt ef nemendur sem þannig haga sér á sínum vinnustað stunduðu þessa hegðun þegar þeir verða komnar út á vinnumarkaðinn, - það er að segja nema þeir gerðust fyrirsætur í þróaðri greinum tískubransans...

Eins og Heidi benti hér á í kommenti áður þá tíðkast ekki kelerí fyrir allra augum á vinnustöðum fullorðinna, fólk bregður sér þá frekar inn í ljósritunarskonsur eða kústaskápa og fleiri slíkar vistarverur, ef það við föndra við slíkt í vinnunni. Ja, ekki nema það búi svo vel að hafa einkaskrifstofu!

Mér finnst að þú ættir líka að spá í að hér er verið að tala um 14 ára krakka, ekki 16 og eldri.

Hefðir þú getað hugsað þér að vera í sleikleik við skólasystur þínar á skólalóðinni þegar þú varst 14 ára? (Eða ertu kannski 14 ára núna?)

Ég man nú reyndar að þegar ég var í menntó var þar kærustupar sem "slitnaði ekki slefan á milli" á göngum skólans í frímínútum. Okkur hinum nemendum skólans fannst þau fremur hallærisleg, enda var þetta á tímum hippanna og blómabyltingarinnar, þar sem samfélagsmál áttu að vera í forgrunni hjá manni til að maður gæti talist "in", helst að taka þátt í mótmælagöngum gegn Víet-Nam og Nató, og þótti þess vegna mörgum það bera vott um ansi einskorðaða sýn að par héngi hvort á öðru öllum stundum. - En kannski hafa þau bara getað hist í skólanum, það veit ég svo sem ekkert um.

emokissing_733386.jpg

Ég hef líka verið að spá í hvort þeim sem finnst sjálfsagt að tvær stelpur keli á skólalóðinni finnist það jafn sjálfsagt ef um tvo stráka er að ræða?

Myndu þeir geta stillt sig um að segja "oj, hommar" eða eitthvað annað, álíka, eða jafnvel miður, fallegt?

Greta Björg Úlfsdóttir, 21.11.2008 kl. 13:59

22 Smámynd: Greta Björg Úlfsdóttir

Mörgum finnst nefnilega krúttlegt, eða æsandi, að sjá tvær stelpur/konur kela, en hugnast slíkt síður ef um karlmenn er að ræða.

Greta Björg Úlfsdóttir, 21.11.2008 kl. 15:14

23 Smámynd: Óskar Arnórsson

Gott komment og rétt og prósentan er 97% karlmanna sem vill þetta númer 1 eða 2, ég man ekki hvort.

Ég er kall, svo ég er hlutlaus í hvað er rétt eða rangt.

Enn 2 strákar og ein kona er ógeðslegt.

Óskar Arnórsson, 21.11.2008 kl. 17:48

24 identicon

Allt í lagi sumir hafa mismunadi skoðanir því miður erum við ekki sammála en einsog ég sagði þá finnst mér meira en líklegt að skólastjórinn hafi verið að ýkja og nei mér fynnst ekkert að því að 14 stelpur séu að kyssast. Maður á að geta skoðað alla sína valmöguleika í lífinu og prófað sig áfram í því sem maður gæti haft áhuga á líka kynhneigð. Hvað með það þó ég væri 14 ára ( sem ég er ekki. Ég geng í menntaskóla) myndirðu ekki vilja hlusta á það sem ég hef að seigja um huti sem eru að gerast hjá unga fólkinu og það sem tíðkast núna því ég er alveg viss um að þetta var ekki eins þegar þú varst lítil.

klara Rakel (IP-tala skráð) 22.11.2008 kl. 23:01

25 Smámynd: Óskar Arnórsson

Gott komment hjá klara rakel..það er ekki eins og þegar við vorum ung. Ég trúi alla vega eigin börnum og það harmonerar við það sem klara rakel segir..

Óskar Arnórsson, 22.11.2008 kl. 23:33

26 Smámynd: Greta Björg Úlfsdóttir

Klara Rakel,

ég hef ekkert á móti neinu sem þú segir, og finnst það reyndar mjög skynsamlegt.  Mér finnst einfaldlega ekki skólalóðin vera rétti staðurinn til að prófa sig áfram um þessa hluti, ég álít aðra staði henta betur, þar sem ég lít á skólann sem vinnustað, og yfirleitt fara "kynlífsprófanir" fram annars staðar, enn sem komið er. Þú mátt alveg hafa þínar skoðanir, mín vegna, ég hef engan rétt til að segja þér að láta af þeim, en þér hefur ekki tekist að sannfæra mig þannig að ég hafi breytt skoðun minni á þessu.

Ég sagði áðan að hingað til hefði kynlíf og rannsóknir (prófanir) því tengdar ekki þótt eiga heima í skólum og á vinnustöðum (nema þar sem rannsóknir á kynlífi fara gagngert fram, í vísindalegu samhengi). Kannski er þetta að breytast, því allt er breytingum undirorpið.  Kannski eiga tilraunir í kynlífi, hvað varðar kynhneigð og hvað eina annað sem því tengist, eftir að verða hluti af námsskrá í framtíðarþjóðfélaginu? Eins og Huxley gerir sér í hugarlund í bókinni "Veröld ný og góð".

Ég er reyndar sammála því sem Óskar sagði annars staðar að það hefði verið betra ef þessi tilvik hefðu verið tekin fyrir á foreldrafundi (en það kemur reyndar ekki fram í fréttinni hvort svo hafi verið gert), heldur en að skólastjórinn setti alfarið bann við þeirri athöfn að kyssast, hvort heldur sem er kossum sem túlka má kynferðislega eða léttum vinarkossum. Svona bann hefði örugglega ekki verið sett á Íslandi. En eins og ég benti líka Óskari á á þessum sama stað þá er það vel þekkt að Austurríkismenn þykja frekar íhaldssamir og formfastir, þannig að mörgum þeirra gæti þótt slíkt bann sjálfsagt og eðlilegt, þó frjálslyndari öflum í Austurríki þyki þau forkastanleg.

Greta Björg Úlfsdóttir, 23.11.2008 kl. 18:57

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Greta Björg Úlfsdóttir
Greta Björg Úlfsdóttir

...hvað er bak við yztu sjónarrönd?

gretaulfs@gmail.com 

                                                                                                                                                           Injustice anywhere is a threat to justice everywhere. We are caught in an inescapable network of mutuality, tied in a single garment of destiny. Whatever affects one directly, affects all indirectly.

~ Martin Luther King, Jr.

Bloggvinir

Innskráning

Ath. Vinsamlegast kveikið á Javascript til að hefja innskráningu.