Húrra!

Kæri bloggvinir! Gleðifréttir af mér. Ég fór í blóðprufu og sprautu í gær, og það sýndi sig að allt gengur vel, líkaminn stenst álagið og lyfið er að virka. Andlega heilsan er líka orðin miklu betri, ég hef fengið frábæra aðstoð og stuðing frá systur minni og mági í þeim efnum, svo og hefur mágur minn, sem er listakokkur, keppst við að troða í mig hollum mat, þar sem ég var orðin mjög lystarlítil, en nú er matarlystin að koma til baka. Svo fór ég til kínversks læknis í dag og fékk meðferð og góð ráð um hvernig ég get styrkt mig til að takast á við sjúkdóminn. Svo nú er allt á uppleið hjá þessari konu sem hér skrifar.

Næsta sprauta 15. janúar, og 21. janúar flýg ég síðan til Kanarí með vinkonu minni, móður minni og tveimur systrum hennar. Það verður gott að baða sig í sólinni í tvær vikur, sólskin og gróður hafa alltaf verið hollvinir mínir hvað heilsuna varðar, eins og svo margra annarra.

Athugasemdir

[Heidi Strand, 9.1.2009 kl. 19:42]

Frábært að heyra! Bestu kveðjur frá okkur hjónum.

[Rut Sumarliðadóttir, 9.1.2009 kl. 19:57]

gott að heyra Gréta mín, öfunda þig af sólinni, hafðu það gott þar, veitti ekki af nokkrum geislum hér.

[Dunni, 9.1.2009 kl. 21:25]

Það eru sannkölluð gleðitíðindi að þú sért að ná þér á strik. Vonandi að lyfir svínvirki og að mágur þinn haldi áfram að fóðra þig á hollmet. Ekkert er mikilvægara en að eiga góða að er á bátinn gefur.  Það hef ég lært af reynslunni.

Okkar bestu óskir um fína ferð til Canarý

Dunni

[Heidi Strand, 9.1.2009 kl. 22:03]

http://www.galleriaforni.it/Coronaestasi.htm

[Steingrímur Helgason, 9.1.2009 kl. 23:01]

Gaman af þér að heyra gleðifréttir, eigðu góðann túr á Kanaríið.

[Ásthildur Cesil Þórðardóttir, 10.1.2009 kl. 02:19]

elsku Gréta mín gott að vita. Gangi þér allt í haginn

[Ragnheiður , 10.1.2009 kl. 02:22]

Frábært !!!!!!!!!!!!

[Valgeir Matthías Pálsson (IP-tala skráð) 10.1.2009 kl. 20:56]

Innilega til hamingju Greta mín. Til hamingju. Þetta eru stórkostlegar fréttir. Gangi þér rosa vel í framhaldinu. Lyfin eru greinilega að virka vel fyrir þig elsku vinur. Þú ert bara hetja Greta mín.

Gangi þér æðislega vel í framtíðinni Greta mín. Ég tek utan um þig í huganum og knúsa þig.

Með kærleikskveðju.

Valgeir.

[Ragnhildur Jónsdóttir, 11.1.2009 kl. 13:40]

Yndislegt að heyra Greta mín.

Knús og kveðjur, mikið ljós, velgengni og gleði til þín

[Baldvin Jónsson, 15.1.2009 kl. 02:06]

Þú ert hetja og ert að fara í gegnum þetta með réttu hugarfari. Gaman að fá að fylgjast með og Guði sé lof fyrir andlegt ástand þitt :)

[Þorbjörg (IP-tala skráð) 16.1.2009 kl. 17:20]

Gott að heyra að allt gengur vel, ég varð að setja inn nokkur orð, þar sem ég sé að við erum báðar að fara til Kanarý 21. jan., ég fer með syni mínum og við verðum líka í 2 vikur, skemmtileg tilviljun, verðum kannski á sama hóteli :)))

[Greta Björg Úlfsdóttir, 17.1.2009 kl. 12:53]

Hjartans þakkir fyrir kveðjurnar, öll sömul.

Kannski hittumst við á Kanarí, Þorbjörg? Það væri gaman.

Það gengur vel hjá mér og nú er ég að fara að pakka. Blogga næst þegar ég kem heim.