Hæ og hó!

Ferðafélagar mínír á Kanarí: Linda, Fríða og Ásta (mamma).

Fyrir neðan: Linda kisumamma

Kæru bloggvinir, bara stutt færsla til að láta vita af mér.

Karnarí-ferðin gekk vel í alla staði, það var yndislegt að dveljast í heitara loftslagi í þessar tvær vikur og slappa af.

Ég fór í sprautu strax daginn eftir að ég kom heim, og svo í aðra í dag, þá er meðferðin hálfnuð, og í þarnæstu viku fer ég í CT-scann þar sem staðan verður skoðuð. Það verður gaman að vita hvað kemur út úr því, allt það besta á ég vona á, mér finnst þetta ganga það vel.

Ég var töluvert lasin seinustu viku, sjálfsagt að hluta til af lyfjagjöfinni, en svo hallast ég líka að því að ég hafi fengið í mig einhvern flensuvírus, það eru víst alls konar vírusar á ferð um borgina.

Greta risafluga - ég tók þessa mynd út, því hún er ömurleg! ;)

Svo bætti ekki úr skák að ég er búin að vera hálfblind á hægra auga, fékk einhverja óútskýrða bólgu í augað á meðan ég var úti, það er hálfóþægilegt að hafa ekki fulla sjón, maður verður óttalega ringlaður. Ég fór tvisvar til augnlæknis úti. Nú finnst mér þetta byrjað að lagast, enda hef ég reynt að hlífa sjóninni, - hef meðal annars gengið um allvígaleg hér heima með risasólgleraugu sem ég átti og notaði til að setja yfir titaniumgleraugum við akstur, - ég held að ég líti út eins og risafluga með þau!

Ég á tíma hjá augnlækni í augndeild Landspítalans á þriðjudaginn kemur, hann getur vonandi sagt mér meira um af hverju þetta stafaði, læknirinn á Kanaríeyjum vildi lítið gefa út á það og sagði að ég yrði að láta læknana hér heima segja hvað væri að, en sagði samt að þetta væri eitthvað sem gæti komið eins og hendi sé veifað og verið svo margar vikur að lagast aftur.

Athugasemdir

[Valgeir Matthías Pálsson (IP-tala skráð) 12.2.2009 kl. 15:56]

Hæ elsku Greta mín.

Meiriháttar að heyra að ferðin hafi gengið vel hjá þér Greta mín. Meiriháttar. Ég væri sko alveg til í að skella mér á Kanarí. 

Þetta hefur verið rosalega skemmtileg ferð hjá ykkur. Það er bara frábært að hún hafi gengið vel.

Hafðu það innilega gott Greta mín og knúsi knús.

Þú ert æðisleg.

Takk fyrir að vera bloggvinur.

[Birna Dis Vilbertsdóttir (IP-tala skráð) 12.2.2009 kl. 20:43]

Velkomin heim

[Anna Ragna Alexandersdóttir, 13.2.2009 kl. 10:35]

Velkomin heim Greta min

[Ragnhildur Jónsdóttir, 13.2.2009 kl. 16:37]

Gott að heyra frá þér og frábært að heyra að ferðin hafi verið góð Þrátt fyrir augnvesen, æ ég vona að það fari að lagast allt saman.(kúl gleraugu

Gangi þér vel Greta mín með lyfjameðferðina og allt það.

Sendi þér Ljós og knús og Lalli biður að heilsa

[Jenný Anna Baldursdóttir, 14.2.2009 kl. 01:57]

Hæ, saknaði þín.  Láttu þér batna fljótt og vel.

[Guðný Anna Arnþórsdóttir, 14.2.2009 kl. 08:37]

Halló, Kanarífari, velkomin heim! Þetta hefur verið góð ferð og það er öldungis frábært. Gangi þér vel í öllu þínu! (*~*)

[Greta Björg Úlfsdóttir, 14.2.2009 kl. 11:34]

Takk fyrir kveðjurnar, kæru vinir, það er alltaf jafn gott að heyra frá ykkur.

[Valgeir Matthías Pálsson (IP-tala skráð) 17.2.2009 kl. 00:31]

Hafðu það sem best Greta mín og sofðu rosa vel í nótt. Það er ávalt gaman að kíkja inn á bloggið þitt.

Þú ert æði. Svo góður bloggvinur.

[Anna Ragna Alexandersdóttir, 19.2.2009 kl. 19:58]

Innlit