Louis Prima - Bona Sera

Á þessu myndbandi syngur Gia Maione, fimmta og síðasta eiginkona L.P., með honum og hljómsveitinni. Keely Smith var fjórða eiginkona hans.

Louis Prima á Wikipediu

Úr Frumskógarbókinni

 

Louis Prima og Frumskógarbókin

Nothing´s Too Good For My Baby

 

 

 

Sætukroppur

 

Jæja, eitthvað er að verða minna úr bloggfríinu mínu en áætlað var, það er svo gaman að kíkja hér á bloggin og bulla eitthvað. En nú ætla ég að drífa mig í háttinn, lesa eitthvað smá og reyna svo að sofna í hausinn á mér. Set hér inn voða sæta mynd og hugsa til Röggu (Ragnheiðar) sem bíður spennt þessa dagana og nætur líka undanfarið (en vonandi ekki nótt eftir miðann frá lækninum) eftir nýju barnabarni.

Góða nótt, krúsidúllur

Ha, ha...

Ég sé að ég fór nokkuð nærri um raunverulegt útlit mannsins sem duldist bak við fyrri mynd prakkarans, klikkið á stærri myndina til að sjá hvað ég á við:

P.s. Ég er nú bara að prakkarast...

En ætla að opna aftur tvær eldri "móðgelsisfærslur" sem ég var annars búin að loka, fyrir forvitna bloggvinkonu mína...

Vers af denne verden

Der brænder et lys
i min stue.
Det holder jeg
hånden mod.
Hvor stråler
dets varme venlig.
Hvor føles den
tryg og god.
Hvad blev der af
varmen i verden?
Hvornår skal dens
magt fornys?
Vi går på en jord,
hvor man trænger
til varmen fra
et lys.

- Piet Hein

Gruk

Opskrift på trylleri

Alle tryllerier, der gis',
foregår på denne vis:
Put en hvid kanin i hatten!
Ta' den så igen op a' den.
NB.
Før du laver trylleri, husk og put kaninen i!

~Piet Hein

Boð á sýningu...

Klikkið á rósina og hafið hátalarana á...veljið ykkur tungumál og klikkið svo á "virtual gallery" vinstra megin.

Góða nótt!

Hið stóra samhengi...shit...nú skeit ég víst á mig...

 

Þar sem ég hef verið vænd um baknag og háð samfara analisma í garð sambloggara minna af Höfundi Hins Stóra Samhengis hef ég tekið þá ákvörðun að draga til baka freistingarfærslu mína frá í morgun. Vil ég með því koma í veg fyrir frekari hrökun bloggheima vegna brota minna á óskráðum bannreglum (tabú) þeirra.

Megi friðhelgi ríkja í lendum moggabloggara.

Sný svo aftur í áður boðað bloggfrí....

 

Nei takk!

Í mínum huga er þetta sára einfalt - þarf enga útreikninga: Ef eitthvað sem talið var öruggt (safe) reynist óöruggt(unsafe) þó ekki sé nema í  1 tilviki, þá á auðvitað að hætta að nota það.

Þá er ég auðvitað að tala um rafbyssur.

Af því að þetta er nýjasta tíska í bloggheimum...

Trúarsannfæring mín:

1. Unitarian Universalism (100%) 2. Hinduism (96%) 3. Mahayana Buddhism (96%) 4. Neo-Pagan (95%) 5. Liberal Quakers (94%) 6. Mainline to Liberal Christian Protestants (88%) 7. New Age (85%) 8. Taoism (70%) 9. Orthodox Quaker (69%) 10. Theravada Buddhism (69%) 11. New Thought (60%) 12. Sikhism (58%) 13. Scientology (51%) 14. Secular Humanism (51%) 15. Reform Judaism (49%) 16. Jainism (47%) 17. Seventh Day Adventist (45%) 18. Mainline to Conservative Christian/Protestant (43%) 19. Christian Science (Church of Christ, Scientist) (42%) 20. Bahá'í Faith (41%) 21. Eastern Orthodox (41%) 22. Roman Catholic (41%) 23. Orthodox Judaism (26%) 24. Church of Jesus Christ of Latter-Day Saints (Mormons) (25%) 25. Nontheist (22%) 26. Jehovah's Witness (19%) 27. Islam (16%)

"Hrökun" íslensku - dæmi tekin úr bloggum um rafbyssur:

"Ég vill ekki sjá þessar helvítis byssur í höndum íslenskra lögreglumanna.....held að þær verði miðsnotaðar of mikið . Ekki gott að skjóta fólk sem er veikt fyrir hjartað eða eithvað svoleiðis þá draga þessar byssur þá til dauða mjög fljótt"

= Er í lagi að misnota, ef það er ekki of mikið? Hvað er að miðsnota, er það að nota miðið? Fólk er hvorugkynsorð, það á að segja það fólkið, ekki þeir fólkið=draga þessar byssur það til dauða o.s.frv. Auk þess er yfirleitt talað um að fólk sé veikt fyrir hjarta, það er að segja hjartanu, ekki  hjartað, það er að segja, maður er veikur fyrir einhverju, en ekki eitthvað. Það tekur því varla að rífast lengur út af "ég vill", þar sem flestir segja það núorðið, en auðvitað ætti að standa "ég vil".

 

"Mín skoðun er sú að þessar rafstuðbyssur eigi ekki að vera notaðar, þær eru greinilega stórhættuleg morðvopn."  = Af hverju ekki að segja: Mín skoðun er sú að það eigi ekki að nota þessar byssur - ?

 

Það er betra að geta tjáð sig bærilega á tungumálinu sínu þegar um grafalvarleg mál er að ræða. 

 

*Ég hef ákveðið að taka mér reglulega hlé á bloggfríi til að nöldra út af málfari samlanda minna á moggabloggum. 

Lést eftir að hafa verið skotinn með rafmagnsbyssu

Litagleði

Þessu MÁ ÉG TIL að blogga, þó ég sé komin í bloggfrí:

Litaglaða fæðið er hollara

Næturrómansa

 

 

 

 

 

 

nóttin er flauel
vefur mig örmum
blíðust allra
kemur alltaf aftur til mín

nóttin er fugl
ber mér á vængjum
furður drauma
sem hef gleymt að morgni

Bloggfrí

Ég er að spá í að taka mér bloggfrí um óákveðinn tíma og kíkja í staðinn á ýmislegt jólastúss. Hafið það gott á meðan, bloggvinir mínir. Þið getið ef þið viljið skilgreint tillögu Halldórs Baldurssonar að deiluskipulagi fyrir Reykjavíkurborg hér á síðunni þangað til ég kem aftur:

Ballerína í jólastússi

Brúður með sorgarslör?

Af hverju var Bónus-og-Hagkaupa-brúðurin með SVART slör þegar hún giftist milljarðaprinsinum? Hingað til hef ég haldið að svarti liturinn táknaði sorg í okkar heimshluta. Ég varð eiginlega alveg forviða að sjá þetta í fréttunum, ætlaði ekki að trúa mínum eigin augum og fannst þetta alveg stórfurðulegt, en ég er líka bara venjulegur íslenskur fjölyrki.

Annars finnst mér nú dálítið snemmt að útnefna þetta brúðkaup aldarinnar, þar sem það eru nú aðeins liðin tæplega sjö ár af öldinni. Ætli það verði nú ekki búið að toppa þetta brúðkaup fyrir næstu aldamót? 

 

Saumakonan

 

 

 

 

 

 

 Uppi í háu húsi... er gamla bloggið mitt á Blogger. Svona er þetta blessaða saumakonu-nafn til komið, á bloggum konu sem aldrei saumar (nánast): Nafnið var sem sé skírskotun í vísnaleikinn "ein ég sit og sauma, inni í litlu húsi" og bloggið hét í upphafi "inni í litlu húsi" (áður en það breytti um útlit og saumakonan gerðist vitavörður), tilvísun í að "enginn kemur að sjá mig, nema litla músin".

Ef við förum enn lengra aftur þá byrjaði ég að blogga á ensku á Blogger og kallaði mig þá "the millenium mouse", eða þúsaldarmúsina....þaðan kom sko nefnilega litla músin að sjá saumakonuna...svona er nú minn húmor...

Já, ég var víst eitthvað svolítið einmana í sálinni þegar ég byrjaði saumkonu-bloggið, fannst að minnsta kosti fáir kíkja við. Ýmislegt hefur breyst síðan, en ég verð nú víst áfram nokkuð sérvitur og hlédrægur einfari, þó þeir sem mig þekkja viti að ég get alveg sýnt af mér kæti í góðra vina hópi, ef svo ber undir.

Að sumu leyti býður Blogger upp á möguleika sem eru þægilegri og léttari í vöfum en þeir sem hér bjóðast, en þar er náttúrulega ekki fyrir að fara því sérstaka samfélagi bloggara sem hér er að finna. Þess vegna er ég nú flutt hingað á moggabloggið......þó hér geti reyndar líka verið dálítið einmanalegt, þegar fáir nenna að kommenta, þó maður skrifi hverja færsluna eftir aðra...