Robert Adler

...hét hann og er nú látinn í hárri elli, enda horfði hann víst lítið á sjónvarp og notaði því lítið sjálfur þessa hina  frægustu uppfinningu sína, sem á sök á því að milljónir manna rísa ekki á fætur frá sjónvarpsskjánum nema endrum og eins...sumir hafa meira að segja legið þar hreyfingarlausir í heilt ár, sbr. þessa bloggfærslu Guðnýjar Önnu...en það var að vísu ekki Adler að kenna, heldur var maðurinn einfaldlega búinn að vera látinn í allan þennan tíma...reis náttúrlega ekkert á fætur, heldur var borinn í burtu, eða það sem eftir var af honum .

...En svo er þessi frétt víst, þegar til kemur, tóm þvæla og vitleysa og skakkar um 52 ár...

En hefði fréttinni um kallinn sem dó í Hampton Bays skakkað um allan þann tíma hefði hann sennilega verið horfinn að mestu þegar hann loksins fannst. Svo líklega var hún þó rétt. Ekki lýgur Mogginn nema einstöku sinnum og þá óviljandi. Glíng-gló! . 

Skapari fjarstýringarinnar látinn

Athugasemdir

[HÞS (IP-tala skráð) 18.2.2007 kl. 21:54]

Skakkar? Skakkað?

Þetta er eitthvað sem maður hefði helst séð hjá ófermdum unglingi... 

[Greta Björg Úlfsdóttir, 19.2.2007 kl. 12:19]

Þetta er fullgild íslenska, það ert þú sjálfur em ert ekki nógu vel að þér í tungumálinu, sýnist mér.

[Greta Björg Úlfsdóttir, 19.2.2007 kl. 12:42]

...við nánari umhugsun geri ég mér þó grein fyrir því að ég muni hafa ætlað að nota sögninga "að skeika" í þessu samhengi, en hafi í staðinn og alveg óvart frumsamið sagnorðið "skakka" upp úr orðinu "skekkja". Þetta nýja og frumlega sagnorð mitt tel ég þó að myndi samrýmast fullkomlega íslenskum málfræðireglum. Svona er hægt að fara flatt á að vera með sköpunargáfuna í lagi! Ég ætla ekki að leiðrétta textann minn, heldur leyfa þessari nýsmíð minni að standa þarna. 

[Greta Björg Úlfsdóttir, 19.2.2007 kl. 12:56]

...hmm,...við enn nánari umhugsun sé að þetta er heldur ekki rétt, því vissulega er sögnin "skakka" til í íslensku máli, bara ekki í þeirri merkingu sem ég notaði hana, heldur er hún yfirleitt notuð í orðasambandinu "að skakka leikinn" og merkir þá trúlega "að jafna".