Verðlag á Íslandi

Ég rakst á merkilegan tengil í athugasemd Söru við færslu hjá Heidi, á síðu sem doktor Gunni hefur búið til. Ég legg til að þið kynnið ykkur það sem á henni stendur: Okur! Okur! Okur!

Þessi síða þykir mér gott framtak. Við neytendur þurfum að vera miklu duglegri að fylgjast með kaupmönnum og veita þeim aðhald hvað varðar vöruverð, þar getur verið ótrúlega mikill munur á milli verslana. Sjálf er ég búin að bæta þessari síðu í blogg-tenglalistann hjá mér (undir mikilvægt) og ætla mér að fylgjast með því sem þar kemur fram reglulega og jafnvel að koma með eigin ábendingar, ef tilefni gefst, sem er ekki fjarri lagi að álíta að muni gerast fljótlega, ef öllu fer fram sem hingað til.

Og talandi um verðlag, þá langar mig að benda þeim sem ekki hafa heyrt um hana á snilldarsíðuna dohop.com, sem rekin er af íslendingum. Þar má finna hagstæðasta fáanlegt verð á flugferðum um allan heim. 

Athugasemdir

[Birna Dis Vilbertsdóttir (IP-tala skráð) 30.10.2007 kl. 12:42]

Var búin að heyra af þessari síðu. Frábært framtak.

[María Anna P Kristjánsdóttir, 30.10.2007 kl. 14:01]

Fín síða,það er sko dýrt á Íslandi,t.d. það er ódýrara fyrir fjölskyldu að leigja dvd eða spólu og horfa á myndina heima.