Ég er að velta því fyrir mér...

Ef fólk ákveður að "hoppa fram af" eins og ég kallaði það í kommenti hér á blogginu, eða kannsi að "hoppa af" það er að segja að hætta að borga af lánunum sínum og flytja úr landi, fær það þá fyrirgreiðslu í erlendum bönkum samt sem áður?

Er ekki allt svo tengt að bankar fái strax upplýsingar um vanskil frá heimalandinu? Alla vega á hinum Norðurlöndunum og á Schengen svæðinu? Yrði maður ekki að fara til Suður-Ameríku með fullt af dollurum upp á vasann eða í einhvern útnára heimsins til að slíkt gengi upp?

Er það þá ekki bara bankabókin og rassvasabókhaldið sem gildir, eins og hér heima? Nix kreditkort, núll lán, engar eignir, plúskort (fyrirframgreitt kort), og debetkort fyrir náð og miskunn síðar o.s.frv.

Vona að einhver geti svarað þessari spurningu minni.

Athugasemdir

[Steingrímur Helgason, 28.10.2008 kl. 23:01]

Ný kt., nýtt líf er mér sagt af frændum mínum í heija norgeinu.

[Greta Björg Úlfsdóttir, 28.10.2008 kl. 23:07]

Þeir spyrja sem sagt ekkert um hvað þú skuldir í gamla landinu?

[Steingrímur Helgason, 28.10.2008 kl. 23:25]

Ef frændur mínir fátækir eru ekki mér lygnari, nei, þá er það ekki svo alla vega hjá nágrennzlaþjóðum okkar Gréta.

[Greta Björg Úlfsdóttir, 28.10.2008 kl. 23:55]

Þá spái ég að sorgmæddir Íslendingar muni kasta frá sér skuldaböggum og streyma unnvörpum í austurveg á næstu mánuðum.

[Rut Sumarliðadóttir, 29.10.2008 kl. 11:20]

Við erum nýju pólverjarni, ekki í fyrsta sinn sem fólk flýr landið vegna óstjórnar.

[Greta Björg Úlfsdóttir, 29.10.2008 kl. 14:02]

En er sem sagt alveg sama, eftir því sem Steingrímur segir...