Bíbí Ólafsdóttir

 

 

 

 

 

 

 

 

 

 

 Ég var að horfa á sunnudagsviðtal Evu Maríu við Bíbí Ólafsdóttur, miðil.

Þetta var ólíkt betra viðtal en viðtalið sem ég gagnrýndi svo harðlega s.l. mánudag.

Þetta viðtal var opið og einlægt (hvernig er annað hægt með viðmælanda eins og Bíbí?) og gaf mér mjög mikið.

Bíbí ræddi mikið um hreinskilni, um sannleikann og mikilvægi hans í samskiptum manna, að hafa allt uppi á borðinu og grafa ekki leyndarmál í djúpum vitundarinnar. Slíkt leiðir aðeins til sjúkleika.

Út frá þeim orðum hennar langar mig til að bæta við frá eigin brjósti að það sama hlýtur að eiga við hvort sem um einstaklinga eða þjóðfélög er að ræða, það gefur auga leið að séu þeir sem eiga að stjórna þjóðfélaginu ekki hreinskilnir við þjóð sína þá er voðinn vís.

Lokaorðin hennar Bíbí voru þörf áminning til allra um mikilvægi kærleikans, mikilvægi þess að elska meðbræður sína.

Eva María, þú færð prik frá mér fyrir þetta viðtal.

Bestu þakkir.

(Eva, vartstu kannski búin að lesa bókina hennar Vigdísar fyrir viðtalið? )

Ég ætla að setja hér inn vísu sem ég rakst á í gömlu dóti, ég er ekki viss um hver höfundurinn er, svo ég ætla ekki að eigna hana neinum:

Ástin er svo djúp, svo djúp.

Dýpra ekkert getur

eða nokkurn helgi-hjúp

henni æðri metur.

YouTube: Viðtal við Vigdísi Grímsdóttur um bók hennar um Bíbí.

Athugasemdir

[Númi (IP-tala skráð) 30.11.2008 kl. 21:49]

Eftir að ég horfði á þetta viðtal,þá datt nú allur áhugi hjá mér að lesa bókina hennar.Svona fór nú það.

[Greta Björg Úlfsdóttir, 30.11.2008 kl. 21:59]

Hins vegar jók viðtalið minn áhuga á að lesa bókina, þar sem ég hafði heyrt henni (bókinni) hallmælt í gagnrýni sem einni "vælukjóabókinni" enn, en heyrðist á öllu í kvöld að þetta væri hin áhugaverðasta bók, vel skrifuð, fróðleg og gagnleg þeim sem lesa hana með opnum huga.

Auðvitað verða alltaf skiptar skoðanir um heinskilnar, opinskáar og óvenjulegar persónur eins og Bíbí. Og ekki eru heldur allir hrifnir af Vigdísi Grímsdóttur og bókum hennar.

[Heidi Strand, 1.12.2008 kl. 00:07]

Við vorum á frábæra tónleika í kvöld og ég sé að það hefur verið mjög athyglisvert viðtal hjá Evu Maríu.

 Ætlar þú á fundinn á morgun?

Mætum öll!

[Jenný Anna Baldursdóttir, 1.12.2008 kl. 07:13]

Ég las bókina í fyrra.  Ýmislegt gott í henni, annað miður eins og gengur.

Sá ekki þetta viðtal.

[Greta Björg Úlfsdóttir, 1.12.2008 kl. 09:07]

Heidi, mig langar, en ég treysti mér því miður ekki, ég er búin að vera frekar lasin seinustu vikuna og mér finnst svo vont að vera úti í miklum kulda.

Ég veit, kuldaskræfa.

[Anna Ragna Alexandersdóttir, 1.12.2008 kl. 13:28]

Mætum í dag

[Valgeir Matthías Pálsson (IP-tala skráð) 1.12.2008 kl. 19:36]

Hæ Hæ Gréta mín.

Ég er búin að skrifa comment til þín á síðunni minni. Ég bið þig kærlega afsökunar á því sem ég skrifaði.

Bestu kveðjur og knús.

[Anna Ragna Alexandersdóttir, 3.12.2008 kl. 12:00]

Láttu þér batna vina og átt þú góðan dag.

Bíbí no comment