Elsku bloggvinir

 

 

 

 

 

 

 

 

 

 

 

 

 

Þessi meðferð sem ég er í sýnir sig að vera meira töff en haldið var til að byrja með að hún yrði. Við myndatöku fyrir hálfum mánuði kom í ljós að allan tímann frá því að ég byrjaði í meðferðinni eru búin að vera tvö lítil æxli í lifrinni minni, sem sjást á eldri myndum, á nýjustu myndinni hafa þau afmarkast svo þau greindust loksins, en þau hafa ekki stækkað á henni frá því á þeim eldri.

Sprautulyfið virkar ekki á þessi æxli, svo nú er ég komin á tvöfalda meðferð, pillur og sprautur, takk fyrir. Í dag er ég búin að vera ansi lasin, flökurt og með svima, svo bætist við að sjónin er í klessu, ég geng hér um með sjóriðu alla daga, misslæmt, stundum skárra stundum verra. Jæja, mér líður ekki vel í dag, ég ætla ekki að skrifa meira núna, en það er léttir að setjast við tövuna og skrifa þetta, þó svo það sé með lepp fyrir öðru auga til að halda haus.

Elsku vinir, ég þigg alla orku og góða strauma til þess að komast í gegnum þessa þraut.

Guð blessi ykkur öll.

Myndin hér fyrir ofan er af mér og stóru systrum mínum. Erum við ekki sætar?

Athugasemdir

[Ragnheiður , 8.3.2009 kl. 16:51]

Knús og allir mínir góðu straumar til þín Greta mín

[Rut Sumarliðadóttir, 8.3.2009 kl. 18:49]

Gangi þér allt í haginn og góðan bata Gréta mín. Allir góðir vættir fylgi þér.

[Valgeir Matthías Pálsson (IP-tala skráð) 8.3.2009 kl. 19:59]

Gangi þér æðislega vel elsku Gréta mín. Ég veit að þetta er erfitt elsku vinkona. En við verðum að reyna að vera sterk. Ég þekki það að eigin raun. Ég bið fyrir þér elsku Greta mín og ég mun hugsa til þín svo langt sem það nær í framtíðina. Gangi þér rosalega vel elsku vinkona. Þú ert hetja elsku Greta mín.

Gangi þér allt í haginn vinur og Guð gefi þér alla sína strauma til að sigrast á veikindum þínum.

Með bestu kveðju.

Valgeir.

[Ragnhildur Jónsdóttir, 8.3.2009 kl. 21:08]

Elsku Greta, sendi þér góða strauma og Ljós

Falleg mynd af ykkur sætu systrum. Alltaf einhver sérstakur sjarmi yfir þessum stóru slaufum 

[Ásthildur Cesil Þórðardóttir, 9.3.2009 kl. 10:33]

Sendi þér ljós og kærleika Gréta mín megi allir góðir vættir vaka með þér og vernda.  Megir þú ná heilsunni þinni fljótt og vel mín kæra.

[Birna Dis Vilbertsdóttir (IP-tala skráð) 10.3.2009 kl. 20:20]

[Stefán Gíslason, 10.3.2009 kl. 23:15]

Sendi þér allra bestu kveðjur héðan úr Borgarnesinu. Gangi þér sem allra allra best með þetta allt saman!

[Magnús Sigurðsson, 11.3.2009 kl. 11:08]

Gangi þér allt í haginn.  

[Elías Stefáns., 11.3.2009 kl. 15:15]

Sendi þér bestu kveðjur og góða strauma.
Elías.
www.malla.is

[Guðný Anna Arnþórsdóttir, 11.3.2009 kl. 22:23]

Kæra Greta! Ég skal senda þér alla þá strauma sem ég hef yfir að þúa og get sent. Ég hvet þig líka til jákvæni þó á móti blási, þú veist hvað það er mikilvægt. Notaðu hugleiðslu og self-affirmation og orkuflutning úr eternum í þig! (N'u hjóma ég eins og vúdú kona fra Zanzibar) Gangi þér vel, elsku kona!

[Pjetur Hafstein Lárusson, 12.3.2009 kl. 06:24]

Vona að þú náir fljótt heilsu aftur. Ég talaði sem oftar við Villa á Hnausum um daginn.  Hann bað mig fyrir kveðjur til þín.

[Nanna Katrín Kristjánsdóttir, 12.3.2009 kl. 08:58]

Sendi þér og þínum alla þá orku og strauma sem ég get gefið.  Gangi þér vel

[Greta Björg Úlfsdóttir, 12.3.2009 kl. 16:56]

Kæru bloggvinir, takk fyrir allar kveðjurnar og góðu óskirnar.

Nú set ég inn nýja færslu um framhaldið.