Klikketí-klakk...

Almenningssamgöngur á höfuðborgarsvæðinu eru í molum og ástandið fer bara versnandi.

Ég veit hvað við gerum: Gröfum bara göng frá Seltjarnarnesi og upp á Akranes og setjum í þau neðanjarðarlest (metró), og líka suður í Hafnarfjörð. Svo þarf að  hafa nógu marga strætóa út frá lestarstöðvunum, svo það sé búið með að híma í kulda og trekki tímunum saman að bíða eftir strætó um vetur. Ég held að margir myndu leggja einkabílnum væri þetta svona. Og svo færum við flugvöllinn til Keflavíkur og setjum svo lestarstöð í flugstöðina og lestarspor með lest inn til miðborgar Reykjavíkur, eins og gert er í útlöndum. Einfalt, ekki satt? En kostar náttlega hellings rask og pening.......en hafa menn ekki í fullri alvöru látið sér detta í hug að grafa göng út í Vestmannaeyjar (þar sem mun færri búa, þar að auki)? Jarðskjálftar? Það eru lestarkerfi í Japan, ekki koma minni skjálftar þar en hér. Snjór og slabb? Er það ekki líka í t.d. Noregi og Svíþjóð, auk þess sem það kemur ekki lengur vetur á suðurlandi Íslands og fer versnandi eftir því sem jörðin hitnar .

................ ....segir kona sem elskar að ferðast með lest!....

Athugasemdir

[Ásthildur Cesil Þórðardóttir, 8.9.2007 kl. 12:59]

Já Gréta mín er ekki bara löngu komin tími á neðanjarðarlesarkerfi á stórReykjavíkursvæðinu. 

[Greta Björg Úlfsdóttir, 8.9.2007 kl. 22:53]

Ég held nú reyndar að nútímalestir segi ekki lengur klikketí-klakk, eins og lestir í gmla daga, - minnir að það heyrist meira svona þytur og í mesta lagi klakk-klakk í þegar þær hægja á sér til að stoppa á stöð. Er nema von að þetta gleymist þegar maður hefur svona alltof sjaldan tækifæri til að rifja upp kynni sín af lestum?