Vinir

Animation from MillanNet!

Ef allir væru nú alltaf svona góðir vinir!

Tölur Hagstofunnar um mannfjölda innan og utan trúfélaga 2005

Mannfjöldi 1. desember 2005 eftir trúfélögum og sóknum

Nú liggja fyrir hjá Hagstofu Íslands upplýsingar um mannfjölda eftir trúfélögum og sóknum. Nokkrar breytingar hafa orðið á skipan sókna og prestakalla og tvö prófastsdæmi hafa sameinast í eitt, Barðastrandarprófastsdæmi og Ísafjarðarprófastsdæmi í Vestfjarðaprófastsdæmi. Um breytingar á skipan sókna, prestakalla og prófastsdæma má lesa nánar í skýringum við töflur á vefnum. 

Undanfarin áratug hefur sóknarbörnum í þjóðkirkjunni fækkað hlutfallslega. Hinn 1. desember 2005 voru 84,1% landsmanna skráðir í þjóðkirkjuna en fyrir áratug var þetta hlutfall 91,5%. Á sama tíma hækkaði hlutfall íbúa í fríkirkjusöfnuðunum þremur - Fríkirkjunni í Reykjavík, Óháða söfnuðinum og Fríkirkjunni í Hafnarfirði - úr 3,3% í 4,6%.

Skráðum trúfélögum hefur fjölgað talsvert á undanförnum árum; skráð trúfélög utan þjóðkirkju og fríkirkjusafnaða eru nú 23 en voru 14 fyrir 10 árum. Þessum trúfélögum tilheyra 4,6% íbúa, samanborið við 2,7% árið 1995. Kaþólska kirkjan er þeirra fjölmennust en þar hefur meðlimum fjölgað um meira en helming frá árinu 1995, úr 2.553 í 6.451. Árið 2005 tilheyrðu því 2,2% þjóðarinnar kaþólsku kirkjunni samanborið við 1% árið 1995. Hvítasunnusöfnuðurinn er næst stærsta trúfélagið utan þjóðkirkju og fríkirkjusafnaða. Þar eru meðlimir nú 1.854 samanborið við 1.148 árið 1995 (0,6% þjóðarinnar 2005, samanborið við 0,4% árið 1995). Önnur trúfélög hafa innan við 1.000 meðlimi og í engu þeirra er hlutfall meðlima yfir 0,3% af íbúafjölda.

Til óskráðra trúfélaga og með ótilgreind trúarbrögð heyrðu 3,9% þjóðarinnar samanborið við 1% árið 1995. Utan trúfélaga voru 2,5% samanborið við 1,5% árið 1995.

*Fann engar nýrri tölur 

Stjórnarskrárbreyting

Í ljósi athugasemdar við síðustu bloggfærslu mína ætti ég eflaust breyta spurningunni sem ég set fram í "skoðanakönnun" minni hér til hliðar (ætla nú samt að láta hana standa óbreytta úr þessu). Spurningin myndi þá vera svona:

Ert þú hlynnt/ur því að eftirfarandi ákvæði verði fellt brott úr stjórnarskrá lýðveldisins Íslands:

,,Hin evangelíska lúterska kirkja skal vera þjóðkirkja á Íslandi, og skal ríkisvaldið að því leyti styðja hana og vernda”

Athugasemdin sem ég fékk er svona (vona að mér sé frjálst að endurbirta hana hér): 

Margir hafa haldið því fram hér í bloggheimum og víða annars staðar að Þjóðkirkjan á Íslandi sé ríkisskirkja og krefjast aðskilnaðar með látum. Sá aðskilnaður varð reyndar fyrir nokkrum árum og hefur greinilega farið hljóðar en þurft hefði. Þjóðkirkjan á Íslandi er ekki ríkiskirkja heldur rekin með svipuðum hætti og sænska kirkjan, meðan til dæmis sú danska og norska eru hreinar ríkiskirkjur. Þjóðkirkjan er EKKI á fjárlögum nema að því sem nemur afgjaldi af þeim gífurlegu eignum sem kirkjan átti en ríkið hefur tekið til sín í gegnum tíðina. Sem dæmi um slíkar jarðir má nefna allt byggingarland í Garðabæ og land það sem Kárahnjúkavirkjun stendur á. Byggir þetta á samningi milli ríkis og kirkju sem einhverjir hafa viljað rifta en spurningin er hversu mikið það myndi kosta ríkið. Reyndar setur ríkið kirkjunni rammalög sem það setur ekki öðrum trúfélögum og það er til kirkjumálaráðherra sem er kannski meira formsins vegna, enda muna menn sennilega að Björn Bjarnason hefur verið á því að leggja niður þetta embætti. Kirkjan ræður sjálf sínum innri og ytri málefnum en eins og aðrir reynir hún stundum að hafa áhrif á lagasetningu sem snertir hana beint. Ríkið innheimtir öll sóknargjöld fyrir þjóðkirkjuna eins og önnur trúfélög, sem er fyrst og fremst af praktískum ástæðum því innheimtumaður ríkissjóðs á auðveldara með að rukka en formenn hverrar sóknarnefndar eða trúfélags eins og gert var forðum.

Markús Þ Þórhallsson

Opinber skilnaður í sjónmáli?

Ég er farin að hallast meir og meir að því að það eigi að aðskilja ríki og kirkju, það er varla eðlilegt að íslenska ríkið, ef það vill geta talist lýðræðislegt, taki eina trúarstefnu fram yfir aðra.

En áður en slíkt getur orðið verður að fara fram töluverð umræða í landinu, er ég hrædd um og verður enda að teljast eðlilegt, þar sem þetta er stór ákvörðun. Man reyndar ekki (ókei, veit ekki!) hvenær ríkiskirkju sem slíkri var komið á, má ekki rekja það alla leið aftur til siðbótar, eða jafnvel enn lengra aftur, í kaþólska tíð?

Ég tel bráðnauðsynlegt að slík umræða fari fram á vitrænum forsendum, en ekki með heift, ásökunum og upphrópunum, á hvorn veginn sem er. Það er næsta eðlilegt og eiginlega samkvæmt eðlislögmálum að ríkiskirkjan vilji viðhalda status quo, er ekki einhvers staðar talað um það sem heitir inerti í eðlisfræðinni, ég held það eigi líka við um samfélagsgerðina. Þess vegna álít ég bráðnauðsynlegt að þeir sem vilja algjöran jöfnuð, bæði milli trúfélaga og einnig fyrir þá sem standa utan þeirra, haldi fram sínum málstað af rökfestu og fordómalaust.

Hvað fór fram hjá mér?

Eftirfarandi er tekið út úr athugasemd sem ég fékk við eina af færslum mínum hér á síðunni:

"og þetta með jólin, ef þú heldur virkilega að kristin trú sé astæða fyrir því að þessi tími árs er haldinn hátíðlegur. úff , þá þarftu að lesa þig til kona "

Nú velti ég því fyrir mér hvað það sé sem hafi farið svona rækilega fram hjá mér í öll þessi ár sem ég hef lifað og haldið jól, í hverju þessi meinta vanþekking mín felist, og í hvaða rit ég ætti helst að leita til að bæta úr henni?

Allar ábendingar eru vel þegnar!  

Gætir þú...

...lifað af 88.873 kr. á mánuði, fyrir skatt?!

Þetta er sú upphæð sem félagsmálaráðuneytið telur vera lágmarksframfærsluþörf á Íslandi 22. nóvember, 2007, en þá er bréfið dagsett sem mér barst frá Tryggingastofnun í dag.

Jóhanna, stattu þig nú og breyttu þessu, ef þú vilt teljast hæfur ráðherra (eða hæf ráða, ráðkvinna, ráðfrú, ráðherfa?) ! 

*Já, bréfið var 6 daga á leiðinni, innanbæjar. 

Skrifið undir áskorunina

Engar rafbyssur takk

Komið með...

...í ferðalag og hjálpið til við að loka Guantánamo !  

Sjáið MIG á leiðinni þangað...

Vinsamlegast skrifið líka undir þessa áskorun:

Engar rafbyssur takk

Súkkulaði og rósir

Hlustið á einstaka konu HÉR -

Viðtal við Eddu Heiðrúnu Backman í Kastljósi - konuna sem svo oft skemmti okkur á árum áður, en vekur nú hjá manni ómælda aðdáun með æðruleysi sínu gagnvart skelfilegum sjúkdómi, sem hún kallar aðalhlutverk sitt núna og hún ætlar að leika jafn vel og öll hin hlutverkin sem hún hefur leikið.

 

Allur er varinn góður...

 

 I would rather live my life as if there is a God and die to find out there isn't, than live my life as if there isn't and die to find out there is.

- Albert Camus

 Að þessu komst hann fyrr en menn gat grunað...

 

Hins vegar...

 

 Eskimo: "If I did not know about God and sin, would I go to hell?" Priest: "No, not if you did not know." Eskimo: "Then why did you tell me?" - Annie Dillard

 

 

 

En persónulega er ég höll undir þessa speki:

This is my simple religion. There is no need for temples; no need for complicated philosophy. Our own brain, our own heart is our temple; the philosophy is kindness. - Dalai Lama

Why do Atheists care about Religion?

Þetta myndband kemur með einu skynsamlegu rökin sem ég hef séð fyrir því að trúleysingjar hafi slíkan áhuga á trúarbrögðum sem raun ber vitni - en - nota bene - Ísland er ekki (ekki enn) fylki í Bandaríkjunum og hefur sem betur fer ekki  komið sér upp slíkum lögum og reglum eins og lýst er í þessu myndbandi og eru auðvitað brot á grundvallarreglum lýðræðis.

Er tuðið í íslenskum trúleysingjum kannski bara eintóm eftiröpun frá Ameríku, eða eru þeir svona hræddir um að við hin sem trúum munum líka fara að apa upp eftir klikkuðum Könum?

Trú Galileos og Einsteins

The Bible shows the way to go to heaven, not the way the heavens go. - Galileo Galilei

My religion consists of a humble admiration of the illimitable superior spirit who reveals himself in the slight details we are able to perceive with our frail and feeble mind. - Albert Einstein

Klárlega eru það ofsóknir gegn frjálsri hugsun sem fram koma í frásögnum á vídeóinu.

Í rauninni er hér verið að snúa dæmi Galileos Galielis við! Hann sem vísindamaður var ofsóttur af kirkjunni vegna vísindalegra hugmynda sem hann þróaði út frá athugunum sínum. Nú á 21. öldinni eru vísindamenn ofsóttir af Darwinistum vegna trúarlega hugmynda sem þeir hafa þróað út frá athugunum sínum!:

Ballerínur

"Mín" er önnur frá hægri - einbeitnin skín úr svipnum :

Louis Armstrong's set at 1958 Newport Jazz Festival

Svolítið gúmmúlaði á sunnudegi :

Wikipedia: Jack Teagarden Danny Barcelona Trummy Young Billy Kyle

Bloggvinalistinn

Kæru bloggvinir!

Ég hef ákveðið að gera svolitla grein fyrir bloggvinalistanum mínum eins og hann lítur út núna .

Mér finnst í fyrsta lagi skemmtilegra að láta sjást raunveruleg nöfn bloggvina minna heldur en þau nöfn sem þeir hafa valið sér sem notendanöfn. Í öðru lagi þá raðaði ég þeim til að byrja með í einfalda stafrófsröð, en síðan ákvað ég að breyta aðeins uppröðuninni. Hún er núna sem hér segir:

Efst á listanum trónir fólk sem ég þekki ekki aðeins úr bloggheimum, heldur einnig í eigin persónu, það er að segja augliti til auglitis. Þeirra á meðal bekkjarbróðir minn úr menntaskóla, sem eitt sinn uppnefndi mig flissmaskínu, en þó er bót í máli að ég hlaut það uppnefni sameiginlega með ríflega 20 öðrum ungmeyjum nýlega komnum af gelgjuskeiði . 

Næstar koma á listanum nokkrar konur sem láta mig alltaf öðru hvoru vita um heimsóknir sínar hingað með því að skilja eftir elskulegar athugasemdir við færslurnar mínar. Bestu þakkir fyrir, kæru bloggvinkonur!

Síðan koma svo aðrir sem ég verð ekki vör við að lesi síðuna mína, en sem ég lít alltaf reglulega við hjá, vegna þess að mér finnast skrif þeirra áhugaverð og skemmtileg. Það er misjafnt hvort ég kvitta fyrir þær heimsóknir eða ekki, það fer allt eftir efnum og ástæðum (einn þeirra gefur að vísu ekki kost á athugasemdum við sína fróðlegu pistla).

Þeirra á meðal eru til dæmis: Prestur á norðurlandi, sem ég varð þeirrar ánægju aðnjótandi að hlusta á þegar hann flutti afar minnisstæða prédikun í Hallgrímskirkju, þar sem hann talaði meðal annars út frá texta lags sem hinn ástsæli söngvari Louis "Satchmo" Armstrong söng í hér í eina tíð og heitir "What a Wonderful World"... Skáld og rithöfundur, sem ég varð sömu leiðis þeirrar ánægju aðnjótandi að hitta  við stofnun Listvinafélags Hveragerðisbæjar - og nú stendur meira til í því félagi á næstunni, skilst mér... Íslendingur sem býr í Maputo, Mósambík og ég var hálft í hvoru að vona að myndi stundum blogga einhverjum áhugaverðum frásögnum af lífinu á þeim slóðum (?)... Sagnfræðingur í Kaupmannahöfn... Læknir og listamaður á vestfjörðum... Skarpur hjólagarpur og tölvunörd... Kona sem hefur tekið upp hjá sjálfri sér að fara til Indlands, algjörlega á eigin vegum, til að bæta úr fátækt fólks þar, - ég álít að til þess þurfi meiri kjark en meðaljónu er gefinn og finnst áhugavert að fylgjast með hvernig henni gengur. Og fleiri...

Næst neðst er Þórdís Tinna, konan sem berst svo hetjulega við krabbamein. Hún er á þessum stað á listanum einfaldlega vegna þess að hún er síðust í stafrófinu. Samt sem áður hef ég reyndar það út á hana að setja að mér finnst að hún mætti alveg fara að skipta um höfundarmynd, hún hlýtur að líta betur út í raunveruleikanum heldur en bleika bollan sem hún er með núna! Svo eru búnar að koma myndir af henni í blöðunum svo fólk veit hvort sem er hver hún er og hvernig hún lítur út. - Þórdís Tinna, mig langar að sjá af þér almennilega mynd!

Af skömmum mínum hef ég svo skólasystur mína úr menntaskóla, hana Kristínu Ástgeirsdóttur, neðsta á listanum, þar sem hún hefur ekki bloggað síðan í september. Hún situr sem sagt þar í skammarkrók og er komin í fallhættu af vinalistanum - Kristín, góða besta farðu nú að blogga!

That Satchmo Smile - What a Wonderful World

Klikkið á myndina til að hlusta á lagið :

Louis Armstrong á Wikipediu

Franskir hefðarkettir

 

Fyrir nýbakaða kettlinga-ömmu

Louis Prima & Keely Smith - All Night Long 1956