Afmælisbarn

Bara að gamni mínu:

Myndir teknar 15. mars, 1986, af afmælisbarni með vinum sínum og kennara í skólastofunni þeirra í International School Moshi, Tanzaníu.

Gaman saman...Úlfur og vinir (Úlfur er sá berfætti á báðum myndum)...

...fleiri vinir...

...og með kennaranum (sem ég er því miður búin að gleyma hvað heitir).

ISM á Wikipediu 

Móðir Teresa

Hvernig er hægt að efast um að kona eins og móðir Teresa hafi verið einlæg í trú sinni og verkum?

Hún horfði upp á þær mestu hörmungar og þá dýpstu neyð sem finnast meðal mannkyns. Engan skal undra að oft hafi hún efast og verið við það að bugast við það sem hún fékk að reyna í sínu starfi.

Hvað tók hún þá til bragðs? Hún bað einfaldlega aðra  trúaða um að biðja fyrir sér, og leitaði þannig  í sameiginlegan kærleikssjóð trúaðra manna.

Það er ekki von að vantrúaðir geti skilið hin mjög persónulegu bréf hennar sem rætt er um í myndbandinu sem ég  tengi á hér fyrir neðan, því slíka trú og þvílíkan styrk skilja þeir einfaldlega ekki.

Myndband:
Christopher Hitchens & "Crazy" Bill Donohue on Mother Teresa

Aths. kl. 11:47, 8. des. Ég tók út orðið "kristinna" í trúaðra (kristinna) manna, því auðvitað er slíkur sjóður sameiginlegur öllu kærleiksríku fólki. Var víst að hugsa um að móðir Teresa var kaþólsk þegar ég skrifaði þetta. Ég er heldur ekki að segja með þeirri setningu að þeir sem ekki eru trúaðir geti ekki verið kærleiksríkir, heldur tel ég aðeins að þeir sem eru trúaðir hafi fundið kærleika sínum greiðfæra leið að þeim sjóði sem ég tala um, í gegnum trúna.  Vitanlega bað hún ekki vantrúaða um að biðja fyrir sér, þar sem þeir trúa ekki, og í dag leitast sumir þeirra við að kasta rýrð á þá mynd sem heimurinn hefur af henni, í krafti þess að í einkabréfum, sem birt hafa verið að henni látinni (og hún hefur örugglega ekki ætlast til að yrðu lesin af almenningi) efast hún um trú sína. Líka bætti ég við "og verkum" aftan við "trú sinni" í fyrstu setningunni, því ég tel verk hennar sanna staðfastan vilja hennar til að starfa samkvæmt því sem trú hennar boðar, þó hún hafi á stundum efast um búðguma sinn, Jesú Krist. Minni um það á það sem haft er eftir henni á myndbandinu að hún hafi svarað bandarískum blaðamanni í gamansemi, aðspurð um hjónaband, sem sé: - að hún sé í erfiðu hjónabandi.

9.des. kl. 22: Tók út orðið "sann" í "sanntrúaðra", vegna þess að ég komst að raun um að það bauð upp á að ég yrði misskilin og það herfilega, þar sem mér virðist fólk ef til vill leggja mjög mismundandi merkingu í það. Eftir stendur orðið "trúaðra".