Víkingalottó

Það eru 465 milljónir í pottinum í Víkingalottó þessa vikuna. Aldrei þessu vant keypti ég mér miða, í gær um leið og ég tók bensín, það má alltaf láta sig dreyma...

Ég verð barasta mjög hissa ef eitthvað af þessari upphæð rennur ekki til MÍN (ef ekki öll, vá, þá þyrfti maður nú aldeilis að leggjast undir feld!).

Er ekki sagt að jákvæð hugsun vinni kraftaverk, þess vegna sleppi ég því að setja hýsteríska hláturskallinn í færsluna og bíð spennt eftir úrslitum kvöldsins...

Úlfur Fróði

Litli frændi í París verður 3ja mánaða 9. maí. Eins og sjá má dafnar hann vel og brosir svona líka fallega í myndavélina. Hann kemur í heimsókn til Íslands í júlí með pabba sínum og mömmu, þá verður hann skírður.