Einlæg umræða

Óskýr framsetning og hugtakaruglingur er það sem er mestur dragbítur á einlæga umræðu í þessu landi.

Næst þessu tvennu kemur hvimleið tilhneiging til naflaskoðunar og það að  reyna síðan að nýta sér þá naflaló sem kann að koma í leitirnar við skoðunina sem barefli á andstæðinginn. - Svo sem allir hljóta að sjá eru slík barefli mun  léttvægari við úrlausnir á fyrirliggjandi verkefnum en það að koma að málum með opnu, fordómalausu en gagnrýnu hugarfari. 

Gildir þetta tvennt oft um báða aðila jafnt og er þá illt í efni.