Forleikur

Flugfélagið er örugglega sammála kunningja mínum sem einu sinni setti fram þessa speki:

"Forleikurinn er aðalatriðið hvað kynlíf snertir. Forleikur getur jafnvel staðið árum saman og ef hann er fullkominn er hægt að sleppa samförum, því þá verða þær algjört aukaatriði." 

Háloftakynlíf bannað í risaþotu Airbus

Ísland og nútíminn

Eitt gott hefur mér þótt koma út úr endurútgáfu litlu blökkupiltanna sem svo miklum titringi hefur valdið undanfarið í þjóðfélaginu. Það er það að hafin er heit umræða hér á landi um kynþáttamál og margir farnir að velta fyrir sér hverjar raunverulegar hugmyndir okkar og afstaða séu í þessum málum.

Hingað til höfum við að mestu getað stungið hausnum í sandinn, eða undir væng, í skjóli þess að við værum lítið eyland úti í Ballarhafi, en vöknum svo upp við vondan draum þegar hrist er upp í okkur við það að það er ekki lengur haldbær afsökun fyrir afstöðuleysi, við erum sem aldrei fyrr hluti af alþjóðaheiminum og verðum að standa klár á þessum málum.

Bestu greinar sem ég hef lesið um þetta mál, þær sem mér þykja bera af öðrum, eru greinar Gauta og Kristjáns, þeir hjálpa manni mikið að sjá það í skýrara ljósi.

Bara að gamni: Kim Larsen - Jutlandia

 

Góða nótt!

Sönn saga af íslenskum negrastrák

Eftirfarandi er hluti af einni margra athugasemda við margrómaða bloggfærslu Gauta B. Eggertssonar, sem ég tek mér það bessaleyfi að taka upp og birta hér, þar sem mér brá svo í brún að lesa hana. Hélt í sannleika sagt ekki að nokkur fullorðinn landi minn gæti hagað sér eins og þessi bílstjóri sem segir þarna frá:

"[...]Á íslandi eru margir rasistar, lituð börn og fullorðnir fara ekki varhluta af því. Ég get nefnt mörg dæmi um það læt þó eitt nægja. Drengur sem var í Snælandsskóla í Kópavogi fór í skólasund með bekknum sínum, vegna fjarðlægðar fóru krakkarnir með rútu. Þegar strákurinn kemur í rútuna eftir sundið segir bílstjórinn við hann að hann sé heppinn negraskítur sem engum þykir vænt um og að foreldrum hans sé sama um að hann drepist.....Þessi strákur hefur lent í óteljandi árásum frá fullorðnu fólki frá þriggja ára aldri....Eitt sinn hitti ég afa litaðrar sex ára stúlku hann saknaði hennar mikið þar sem hún var búsett í Danmörku...en hann bætti við að það væri betra þar sem hún yrði fyrir minna aðkasti þar...svona er Ísland í dag.[...] "

Er þetta rétt, er Ísland virkilega svona í dag?

Í seinni athugasemd er svar aðilans sem athugasemdina gerði við fyrirspurn um það hvort bílstjórinn hafi verið látinn halda áfram að aka börnunum það að hann hafi verið settur á annan bíl, en ekki sagt upp störfum, eins og manni finnst þó að full ástæða hefði verið til. Eru rútubílstjórar svona vandfundnir í Kópavogi, eða hvað? 

Verð að viðurkenna að þessari "blóðugu" mynd hér fyrir ofan og fleirum slíkum var ég búin að gleyma þegar ég skrifaði í fyrri færslu hér að myndir Muggs væru "bara fyndnar". Ég held nefnilega að ég hafi ekki skoðað þessa bók síðan ég var krakki (jú, strákar mínir áttu víst bókina, en hún var ekki ein af þeirra uppáhalds : Það voru hins vegar Barbapapa, Litalúðurinn, Hvað tefur umferðina og Hljómsveitin fljúgandi!), svo ekki hafa nú þessar myndir haft nein djúpstæð eða róttæk áhrif á mig. Ég hef ekki handfjatlað nýju útgáfuna - en umræða undanfarinna daga verður ef til vill til þess að ég verði mér úti um hana til stúderingar - ekki upplesturs!

Hér má lesa hugleiðingu gáfumanns um drenginga blökku og þær hræringar sem endurútgáfa bókarinnar um þá hefur valdið í íslensku þjóðarsálinni.

(Breytingar í athugasemdinni hvað varðar lítinn eða stóran staf eru mínar). 

Ég fékk tár í augun...

...við að horfa á þessa frétt...

Hugrakkasta hljómsveit í heimi

Afro-americans

Ég sá ábendingu á bloggi Guðmundar Steingrímssonar um þessa frábæru grein um Negrastrákana:

Einn lítill negrastrákur 

Ég verð að viðurkenna að lýsing Gauta á hugarheimi hvítra suðurríkjamanna eins og sjá má  og gera sér grein fyrir honum í Jim Crow Museum of Racist Memorabilia í New York vakti mér hroll og að eftir lesturinn sá ég fyrst kýrskýrt þann viðbjóðslega áróður sem viðhafður er í textanum. Það er að segja með gleraugum bandaríkjamanns!

Því á vissan hátt held ég að við "venjulegir" íslendingar séum of saklausir gangvart slíku og þvílíku til þess einu sinni að tengja þennan, að því er virðist saklausa bull-texta um vitlausa stráka, sem vill til að eru svartir, við þann boðskap, nema að fá hann inn með teskeið eins og þeirri sem Gunnar réttir okkur þarna. (Eða hverjir voru það í vesturheimi sem þáðu með þökkum aðstoð indíána og áttu við þá vinsamleg samskipti? Að vísu, eins og ég komst að í Vesturfarasetrinu í Hofsósi s.l. sumar, aðeins eftir að innflytjendur af öðru þjóðerni voru búnir að brjóta þá á bak aftur). Að því leyti held ég að við íslendingar séum flestir ennþá barnalega litblindir, kannski mætti segja blessunarlega . Og það þrátt fyrir að hafa haft vissar hugmyndir um þrælahald og kúgun svertingja í Bandaríkjum Norður-Ameríku gegnum bækur og kvikmyndir. En vitanlega er þó tímabært að láta af því sakleysi og barnaskap og fullorðnast í breyttum heimi þar sem slíkt sakleysi dugar skammt.

Ég ætla rétt að vona að við nútímafólk, á 21. öldinni, flytjum ekki þessar hugmyndir inn hráar og innprentum börnum okkar þær, fyrst það tókst ekki með þessari þunnu "skemmtibók" á þeirri 20.! 

Takk fyrir að opna augu mín fyrir þessu, Gauti! 

Ég er sammála þeim sem segja í athugasemdum að þessi grein þyrfti að birtast sem blaðagrein. 

Set hér að gamni mynd af einni þeirra negrastelpna sem ég hef umgengist, ekki í BNA eða á Íslandi, heldur í hennar heimalandi, Tanzaníu í Austur-Afríku. Þessi mynd er tekin á kósý stund í garðinum okkar í Moshi (við rætur Kilimanjaro), þar sem vinnustúlka nágrannans er í hárgreiðslu (fléttun) hjá kærustu garðyrkjumannsins (sem allir msungu, norrænir sem aðrir, kölluð reyndar umhugsunarlaust shamba-boy, að hætti breta).

Þeim sem kynnu að hneykslast á því að við höfðum vinnufólk vil ég segja það að í raun var það litið hornauga ef fólk gerðist ekki vinnuveitendur og réð sér starfsfólk. Sem reyndar var líka alveg þörf á þar sem í Afríku berst mun meira af ryki inn í híbýli manns, ekki eru sjálfvirkar þvottavélar heldur þar á hverju strái. Og ekki kunni maður mikið til garðyrkju í svo suðlægu landi, get varla sagt að ég geri það hér heima, einu sinni.

Hér er svo mynd af litlum hvítingjastrák, inni í röri í garðinum í Tabora...

Verðlag á Íslandi

Ég rakst á merkilegan tengil í athugasemd Söru við færslu hjá Heidi, á síðu sem doktor Gunni hefur búið til. Ég legg til að þið kynnið ykkur það sem á henni stendur: Okur! Okur! Okur!

Þessi síða þykir mér gott framtak. Við neytendur þurfum að vera miklu duglegri að fylgjast með kaupmönnum og veita þeim aðhald hvað varðar vöruverð, þar getur verið ótrúlega mikill munur á milli verslana. Sjálf er ég búin að bæta þessari síðu í blogg-tenglalistann hjá mér (undir mikilvægt) og ætla mér að fylgjast með því sem þar kemur fram reglulega og jafnvel að koma með eigin ábendingar, ef tilefni gefst, sem er ekki fjarri lagi að álíta að muni gerast fljótlega, ef öllu fer fram sem hingað til.

Og talandi um verðlag, þá langar mig að benda þeim sem ekki hafa heyrt um hana á snilldarsíðuna dohop.com, sem rekin er af íslendingum. Þar má finna hagstæðasta fáanlegt verð á flugferðum um allan heim. 

Óhugnanleg frétt...

Hver trúir því að góðgerðarsamtök hafi ætlað að flytja stóran hóp barna úr landi, ólöglega og án alls samráðs við foreldra eða yfirvöld...???

Starfsmenn samtakanna halda því fram að flytja hafi átt börnin til lækninga á sjúkrahúsum í Frakklandi. En hvers vegna voru þá, eins og kom fram í fréttinni frá Reuters, sum barnanna með umbúðir sem engin sár eða meiðsli voru undir þegar þær voru teknar af?

Það virðist vera hægt að komast upp með alltof margt á stríðshrjáðum svæðum heimsins. Ýmislegt hryllilegt gerist á þessum stöðum sem maður heyrir aldrei um og gæti varla ímyndað sér. Gott að upp um þetta komst, en maður spyr sig hvað hefði orðið ef fyrirætlunin hefði tekist og líka hvort þetta geti verið búið að eiga sér stað áður, án þess að yfirvöld hafi komist á snoðir um það?

Manni koma í hug gíslaflutningar Bandaríkjamanna, sem kunna meira að segja að hafa átt sér stað um Keflavíkurflugvöll. Það er víst betra að eftirlit með umferð um flugvelli heimsins sé virkt, þó manni geti þótt það hvimleitt sem "venjulegum" farþega.

Í fréttapistli í suður-afríska blaðinu Cape Argus er sagt frá því að yfirvöld í Chad hafi sakað samtökin um "childtrafficing" (verslun með börn). Því er einnig haldið fram að ættleiða hafi átt börnin í Frakklandi, til fólks sem þegar hefðu borgað "góðgerðarsamtökunum"  á bilinu 2.800-6.000 evrur fyrir þau. Samtökin halda því hins vegar fram að bjarga hafi átt börnunum frá dauða með því að flytja þau yfir landamærin til Chad og þaðan til Frakklands. Aldrei hafi staðið til að þau yrðu ættleidd.

En hvers vegna þá að flytja þau ólöglega til Frakklands? Gott og vel, kannski er hægt að réttlæta það að smygla þeim yfir landamærin þarna suður frá til að flýta fyrir að þau kæmust í betri aðstæður, en að ætla að fara með þau alla leið til Evrópu verður að teljast í hæsta máta grunsamlegt.

Grein í Cape Argus

Heimsíða l´Arc de Zoe (frönsku "góðgerðarsamtökin")

Á heimsíðu samtakanna segir þetta:

« Il faut sauver les enfants du Darfour pendant qu’il est encore temps.
Dans quelques mois, ils seront morts ! »

 

Það er að segja: "Það verður að bjarga börnum Darfur á meðan enn er tími til þess. Eftir nokkra mánuði verða þau dáin!" 

 

En er þetta rétta aðferðin til þess, að ræna þeim og selja þau???!!! Nei og aftur nei! - Það er ótrúleg mannvonska að nota sér það hryllilega neyðarástand sem þarna ríkir sem hagnaðarleið.

 

P.s. kl. 16:48 Hér er svo komin frétt á BBC um málið, þetta var ekki komið á vefinn í morgun þegar ég var að leita að upplýsingum; BBC er náttúrlega þekkt að því að vanda vel til frétta og fara ekki með fleipur:  

 

Prison "likely" in Chad child row

Það lítur út fyrir að mörg barnanna séu þegar til kemur alls ekki frá Darfur, heldur er sagt að þeim hafi verið rænt úr þorpum í Chad, tekin frá foreldrum sínum, sem þau kalli svo grátandi á á kvöldin þegar þau eiga að fara að sofa. Þvílíkir glæpamenn! 

Íslensk flugvél notuð við ólöglegan flutning barna

Ég er Bastían!

	Hver ert þú í Kardimommubæ?
	Mitt resultat: Politimester Bastian Du er politimesteren i Kardemommeby. Du er snill og vennlig og vil egentlig ingen noe vondt. Du bør kanskje prøve å være mer sikker i din sak!
	Ta denne quizen på Start.no

Hroki og auðmýkt

Í hnotskurn: Það er virðingin fyrir öðru fólki sem gerir gæfumuninn á milli hroka og auðmýktar. Hrokafullt fólk virðir aðra minna en sjálft sig (sem stundum kann að grunda í andhverfunni, lélegu sjálfsmati, en það er önnur saga) á meðan auðmjúkar manneskjur virða bæði sjálfar sig og aðrar. “Hver sem upp hefur sjálfan sig, mun auðmýktur verða, en sá sem auðmýkir sjálfan sig, mun upp hafinn verða.”

Úr predikun sr. Maríu Ágústsdóttur

Predikun flutt í Hallgrímskirkju í Vindáshlíð 27. ágúst 2006

Bara að gamni...

...fyrir svefninn, af því að ég var að lesa sögu og skoða mynd á blogginu hennar Ragnheiðar...

Strákarnir mínir...

...fyrir tæplega 30 árum...

...fyrir tæplega 9 árum síðan...

..og síðast liðið sumar...

 

 

 

 

 

 

 

 

...hm...já, "chaqu´un a son gout!" (sem útleggst: hver að sínum smekk)

Góða nótt!

Negrastrákar

Negrastrákar fóru á rall,
þá voru þeir tíu,
einn drakk flösku af ólyfjan
en eftir urðu níu.

Níu litlir negrastrákar
fóru seint að hátta
einn þeirra svaf yfir sig
og þá voru eftir átta

Átta litlir negrastrákar
vöknuðu klukkan tvö.
Einn þeirra dó úr geyspum
en þá voru eftir sjö.

Sjö litlir negrastrákar
sátu og átu kex
einn þeirra át yfir sig
en þá voru eftir sex.

Sex litlir negrastrákar
sungu dimmalimm
einn þeiirra sprakk á limminu
en þá voru eftir fimm.

Fimm litlir negrastrákar
héldu að þeir væru stórir
einn þeirra fékk á hann
en þá voru eftir fjórir.

Fjórir litlir negrastrákar
fóru að reka kýr
ein kýrin stangaði einn þeirra
en þá voru eftir þrír.

Þrír litlir negrastrákar
þorðu nú ekki meir
einn þeirra dó úr hræðslu
en þá voru eftir tveir.

Tveir litlir negrastrákar
þögðu nú eins og steinn
annar hann varð vitlaus
en þá var eftir einn

Einn lítill negrastrákur
sá hvar gekk ein dama
Hann gaf sig á tal við hana
og bað hennar með það sama

Negrastelpan sagði já
og svo fóru þau í bíó
ekki leið á löngu
uns þau urðu aftur tíu.

 

Í sjálfu sér er þetta bara fyndinn og saklaus bull-texti til söngs fyrir börn, þegar búið er að snara honum á íslensku og þýða orðið "nigger" (sem er skammar/háðsyrði um svertingja/negra á ensku) með "negri" á íslensku, ekki "niggari" nota bene. Ég held að orðið "negri" hafi aldrei verið notað í neikvæðri merkingu hér á landi, þá hefur orðið "niggari" frekar verið notað, að fyrirmynd kana.

Það er hinsvegar hið sögulega samhengi og frumtextinn sem er hið vafasama í þessu máli; þess vegna er það mitt álit að það hefði ekki átt að endurútgefa þessa bók.

Myndir Muggs eru bara fyndnar, er ekki alltaf verið að skrumskæla myndir af fólki og dýrum til gamans, hvort eð er, hvaða litarhátt sem viðkomandi hefur, eins og til dæmis hin klassíska mynd af skáeygum asíubúa að borða hrísgrjón? Eða hollendingur í klossum og með pípu, hangandi utan í vindmyllu, jóðlandi týrolbúi eða eskimói að skutla sel? Staðlaðar ímyndir af kynþáttunum/þjóðunum sem nú einu sinni byggja þessa jörð, og svo sem ekkert skrítið við það.

Það sem hins vegar er athugavert er hroki og drottnunargirni hins hvíta kynstofns yfir öðrum. Það er það sem er ámælisvert í þessu öllu og gerir myndir Muggs og sönginn varhugaverð, í hvíta-vesturlanda-hugmyndaheiminum, sem ætti að stefna að því að þurrka hugmyndir sínar um yfirburði kynstofns síns út úr hugskotinu og fara að viðurkenna að á þessari jörð eiga allir að vera jafnir. 

*Áhugarverð lesning um Litla svarta Sambó, sem ég rakst á á netinu. Ég verð að leiðrétta misminni mitt sem ég setti fram í kommenti á bloggi hér á moggabloggi, það voru auðvitað ljónin sem urðu að smjöri, en ekki Sambó, á því undarlega fyrirbrigði fæst skýring við að lesa bloggið sem ég vísa hér í!.

Áskorun

Ég skora hér með á Morgunblaðið að hætta nú þegar myndbirtingum af banaslysavettvöngum í umferðinni. Slík myndbirting er með öllu óþörf og eingöngu til þess fallin að særa aðstandendur þeirra sem þannig látast eða slasast.

Bloggaflakk...

Ég fann þessa frábæru færslu á flakki mínum um moggabloggin:

HOLLRÁÐ FYRIR UNGT FÓLK  

Þessi ráð eru samin af Bill Gates. Kannski kom hann fram með þau í fyrirlestrinum sem sagt er frá (og hlusta má á) hérna?

Skoðanafrelsi

Deilt er um það atriði í samþykkt kirkjuþings um staðfesta samvist samkynhneigðra, að prestar skuli hafa persónulegt frelsi til að neita að framkvæma athöfnina , stríði hún gegn skoðunum þeirra á slíkri athöfn.

Í framhaldi af þeirri umræðu kom sú spurning upp í huga mér hvort læknar hafi leyfi til að neita að framhkvæma fóstureyðingu, stríði sú aðgerð gegn siðferðisvitund þeirra og hugmyndum þeirra um heilagleika lífs og töku þess? Getur einhver upplýst mig um þetta atriði, hvernig staðan er þar?

P.s. Aha. Fleiri hafa velt þessum samanburði fyrir sér, ég var ekki búin að sjá þessa færslu Daggar þegar ég skrifaði mína:  Stjórnarskrárbrot? 

Þarna er spurningu minni reyndar svarað, en ég læt færsluna samt standa hér áfram.

Riven

Ég eignaðist stærri tölvu og þrjá síðustu daga er ég búin að vera týnd í tölvuleiknum Riven sem ég átti hér heima á diski, en hafði aldrei farið í, vegna þess að gamla tölvan mín rúmaði hann ekki. Ég verð að viðurkenna að ég er hvorki nógu klár né þolinmóð til að leysa gáturnar í honum algjörlega hjálparlaust, heldur sæki ég mér leiðarvísi (walkthrough) á netið. Leikurinn er samt sem áður alveg nógu erfiður fyrir mig til að ég hafi gaman af honum og lifi mig algjörlega inn í ævintýraheiminn sem hann býður manni að ferðast um.

Ég er búin að spila Myst III, IV og V, en fyrsta Myst-leikinn hefur mér ekki tekist að komast í gegnum, þó svo ég eigi bæði upprunalega leikinn og nýju útgáfuna, einfaldlega af því að mér finnst hann ekki nógu skemmtilegur - kannski klára ég hann samt einhvern tíma þegar vel liggur á mér.

Topp-persóna

	Hvem er du i Asterix?
	Mitt resultat: Majestix Du er Majestix! Landsbyens høvding liker å gjøre entré båret på et skjold, slik gallisk skikk påkrever av en mann i hans stilling. Han liker å tro at han bestemmer, men hustruen Godemine har nok mye hun skulle ha sagt.
	Ta denne quizen på Start.no

Kíkið á þetta...

Women Fight Poverty