Krít

Haustið á Krít

Dómskerfið

Stundum getur verið ánægjulegt að sjá að það er ekki alltaf harkan sex sem gildir við uppkvaðningu dóma.

En ansi skýtur samt tímalengdin sem maðurinn þyrfti að sitja inni, ryfi hann skilorð, skökku við þá dóma sem kveðnir eru upp í nauðgunarmálum. Það er ljóst að ekki er sama hvort um auðgunar- eða ofbeldismál er að ræða þegar kemur að því að dæma, fyrst dómur fyrir að stela hangikjötslæri slagar hátt upp í dóma fyrir að svívirða líkami og sálir kvenna eða barna (hversu margir karlmenn kæra annars nauðgun?). En líklega verður þó að skoða þennan dóm í ljósi fyrri dóma sem maðurinn hafði á sér. 

Þrettán mánaða skilorðsbundið fangelsi fyrir að stela hangikjötslæri

Salat, 2

Reykingamenn, sko, bara fá sér salat:

Neysla grænmetis og ávaxta dregur úr líkum á lungnakrabba

Salat

Ég er nýbúin að "fatta uppá" salati, sem mig langar til að deila hugmyndinni að með ykkur, því það er svo æðislega gott:

Klettasalat (rucola), radísur, gul melóna og "salatblanda" (ristuð fræ og hnetur, frá Gott fæði í Kópavogi), extra virgin ólífuolía, ferskpressaður sítrónusafi og salt, í "hæfilegum" hlutföllum, eftir smekk.

Setjið slatta af klettasalati í skál. Skerið radísur og melónu í bita og setjið yfir. Stráið vænum skammti af fræjum og hnetum þar yfir, hellið slatta af ólífuolíu yfir þetta og að endingu nokkrum dropum af sítrónusafa. Setjið salt af hnífsoddi út í og blandið vel. Borðist ferskt. Bon appetit!

Því miður gleymdi ég að taka mynd af herlegheitunum áður en ég át þau, svo engin mynd skreytir færsluna!

Inni

Er eitthvað að marka þetta hverjir eru inni á bloggvinalistanum? Á ég að trúa því að það séu svona margir af bloggvinum mínum sem vaka oft á nóttunni, eins og ég? Vel ég mér kannski vini sem vaka á nóttunni? Sem stendur eru 12 inni, samkvæmt þessum tölum, núna klukkan tæplega hálf þrjú að nóttu. Eða hanga tölurnar bara svona lengi þarna? Mér þætti fróðlegt að vita þetta...

Trú

You are Agnostic

You're not sure if God exists, and you don't care.
For you, there's no true way to figure out the divine.
You rather focus on what you can control - your own life.
And you tend to resent when others "sell" religion to you.

What's Your Religious Philosophy?

 

Þessi niðurstaða kom mér nú svolítið á óvart, því ég er handviss um að Guð er til,

en restin passar,...falleg mynd!...

Heppni

Your Luck Quotient: 76%

You have a high luck quotient.
More often than not, you've felt very lucky in your life.
You may be randomly lucky, but it's probably more than that.
Optimistic and open minded, you take advantage of all the luck that comes your way.

How Lucky Are You?

Heilalitur

Svona er heilinn í mér á litinn...:

Your Brain is Blue

Of all the brain types, yours is the most mellow.

You tend to be in a meditative state most of the time. You don't try to think away your troubles.
Your thoughts are realistic, fresh, and honest. You truly see things as how they are.

You tend to spend a lot of time thinking about your friends, your surroundings, and your life.

What Color Is Your Brain?

Góða nótt!

Mengun og óhreinindi

Þessi "frétt" kemur því miður ekki á óvart. Hvenær ætlar mannkynið, eða öllu heldur þeir sem fara með stjórn í mannheimum og einhverju ráða, að fara að takast á við vandann, í staðinn fyrir að klemma aftur augun og skella skollaeyrum við svona fréttum? Til dæmis einn tiltekinn Búskur í BNA, en þeir eru svo sem fleiri búskarnir um alla veröld, smáir og stórir. Við íslendingar mættum alveg taka okkur smá í gegn og hætta að taka hreinu lofti og vatni og ósnortinni náttúru sem sjálfgefnum hlutum, það gæti farið svo að við glötuðum þeim verðmætum, ef svo fer sem horfir. 

Rofið bloggfrí, ég veit, en þessi frétt snerti mig bara svona inn að beini! 

Viðbót: Loftslagsbreytingar - efasemdamenn, takið ykkur 10 mínútur til að horfa á þetta.  

40% allra dauðsfalla tengd mengun og óhreinindum

Hann Úlfur minn

Ég var áðan að bæta myndum í "bræðra"albúmið mitt, og datt þá í hug að leyfa ykkur, þó ég eigi að vera komin í bloggfrí, að lesa fallegt ljóð sem að pabbi minn orti um yngri strákinn minn þegar hann var í pössun hjá afa sínum og ömmu einu sinni. Mikið gladdi þetta ljóð mig á sínum tíma, og gerir enn, eins og þessi sonur minn sem ljóðið er um hefur líka alltaf gert:

Afagaman

Ljáðu afa ljúflingskæti
litli sólskinsvin
Bakvið tímans látalæti
ljómar eilífðin

Undir niðri ákaflega
ævintýragjarn
hýsir afi heimsins trega
hláturmilda barn

Má hann afi kannski kíkja
í kankvís augu þín?
Skuggar allir undan víkja
Aftur ljósið skín

Ævintýr er allt sem lifir
Ævintýr ert þú
sjórinn, landið, loftið yfir
líf í glaðri trú

Upp með fjörið, glens og gaman
Gæfan ríkti ef
allir bara syngju saman
svona glaðvær stef

Á hvítasunnu 1981
Úlfur Ragnarsson

 

 

 

 

Svo er hér mynd af sama dreng fullorðnum, með vinum sínum . Eins og sjá má er hann ennþá brosmildur og ljúfur. Myndin var tekin í dýragarði í Thailandi í sumar.

Bloggfrí

Jæja, nú er ég að hugsa um að taka mér svolítið blogg- og tölvufrí, sem getur samt orðið erfitt, þar sem ég er svoddan tölvufíkill. Það var eiginlega eins og hálfgert frí fyrir mig meðan ég hafði ekki tölvu í sumar og að sumu leyti var tölvugjöfin hálfgerð hermdargjöf að því leyti, auk þess sem bókasafnsferðir mínar hafa alveg dottið niður síðan. En þar sem ég bæði trassa húsverk og annað og verð líka alveg stíf í herðum og baki af þessu hangsi, þá ætla ég að reyna að skrúfa fyrir og svo þarf ég líka að fara að einbeita mér að því undirbúa ferðina til Krítar og spá í hvaða sumarföt ég ætla að hafa með... Sjáumst!

Von

Fann þetta í einu af gömlu bloggunum mínum og ákvað að skella því hér inn áður en ég dríf sjálfa mig loksins í háttinn, ég er nefnilega alltaf að lofa sjálfri mér því að fara snemma að sofa:

"May the laughter that you find in your tomorrow wipe away the pain you find in your yesterdays." Anonymous

Góða nótt!

Innlit og gestir

Nú sé ég á teljaranum að 168 manns hafa litið við á síðunni minni í dag. Nú ætla ég aðeins að herma eftir henni Ragnheiði bloggvinkonu og biðja um eitt: Mikið lifandis skelfing þætti mér gaman ef einhverjir af þessum gestum sæju sér fært að sjá af smá tíma til að kvitta fyrir komuna í kommentum, þó ekki væri nema einn broskall, eða fýlupoki, eftir atvikum, svo ég sjái hverjir það eru sem koma hingað.

Á sama tíma vil ég þakka Ásthildi Cesar bloggvinkonu minni fyrir það hvað hún kommentar oft á færslurnar mínar og líka bloggvinkonunum Heidi og Berthu og nýju bloggvinkonu minni henni Ragnhildi.

Ha, ha, ha...Ratatouille...

Þessu hefði ég nú ekki trúað fyrirfram, en ég sat í bíó áðan og horfði alveg heilluð á mynd um...hvað haldið þið...af öllum dýrum...ROTTU! Rottu sem er meistarakokkur og heillar mann alveg upp úr skónum . Þetta er alveg frábær mynd, falleg og vel gerð. Ég myndi segja, sérstaklega vegna allrar matreiðslunnar sem fer fram í myndinni, að hún sé fullt eins mikið, eða jafnvel frekar,  fyrir fullorðna eins og krakka - en til til þess að geta notið hennar má maður þó til að gleyma því í bili að rottur eru í raun meindýr sem bera með sér bakteríur og alls kyns sóðaskap  - ef maður gerði það ekki er ég hrædd um að það vekti manni einungis ógleði að sjá rottu við matargerð í eldhúsi fíns veitingastaðar. En Remy, meistarakokksrottan, má þó eiga það að hann/hún gengur alltaf upp á endann, á afturlöppunum, til þess, eins og hann segir bróður sínum, að óhreinka ekki loppurnar sem hann snertir matinn með!

Ratatouille 

 

 

 

 Ég læt fylgja hér uppskrift að franska réttinum ratatouille, en hann gegnir mikilvægu hlutverki í myndinni eins og nafn hennar ber með sér. Þessa uppskrift fann ég á netinu og skelli henni hér; því miður kann ég ekki uppskriftina eins og Remy eldaði sinn rétt og heillaði matgæðingana með, en hún leit afar girnilega út á diskunum.

Túnfisk-ratatouille

4-6 msk olía
1 laukur skorinn í báta
2 söxuð hvítlauksrif
1 eggaldin skorið í teninga
1 kúrbítur í sneiðum
100g sveppir í sneiðum
400g niðursoðnir tómatar
1 msk óreganó
salt & pipar
100g brokkolí í vænum bitum
1 msk hveiti
400g túnfiskur úr dós vatnið sigtað frá
1 lítill poki af kartöfluflögum

Hitið ofninn 190¨C. Léttsteikið lauk, hvítlauk og eggaldin í 3 msk af olíu í 5-8 mín. Bætið kúrbít og sveppum út í og látið malla í 10 mín. í viðbót. Bætið tómötum og óreganó út í. Saltið og piprið. Sjóðið á meðan brokkkálið í 3 mín. og bætið á pönnuna (ég myndi nú bara skella því beint út í, þar sem ég vil hafa það stökkt). Hristið hveitið og 2 msk. af vatni og hellið út í (ég myndi sleppa þessu hveitisulli!). Hrærið þar til þykknar. Setjið helminginn af grænmetisblöndunni í eldfast mót og dreifið túnfisknum yfir. Síðan hinn helminginn af blöndunni ofan á það og loks kartöfluflögurnar (þeim myndi ég sleppa, fyrir minn smekk). Bakið í 20 mín.

Góð heilsa er gulli betri...

Þessi frétt finnst mér alveg frábær. Þessi kona hlýtur að vera óvenju heilsuhraust, hugprúð og úrræðagóð.

Fannst á lífi eftir að hafa verið týnd í skóglendi í tvær vikur

Klikketí-klakk...

Almenningssamgöngur á höfuðborgarsvæðinu eru í molum og ástandið fer bara versnandi.

Ég veit hvað við gerum: Gröfum bara göng frá Seltjarnarnesi og upp á Akranes og setjum í þau neðanjarðarlest (metró), og líka suður í Hafnarfjörð. Svo þarf að  hafa nógu marga strætóa út frá lestarstöðvunum, svo það sé búið með að híma í kulda og trekki tímunum saman að bíða eftir strætó um vetur. Ég held að margir myndu leggja einkabílnum væri þetta svona. Og svo færum við flugvöllinn til Keflavíkur og setjum svo lestarstöð í flugstöðina og lestarspor með lest inn til miðborgar Reykjavíkur, eins og gert er í útlöndum. Einfalt, ekki satt? En kostar náttlega hellings rask og pening.......en hafa menn ekki í fullri alvöru látið sér detta í hug að grafa göng út í Vestmannaeyjar (þar sem mun færri búa, þar að auki)? Jarðskjálftar? Það eru lestarkerfi í Japan, ekki koma minni skjálftar þar en hér. Snjór og slabb? Er það ekki líka í t.d. Noregi og Svíþjóð, auk þess sem það kemur ekki lengur vetur á suðurlandi Íslands og fer versnandi eftir því sem jörðin hitnar .

................ ....segir kona sem elskar að ferðast með lest!....

Strætó

Ég er búin að vera með bílinn í viðgerð í nokkra daga og hef þurft að nota strætó. Ég var einmitt í gær að velta því fyrir mér að ef það væri ekki svona andsk... dýrt í strætó, miðað við bensínverð (eitt far með strætó kostar kr. 280.-, meira en tvöfalt verð á bensínlítranum), hvað þá ef það væri ókeypis, þá myndi ég reyna að láta bílinn standa oftar og taka strætó á "auðveldum" leiðum, eins og til dæmis er fyrir mig að skreppa í Kringluna, þar sem strætóstöðin er rétt hjá mér hér heima og svo stoppar hann nánast fyrir utan "mallið". Sparnaður fyrir mig og vegakerfi borgarinnar og þar með fyrir samborgarana, sem sagt alla! Fyrir nú utan minni mengun, sem líka má kalla sparnað á hnattræna vísu.

Eins er bjánlegt að fá bara öryrkjaafslátt með því að kaupa kort, en ekki ef maður staðgreiðir, og líka að strætóstjórar skuli ekki gefa til baka ef maður til dæmis er bara með seðil í veskinu, þá reynir maður óhjákvæmilega að finna leið til að svindla, ef maður hefur ekki mátt vera að eða fattað að skreppa í sjoppu til að skipta, frekar en að borga 500 kall fyrir farið!

Mér finnst líka fíflalegt að vagnstjórarnir skuli vera hættir að selja strætókortin (alla vega öryrkjakortin, kannski selja þeir ennþá hin, held samt ekki), eins og var í gamla daga og að maður skuli þurfa að fara á einhverja af þessum "aðalstöðvum" til þess að kaupa þau. Sennilega eru þeir svo tímaknappir að talið sé að þeir megi ekki vera að því að afgreiða fólk á þennan hátt. Ég hef þó orðið vör við að greiðviknir vagnstjórar gefi erlendum ferðamönnum til baka, og reyndar til fyrirmyndar hvað þeir eru oftast viljugir að leiðbeina þeim, því má hrósa.

Svindl með strætókort stóreykst

Haust

Ósköp er nú farið að hausta mikið að, enda komið fram í september og kolniðamyrkur á nóttunni. Rigningartíð og vindur og gróðurinn tekinn að falla. Ég var að hugsa til þess áðan í kvöldmyrkrinu að bráðum þyrfti ég að fara að koma gardínunum aftur fyrir gluggana sem ég tók niður í vor og sleppti alveg að setja upp aftur, til þess að njóta sem best sumarbirtunnar. Mikið er ég ánægð að eiga inni ferðina til Krítar eftir viku, það verður fín framlenging á þessu óvenju góða sumri sem við fengum hér á landi í ár. Svo reynir maður bara þegar heim kemur að "hygge sig" í skammdeginu, með dregið fyrir, kakó og kertaljós og góða bók...

Hér er svo eitt fallegt haust-ástarljóð á dönsku:

Afsked

I nat, hvor den blomstrende guldregn er bleg
og månen diset og hvid,
er din mund som brombær, hvis mörke glöd
blev modnet ved midsommertid.
Men en særhed ved brombær,
hvorom du ikke har lært:
för de når deres fulde södme og kraft,
har de mærket en frostnats snært.

De dugslagne nætter i juni er svöbt
i sval og tindrende dis,
- i oktober brænder de stjerner tungt
mod kulde og höstligt forlis.
Og den lærdom har du erfaret,
når vi mödes ved næste Sankt Hans,
at til ingenting glöder hjertet så hedt
som lövfaldets hvirveldans.

Poul Örum
Sommerens genfærd