June Carter Cash

Ég undrast ekki (ekki það að ég hafi nokkurn tíma undrast!) að að Johnny Cash elskaði þessa konu ofur heitt þegar ég horfi á þetta yndislega  myndband um June og Carter fjölskylduna:

Keep on the sunny side of life !

 

Þetta myndband segir manni enn meira, hér er það June sem er í aðalhlutverki:

Wildwood flower

Hér er gamalt myndband með Carter-fjölskyldunni: 

 ANNAÐ með sama lagi, aðeins yngra

 

...Og maður fær náttúrulega bara gæsahúð af því að hlusta á þetta: 

 

Johnny Cash

 

 

 

Svanasöngur Johnny Cash, 5. júlí, 2003

Johnny Cash lést 12. september, 2003.

 

 

 

Þetta er alveg örugglega fallegasta ástarjátning sem ég hef séð!

...nema ef vera skyldi ÞESSI SÖNGUR

Heimatannlækningar

Upplagt fyrir þá sem annað hvort eru of sparsamir eða of hræddir til að fara til tannlæknis:

Gerðu-það-sjálf/ur-pakkinn - ódýrt og auðvelt!

Raunasöngur tannlæknis

Mun Bohemian Rhapsody nokkurn tíma hljóma eins aftur fyrir mér, eftir að hafa hlustað á þetta?

"The greatest song ever written!

Ojú og jú...!!! 

A single girl´s LOVELY single friday night

Í tilefni af þessari bloggfærslu (þoli ekki þegar ekki er gefinn kostur á slóð!) ætla ég bara að pósta kommentinu sem ég var næstum búin að planta á færsluna í gleði minni yfir endurheimta gleði af rauðvínsdrykkju, sem ég hef ekki haft lyst á undanfarnar vikur -  né heldur - þar af leiðandi - gourmet-fæði: Sleppi því þar og set það hér:

Upplýsi hér með þeim sem það vilja vita að mín drykkjuhneigð og matarlyst haldast í hendur: Eftir inntöku á ca. 1 glasi af rauðvíni fyllist ég mikilli löngun til að elda gómsætan mat - sem er yfirleitt ekki til staðar í alkohólfríu ástandi - þetta er mikið gott þar sem ég bý ein og þarf þar af leiðandi að elda handa bara einni konu - eða að fara út að borða, sem getur reynst dýrara en rauðvínsflaskan - þannig að þessi hálfa rauðvín sem fer á svona einka-einhleypu-föstudagskvöldi er góð fjárfesting, hafi ég átt frosinn lax og brokkál í kæliskápnum + soðnar kartöflur frá í gær til að láta í örbylgjuofninn, ekki verra að hafa líka nokkur hvítlauksrif í heilu lagi með + salt og pipar og sítrónusafa að eldun lokinni yfir herlegheitin. Þið fáið vatn í munninn - já, til þess er leikurinn gerður - svo er ráð að fylla glasið aftur meðan horft er á Bogart og Bacall í "The Big Sleep" frá bókasafninu. That´s my ideal single girl´s friday night!

P.s. Minn lax tók sig kannski ekki eins vel út og sá á myndinni, en var örugglega alveg jafn bragðgóður - og víst má hafa rauðvín með laxi ef manni sýnist svo!

 

Svo er það PRAG - eldsnemma á mánudagsmorgun...!

 

Laus

Gleðifrétt: Það er búið að aflétta stofufangelsun Butto!

Óhugnaður...

Stutt er um liðið síðan fjöldamorð voru framin í finnskum skóla, af trufluðum ungum manni. En við þurfum ekki að fara svo langt sem til Finnlands til að sjá óhugnað blasa við okkur. Það er nóg að fara inn á síðu sem okkar eigin landar, í okkar eigin landi, halda úti, til að innyflin herpist og blóðið frjósi í æðum manns.

Eða hvernig líst mönnum á þessar myndir sem ég hef tekið af síðu skapari.com, og ætla að setja hér inn til að vekja athygli á þessu, þó mér hugnist það varla, því eins og ég sagði áðan, verður mér hreinlega flökurt af að lesa óþverrann sem vellur úr heilabúum og undan fingrum síðuhöfunda/eigenda:

Er þetta, svona ógeð, eitthvað sem við eigum/þurfum að líða, í nafni prent- og tjáningarfrelsis? Ég spyr: Hvar liggja mörkin? Og þetta er bara lítið sýnishorn af því sem þarna fer fram...

Fyrirsjáanlegt

Við þessu var alveg að búast, að Butto yrði sett í stofufangelsi, frekar að maður sé hissa hvað hún fékk lengi að leika lausum hala, eins og hún er núverandi valdhafa óþægilegur ljár í þúfu...

Bhutto segist enn vera að reyna að leiða mótmæli

Maístjarnan

Endilega kíkið á þetta: Maístjarnan á rússnesku.

Aldeilis frábært!

Nazareinn

 Var að skoða gamla bloggið mitt á Blogger, ég bloggaði nefnilega fyrst á ensku (!):themilleniummouse.blogspot.com. Rakst þá á færslu hjá einum af mínum gömlu bloggvinum úti um allan heim, þessi er alltaf með athyglisverða pósta:

Was Jesus raised and trained as Nazarene Essene?

What Historical Figure are you?

You are Amelia Earhart

Adventurous and boundary breaking. You believe that you can do anything, and do not hesitate to take risks to achieve a big goal.
You like to problem solve, when a problem comes up.

Take this quiz at QuizGalaxy.com

Seeking

 

 

 

 

 

 

 

"Seek not the path of those that go before you
- seek what it is they sought after."

Sensei Sotoshi

Smellið á myndina til að sjá sniðuga síðu:

Athafnasemi

Í gær, sunnudag var mikið að gera hjá mér, fullskipuð dagskrá. Fyrst fór ég með vinkonu minni að skoða sýningar í Listasafni Reykjavíkur, Hafnarhúsinu. Þar var skemmtileg sýning á mjög stórum verkum eftir Erró sem eru unnin með tónskáld og málara fyrri tíma sem þema. Svo skoðuðum við þarna tvær sýningar með verkum samtímalistafólks, sem ekki sögðu mér svo sem neitt mikið eða merkilegt, þó svo sum verka Hreins Friðfinnssonar veki skemmtileg hughrif og finnst mér þau minna á meistara Magritte (ekki leiðum að líkjast!).

Skilaði vinkonunni heim til sín og síðan sótti ég son minn og við héldum í eins árs afmælisveislu litlu hetjunnar Rakelar Óskar. Hún hefur heldur betur blásið út á þessu eina ári sem liðið er frá fæðingu hennar 2. nóvember í fyrra, 11 vikum fyrir tímann, þá var hún ekki nema 4,5 merkur. Þetta var svaka fín veisla, ömmurnar búnar að vera að stússast með mömmunni frá því um morguninn, margir veislugestanna aðrir ungir foreldrar með lítil börn sín, svo þarna var mikið fjör.

 

 Ég gat samt því miður ekki stoppað lengi, því ég var á leið í Hallgrímskirkju á tónleika með foreldrum mínum, svo ég renndi í Mosfellsbæinn og sótti þau, skilaði syninum heim til sín og svo héldum við á hæðina. Þá var komið myrkur, og hífandi rok þar uppfrá, sem kom ekki að sök inni í hlýrri og þéttsetinni kirkjunni. Við hlýddum andaktug á flutning Mótettukórsins o.fl. á tveimur sálumessum, eftir þá Ildebrando Pizzetti og Gabriel Fauré. Ég hef samt aldrei á ævinni verið eins syfjuð á tónleikum, af hverju sem það stafaði, þeytingnum um daginn eða hvort það var svona heitt í kirkjunni, því um leið og ég settist niður þar inni helltist yfir mig þvílík svefnhöfgi að ég hélt varla haus. Held nú samt að ég hafi ekki misst neitt úr í tónlistarflutningnum, sem var jafn frábær og við var að búast frá því góða listafólki sem að honum stóð, því það var bara líkaminn sem var að stríða mér og vildi fara að sofa, andinn var glaðvakandi.

 

Afmælisbarnið í fangi móður sinnar, hennar Sibbu - eru þær ekki fallegar, mæðgurnar?

 

Þetta er stóra systir, Lilja Sif. Myndin er tekin við annað tækifæri; mig langaði bara að hafa hnátuna með í færslunni

Í gamla daga

Fyrsta staða föður míns eftir að hann lauk prófum í læknisfræði var staða héraðslæknis á Kirkjubæjarklaustri í Vestur-Skaftafellssýslu. Hann hafði þá áður starfað sem afleysingalæknir bæði á Egilsstöðum og Reykhólum og einnig á Landakoti. Þegar ég fæddist var hann kandidat (það sem nú er kallað aðstoðarlæknir) á Kleppsspítala.

Þegar ég fæddist bjuggum við á rishæð húss sem nefnist Hólar og stendur enn við Kleppsveg. Það var þá í eigu BP (Olíufélags Íslands), en mágur pabba starfaði hjá því fyrirtæki, veit ekki hvort hann var þá orðinn forstjóri, en þau hjónin höfðu miðhæð hússins til afnota.

Við fluttum austur að vorlagi 1952, þá var ég 8 mánaða og man skiljanlega ekkert frá þeim flutningum. En mínar fyrstu minningar á ég úr læknishúsinu á Klaustri og umhverfinu þar í kring. Þetta var yndislegur staður til að alast upp á og áttum við þarna heima til 1957, þegar við fluttum til Hveragerðis. Svo fluttum við reyndar aftur að Klaustri 1960 og bjuggum þar í það skiptið til 1963, þegar við fluttum til Reykjavíkur.

Mamma sagði mér einu sinni skemmtilega sögu frá fyrstu mánuðum búsetunnar á Klaustri til marks um þann hugsunarhátt sem þá var almennt ríkjandi gagnvart embættismönnum ríkisins.

Svo háttaði til að í læknishúsinu, sem var (og er enn) 2ja hæða steinhús, að íbúð héraðslæknisins var á efri hæð, en á þeirri neðri var lækningstofa, apótek, sjúkrastofa, eitt lítið aukherbergi, geymsla, búr og þvottaherbergi. 

Tilefni sögunnar var það að mömmu höfðu áskotnast nokkrar nýslátraðar hænur, með fiðri og innvolsi og alles. Hún dreif sig því niður í þvottahús að verka fiðurféð, búin svuntu og skuplu og viðeigandi áhöldum. Á sama tíma var pabbi önnum kafinn við að taka á móti sjúklingum á læknastofunni og sat smá hópur fólks fyrir framan hana og beið. Einni kvennanna varð gengið inn ganginn, þar sem hún tók sér stöðu í opinni dyragættinn og tók mömmu tali. Spjallaði sitthvað um daginn og veginn, uns hún að lokum hallaði sér nær mömmu og sagði í hálfum hljóðum, í samsæristón: "...Og hvernig er hún svo, nýja læknisfrúin?"

Mamma sagðist í fyrstu hafa orðið hálfklumsa, en áttaði sig fljótt og svaraði: "Ja, er ekki best að þú dæmir bara um það sjálf, þar sem hún situr nú hér fyrir framan þig!" Það kom víst töluvert á blessaða konuna, sem hafði víst ekki dottið hug annað en að unga stúlkan sem sat og reytti hænur í þvottahúsinu væri rétt og slétt vinnustúlka. Datt víst ekki í hug að læknisfrúin legði sig sjálf niður við slík verk, hún hefur víst ímyndanð sér hana sitjandi í spariklædda í stássstofu á efri hæðinni, eitthvað að dunda sér. Já, svona var nú hugsunarháttur fólks í þá daga. 

 

Það var nefnilega það...

	Hva slags pin-up er du? (ikke isen)
	Mitt resultat: Klassisk Den klassiske pin-up, ergo orginalen, det er jo veldig bra:) Du har klasse og eleganse og vet hvordan du entrer et rom med stil. Mange ser opp til deg, du er en orntlig kvinne og vet at sexy ikke dreier seg om hvor store bryster man har, you go girl! Bra ikoner: Marilyn Monroe og Dita Von Teese
	Ta denne quizen på Start.no

Góða nótt!

Forleikur

Flugfélagið er örugglega sammála kunningja mínum sem einu sinni setti fram þessa speki:

"Forleikurinn er aðalatriðið hvað kynlíf snertir. Forleikur getur jafnvel staðið árum saman og ef hann er fullkominn er hægt að sleppa samförum, því þá verða þær algjört aukaatriði." 

Háloftakynlíf bannað í risaþotu Airbus

Ísland og nútíminn

Eitt gott hefur mér þótt koma út úr endurútgáfu litlu blökkupiltanna sem svo miklum titringi hefur valdið undanfarið í þjóðfélaginu. Það er það að hafin er heit umræða hér á landi um kynþáttamál og margir farnir að velta fyrir sér hverjar raunverulegar hugmyndir okkar og afstaða séu í þessum málum.

Hingað til höfum við að mestu getað stungið hausnum í sandinn, eða undir væng, í skjóli þess að við værum lítið eyland úti í Ballarhafi, en vöknum svo upp við vondan draum þegar hrist er upp í okkur við það að það er ekki lengur haldbær afsökun fyrir afstöðuleysi, við erum sem aldrei fyrr hluti af alþjóðaheiminum og verðum að standa klár á þessum málum.

Bestu greinar sem ég hef lesið um þetta mál, þær sem mér þykja bera af öðrum, eru greinar Gauta og Kristjáns, þeir hjálpa manni mikið að sjá það í skýrara ljósi.