Gruk

Opskrift på trylleri

Alle tryllerier, der gis',
foregår på denne vis:
Put en hvid kanin i hatten!
Ta' den så igen op a' den.
NB.
Før du laver trylleri, husk og put kaninen i!

~Piet Hein

Boð á sýningu...

Klikkið á rósina og hafið hátalarana á...veljið ykkur tungumál og klikkið svo á "virtual gallery" vinstra megin.

Góða nótt!

Hið stóra samhengi...shit...nú skeit ég víst á mig...

 

Þar sem ég hef verið vænd um baknag og háð samfara analisma í garð sambloggara minna af Höfundi Hins Stóra Samhengis hef ég tekið þá ákvörðun að draga til baka freistingarfærslu mína frá í morgun. Vil ég með því koma í veg fyrir frekari hrökun bloggheima vegna brota minna á óskráðum bannreglum (tabú) þeirra.

Megi friðhelgi ríkja í lendum moggabloggara.

Sný svo aftur í áður boðað bloggfrí....

 

Nei takk!

Í mínum huga er þetta sára einfalt - þarf enga útreikninga: Ef eitthvað sem talið var öruggt (safe) reynist óöruggt(unsafe) þó ekki sé nema í  1 tilviki, þá á auðvitað að hætta að nota það.

Þá er ég auðvitað að tala um rafbyssur.

Af því að þetta er nýjasta tíska í bloggheimum...

Trúarsannfæring mín:

1. Unitarian Universalism (100%) 2. Hinduism (96%) 3. Mahayana Buddhism (96%) 4. Neo-Pagan (95%) 5. Liberal Quakers (94%) 6. Mainline to Liberal Christian Protestants (88%) 7. New Age (85%) 8. Taoism (70%) 9. Orthodox Quaker (69%) 10. Theravada Buddhism (69%) 11. New Thought (60%) 12. Sikhism (58%) 13. Scientology (51%) 14. Secular Humanism (51%) 15. Reform Judaism (49%) 16. Jainism (47%) 17. Seventh Day Adventist (45%) 18. Mainline to Conservative Christian/Protestant (43%) 19. Christian Science (Church of Christ, Scientist) (42%) 20. Bahá'í Faith (41%) 21. Eastern Orthodox (41%) 22. Roman Catholic (41%) 23. Orthodox Judaism (26%) 24. Church of Jesus Christ of Latter-Day Saints (Mormons) (25%) 25. Nontheist (22%) 26. Jehovah's Witness (19%) 27. Islam (16%)

"Hrökun" íslensku - dæmi tekin úr bloggum um rafbyssur:

"Ég vill ekki sjá þessar helvítis byssur í höndum íslenskra lögreglumanna.....held að þær verði miðsnotaðar of mikið . Ekki gott að skjóta fólk sem er veikt fyrir hjartað eða eithvað svoleiðis þá draga þessar byssur þá til dauða mjög fljótt"

= Er í lagi að misnota, ef það er ekki of mikið? Hvað er að miðsnota, er það að nota miðið? Fólk er hvorugkynsorð, það á að segja það fólkið, ekki þeir fólkið=draga þessar byssur það til dauða o.s.frv. Auk þess er yfirleitt talað um að fólk sé veikt fyrir hjarta, það er að segja hjartanu, ekki  hjartað, það er að segja, maður er veikur fyrir einhverju, en ekki eitthvað. Það tekur því varla að rífast lengur út af "ég vill", þar sem flestir segja það núorðið, en auðvitað ætti að standa "ég vil".

 

"Mín skoðun er sú að þessar rafstuðbyssur eigi ekki að vera notaðar, þær eru greinilega stórhættuleg morðvopn."  = Af hverju ekki að segja: Mín skoðun er sú að það eigi ekki að nota þessar byssur - ?

 

Það er betra að geta tjáð sig bærilega á tungumálinu sínu þegar um grafalvarleg mál er að ræða. 

 

*Ég hef ákveðið að taka mér reglulega hlé á bloggfríi til að nöldra út af málfari samlanda minna á moggabloggum. 

Lést eftir að hafa verið skotinn með rafmagnsbyssu

Litagleði

Þessu MÁ ÉG TIL að blogga, þó ég sé komin í bloggfrí:

Litaglaða fæðið er hollara

Næturrómansa

 

 

 

 

 

 

nóttin er flauel
vefur mig örmum
blíðust allra
kemur alltaf aftur til mín

nóttin er fugl
ber mér á vængjum
furður drauma
sem hef gleymt að morgni

Bloggfrí

Ég er að spá í að taka mér bloggfrí um óákveðinn tíma og kíkja í staðinn á ýmislegt jólastúss. Hafið það gott á meðan, bloggvinir mínir. Þið getið ef þið viljið skilgreint tillögu Halldórs Baldurssonar að deiluskipulagi fyrir Reykjavíkurborg hér á síðunni þangað til ég kem aftur:

Ballerína í jólastússi

Brúður með sorgarslör?

Af hverju var Bónus-og-Hagkaupa-brúðurin með SVART slör þegar hún giftist milljarðaprinsinum? Hingað til hef ég haldið að svarti liturinn táknaði sorg í okkar heimshluta. Ég varð eiginlega alveg forviða að sjá þetta í fréttunum, ætlaði ekki að trúa mínum eigin augum og fannst þetta alveg stórfurðulegt, en ég er líka bara venjulegur íslenskur fjölyrki.

Annars finnst mér nú dálítið snemmt að útnefna þetta brúðkaup aldarinnar, þar sem það eru nú aðeins liðin tæplega sjö ár af öldinni. Ætli það verði nú ekki búið að toppa þetta brúðkaup fyrir næstu aldamót? 

 

Saumakonan

 

 

 

 

 

 

 Uppi í háu húsi... er gamla bloggið mitt á Blogger. Svona er þetta blessaða saumakonu-nafn til komið, á bloggum konu sem aldrei saumar (nánast): Nafnið var sem sé skírskotun í vísnaleikinn "ein ég sit og sauma, inni í litlu húsi" og bloggið hét í upphafi "inni í litlu húsi" (áður en það breytti um útlit og saumakonan gerðist vitavörður), tilvísun í að "enginn kemur að sjá mig, nema litla músin".

Ef við förum enn lengra aftur þá byrjaði ég að blogga á ensku á Blogger og kallaði mig þá "the millenium mouse", eða þúsaldarmúsina....þaðan kom sko nefnilega litla músin að sjá saumakonuna...svona er nú minn húmor...

Já, ég var víst eitthvað svolítið einmana í sálinni þegar ég byrjaði saumkonu-bloggið, fannst að minnsta kosti fáir kíkja við. Ýmislegt hefur breyst síðan, en ég verð nú víst áfram nokkuð sérvitur og hlédrægur einfari, þó þeir sem mig þekkja viti að ég get alveg sýnt af mér kæti í góðra vina hópi, ef svo ber undir.

Að sumu leyti býður Blogger upp á möguleika sem eru þægilegri og léttari í vöfum en þeir sem hér bjóðast, en þar er náttúrulega ekki fyrir að fara því sérstaka samfélagi bloggara sem hér er að finna. Þess vegna er ég nú flutt hingað á moggabloggið......þó hér geti reyndar líka verið dálítið einmanalegt, þegar fáir nenna að kommenta, þó maður skrifi hverja færsluna eftir aðra...

Góður Dagur og Flott Stelpa

Langholtsskóli, sumar 2005

Í þessari frétt er rætt við alveg stórkostlega efnilega unga stúlku, Önnu Sigurrós, nemanda í 7. bekk í Langholtsskóla. Það er sko ekki verið að tvínóna við hlutina á þeim bæ, heldur drifið í þeim og talað við rétta aðila. "Ég kom heim, - brjáluð - , og sagði mömmu að ég þyrfti að hringja - í borgarstjórann - og Morgunblaðið". Þetta kalla ég mjög jákvæða brjálsemi! Kannski verður þessi "brjálaða" unga kona einhvern tíma borgarstjóri í Reykjavík?

"Svo vildi til" (orð blaðamanns) að nýjar tillögur að skólalóð við Langholtsskóla voru ræddar á fundi borgarráðs þennan morgun - og svo mætti Dagur á lakkskónum, með sæta og skilningsríka læknabrosið á sínum stað, í fylgd myndatökumanna, að skoða aðstæður og ræða við stelpurnar - Gaman hjá krökkunum - og eins og einhver sagði, geðveikt PR-móment - og allir ánægðir.  

Nemendur Langholtsskóla fá loks skólalóð

Prag - 12-15. nóvember, 2007

Veðrið lék ekki beinlínis við okkur ferðalangana, hitinn hékk rétt yfir frostmarkinu. Fyrri kynnisferðin sem ég fór í, gönguferð um gamla bæinn, var farin í rigningu, og í síðari göngferðinni fengum við slyddu! Hér koma nokkrar myndir, ég tók þær ekki margar, þar sem það var ekki freistandi að vera með myndavélina á lofti vegna rigningarinnar og eins hafði maður nóg með að halda á sér hita .

Gönguferð um gamla bæinn 13. nóvember:

 

 

Þjóðminjasafnið í Prag, við enda Wenceslastorgs.

Fyrir framan safnið stendur stytta af heilögum Wenceslas, verndardýrlingi tékkneska ríkisins. Frá henni var lagt upp í gönguferðirnar.

 

 

 

 

 

Okkar frábæri fararstjóri, Pavel Manasek, fyrrverandi organisti í Háteigskirkju í Reykjavík. Eins og öðrum var honum frekar kalt, en hann lét það ekki aftra sér frá að fræða okkur um borgina og sögu og menningu þjóðar sinnar, trú, listir og stjórnmál, á ágætri íslensku.

 

 

 

 

 

 

 

 

 

Kærkomið stopp á veitingastað

 

 

 

 Við minnismerki um Jan Palach

 

 

 

 

 

 

 

 

Komin að Karlsbrú

 

 

 

 

 

Myndir teknar út um glugga Þjóðminjasafnsins að morgni 14. nóvember:

 

Þessa byggingu reisti kommúnistastjórnin (sem sjá má af stílnum) og hafði þar sitt aðsetur. Hún hýsir nú Útvarpsstöð Frjálsrar Evrópu (Radio Free Europe), sem teljast verður vel við eigandi. Hægra megin sést í nútíma óperuhús.

 

 

 

 

 

Horft niður Wenceslastorg.

 

 

 

 

Gönguferð um kastalahverfið 14. nóvember, í slyddu og kulda:

 

 

 

 

 

 

Lítið tekið af myndum - -

 

 

Stytta af Tomas Masaryk, fyrsta forseta lýðveldisins Tékkóslóvakíu.

 

 

 

 

 

 

Lífvörður forsetans

 

 

 

 

 

 

 

Um kvöldið fór ég í Þjóðleikhúsið í Prag og sá Ballettinn Onegin eftir John Cranko, eftir skáldsögu (in verse) Pushkins og við tónlist eftir Tchaikovsky.

Tilkomumikið hús og glæsileg sýning.

Og mér var hlýtt!

 

15. nóvember 

 

 

 

 

 

 

Út um glugga á 8. hæð á Hótel ILF. Farið að létta til, en líka að kólna að sama skapi .

Gott að fara heim! En gaman væri að koma aftur til Prag, til dæmis í vor...

Original Carter Family - My Dixie Darling

Forty Shades of Green

Ballerína

Var að fá þessa mynd senda af ballerínunni í fjölskyldunni, er hún ekki barasta alveg æðisleg?

Elvis

Fabulous Elvis - Lonely Elvis - Troubled Elvis - Poor Elvis :

 

HÉR er myndband með Elvis og Johnny Cash í upphafi ferils beggja og á betri tímum hjá Elvis, (en ekki Cash, sem virkar mjög ungur og hlédrægur þarna), það er misjafnt mannanna lánið og ekki fer alltaf saman gæfa og gjörvuleiki, það sannaðist á blessuðum rokk-kónginum.

Seinna hermdi Johnny Cash eftir Elvis, það er að segja, að eigin sögn þá hermdi hann eftir einhverjum að herma eftir honum, sem er nærri lagi, þar sem þetta er frekar mislukkað að mínum dómi. Þekkti sín takmörk kallinn, sýnist mér. Svo hermdi Elvis Presley eftir Johnny Cash, þó ég fái nú tæplega séð þennan performans sem eftirhermu, frekar að Elvis hafi pikkað ýmislegt upp frá Cash, enda held ég að Presley verði seint hælt sem stórkostlegum leikara eða eftirhermu.

Eftir lát kóngsins minntust  gömlu félagarnir hans frá upphafi ferilsins í þessum söng.

Kæru lesendur, eins og sjá má er ég algjörlega dottin í  YouTube og mun það líklega verða mín ástríða næstu vikur, fram yfir moggabloggið,  við heimkomu frá Prag, Tékkóslóvakíu. Mun  mjög sennilega verða að vænta endalausra pósta af YT frá þessari dellukellingu (og perfektionista) sem er hætt að kaupa allltof dýrar þjóðbúningadúkkur á eBay og stunda GóðaHirðinn, en er tekin til við YouTube í staðinn (sem er auðvitað mun ódýrara hobbý, ef út í það er farið). .

...það er að segja,nema hún hitti og fái dellu fyrir einhverjum mjög fabulous (þ.a.s. ofurkrúttlegum) TÉKKA, sem verður þó að teljast mjög ósennilegt......þó svo, ævintýrin enn gerist, tralalala....(b.g.og ingibjörg?)