"Hrökun" íslensku - dæmi tekin úr bloggum um rafbyssur:

"Ég vill ekki sjá þessar helvítis byssur í höndum íslenskra lögreglumanna.....held að þær verði miðsnotaðar of mikið . Ekki gott að skjóta fólk sem er veikt fyrir hjartað eða eithvað svoleiðis þá draga þessar byssur þá til dauða mjög fljótt"

= Er í lagi að misnota, ef það er ekki of mikið? Hvað er að miðsnota, er það að nota miðið? Fólk er hvorugkynsorð, það á að segja það fólkið, ekki þeir fólkið=draga þessar byssur það til dauða o.s.frv. Auk þess er yfirleitt talað um að fólk sé veikt fyrir hjarta, það er að segja hjartanu, ekki  hjartað, það er að segja, maður er veikur fyrir einhverju, en ekki eitthvað. Það tekur því varla að rífast lengur út af "ég vill", þar sem flestir segja það núorðið, en auðvitað ætti að standa "ég vil".

 

"Mín skoðun er sú að þessar rafstuðbyssur eigi ekki að vera notaðar, þær eru greinilega stórhættuleg morðvopn."  = Af hverju ekki að segja: Mín skoðun er sú að það eigi ekki að nota þessar byssur - ?

 

Það er betra að geta tjáð sig bærilega á tungumálinu sínu þegar um grafalvarleg mál er að ræða. 

 

*Ég hef ákveðið að taka mér reglulega hlé á bloggfríi til að nöldra út af málfari samlanda minna á moggabloggum. 

Lést eftir að hafa verið skotinn með rafmagnsbyssu

Athugasemdir

[Þorsteinn Siglaugsson, 19.11.2007 kl. 12:38]

Sæl Greta. Ég lýsi eindregnum stuðningi við þetta uppátæki þitt. Ekki veitir af að benda á ambögur. Hvet þig til að beina líka sjónum að málnotkun í fréttum. Þar er oft pottur brotinn.

[Jóhannes Ragnarsson, 19.11.2007 kl. 12:44]

Áfram Greta Björk, þú ert á réttri leið !

[Ásthildur Cesil Þórðardóttir, 19.11.2007 kl. 12:45]

Ég geri líka stundum vitleysur, en vil benda á að það er hægt að nota púkann, sem leiðréttir stafsetningarvillur.   Góð hugmynd hjá þér

[Sigurjón, 19.11.2007 kl. 12:46]

Já, ég fagna mikið þessu framtaki.  Það er ljúft að sjá að það eru fleiri málvöndunarmenn þarna úti.

[Greta Björg Úlfsdóttir, 19.11.2007 kl. 12:53]

Ég tek fram að það er auðvitað fullkomlega leyfilegt, og meira að segja kærkomið, að benda mér á eigin ambögur, því öll höfum við okkar meinlokur og gerum þess utan mistök.

[Greta Björg Úlfsdóttir, 19.11.2007 kl. 12:56]

Ásthildur, þó púkinn sé góður, þá leiðréttir hann því miður aðeins stafsetningarvillur en ekki málvillur. Og stundum vill hann meira að segja taka ráðin af manni og segja manni að leiðrétta "vitlaust" .

[Árni (IP-tala skráð) 19.11.2007 kl. 13:29]

"Mín skoðun er sú að þessar rafstuðbyssur eigi ekki að vera notaðar, þær eru greinilega stórhættuleg morðvopn."    Er þetta allt og sumt sem þú veist um þessar rafbyssur? Vissir þú að á þeim er bæði myndavél, hljóðupptaka og mælir sem nemur hve oft tækið er notað. Þar sem rafbyssur eru notaðar af lögreglu í heiminum þá þurfa lögreglumenn að vera stuðaðir í þjálfun, rétt eins og með mace brúsana og handtökin sem lögreglan notar sem einnig hafa verin talin '' stórhættuleg morðvopn.'' Ekki hef ég heyrt um marga lögreglunema sem hafa dáið. Nei, því það hefur ekki gerst hjá þeim 10.000 löggæslustofnunum sem nota rafbyssur sem varnavopn. Eru mörg dæmi um að lögreglan misnoti kylfurnar, mace-ið eða handtökin?? Nei, það eru það ekki. Reyndu að bera smá traust til þeirra sem sinna lögreglustörfum og þurfa sinna hættulegum hlutum sem þú vissir ekki að væru til staðar á Íslandi. Hvað með þá sem lögreglan skaut með rafbyssu en ekki alvöru byssu og lifðu það af! Ég mæli með að þú farir inn á www.taser.com og skoðir það aðeins áður en þú myndar þér skoðun.   Skoðaðu líka þetta http://www.youtube.com/watch?v=LquQWfFSteU  og þetta http://www.youtube.com/watch?v=4Fh3G-EpVPY,einnig þetta http://www.youtube.com/watch?v=1J9_Xcs0Tho.

[Greta Björg Úlfsdóttir, 19.11.2007 kl. 13:41]

Árni, ég held að þú hafir ekki lesið færsluna mína!

Því ef þú gerðir það myndir þú sjá að hún fjallar ekki  efnislega um rafstuðbyssur, heldur nota ég bloggfærslur þeirra sem hafa tjáð sig um þær sem dæmi um málvillur í daglegu íslensku máli.

Kannsi væri ráð fyrir þig að lesa nýjustu færslu Svavars Akureyrarprests, Biðspeki, um gildi þess að gefa sér tíma og flýta sér hægt?

[Greta Björg Úlfsdóttir, 19.11.2007 kl. 13:44]

"Því ef þú gerðir það myndir þú sjá að hún fjallar ekki  efnislega um rafstuðbyssur, heldur nota ég bloggfærslur þeirra sem hafa tjáð sig um þær sem dæmi um málvillur í daglegu íslensku máli."

Jæja, nú verð ég víst að vanda mig, fyrst ég er tekin upp á því að gagnrýna málfar annarra opinberlega á blogginu. Það sem ég vildi sagt hafa er að ég tók dæmi um málvillur í daglegu íslensku máli upp úr bloggfærslum þeirra sem hafa tjáð sig um rafbyssur!

[Steinar Örn, 19.11.2007 kl. 14:11]

„Ég tek fram að það er auðvitað fullkomlega leyfilegt, og meira að segja kærkomið, að benda mér á eigin ambögur, því öll höfum við okkar meinlokur og gerum þess utan mistök.“

Fyrst þú hvetur til þess vildi ég benda þér á ranga notkun gæsalappa hjá þér ;) Í upphafi tilvitnunar eiga þær að vera niðri en ekki uppi eins og í ensku.

Alt-0132 = niðri

Alt-0147 = uppi

[Hlynur Hallsson, 19.11.2007 kl. 14:41]

Takk fyrir ljómandi ábendingu Gréta. Hárrétt hjá þér. Bestu kveðjur,

[Greta Björg Úlfsdóttir, 19.11.2007 kl. 15:14]

Steinar Örn, mér var kunnugt um þessa notkun gæsalappa í íslensku, en ekki um það hvar þær "neðri" væri að finna á lyklaborðinu - og finn þær reyndar ekki enn, þrátt fyrir leiðbeiningar þínar; skil þær víst ekki alveg -

[Greta Björg Úlfsdóttir, 19.11.2007 kl. 15:23]

Gott að þú tekur þessari ábendingu minni vel, Hlynur. Þú ert hreint ekki einn um  þessa notkun sagnorða (ég er ekki nógu góð í málfræði til að skilgreina myndir þeirra, fer hér frekar eftir fegurðarskyni og smekk).

Það er orðið alltof algengt, tel ég, að fólk sé ekki að vera/gera eitt og annað - ég er ekki að nenna þessu, í staðinn fyrir ég nenni þessu ekki, ég er ekki að skilja í stað ég skil ekki, o.s.frv. (samsett tíð í stað framsöguháttar?), sem er þó að mínu viti fallegra (og réttara?) mál.

[Greta Björg Úlfsdóttir, 19.11.2007 kl. 16:04]

Ólafur, ég held ég láti þig og aðra um það...þið eruð vafalaust fleiri en þeir sem láta sig íslensku varða...mig varðar um málið sem er deilt á, ekki svo mikið um deilurnar sjálfar, því þær enda hvort sem er oftast í endaleysum í athugasemdaliðum bloggfærslna...

[Steinar Örn, 19.11.2007 kl. 16:23]

Mér datt reyndar í hug að það væri málið.

Þú heldur Alt takkanum niðri og ýtir á 0132 á meðan.

Það er kannski líka vert að benda á að ensku gæsalappirnar sem fást með því að ýta á shift-2 (") eru heldur ekki réttar. Íslensku gæsalappirnar vísa frá texta “

Kv.S

[Jón Steinar Ragnarsson, 19.11.2007 kl. 16:54]

Mér sýnist þú vera að benda á innsláttarvillur af miklum analisma og fordæmingu.  Það eru að vísu til ágæt dæmi um slæma málnotkun hér eða takmarkaða málnotkun. Viðmiðin eru óljós. Bloggið er hinsvegar vettvangur allra; lærðra sem leikmanna og ekki njóta allir þeirrar gæfu að hafa hlotið menntun á borð við þína eða vera eins vel af Guði gerðir og þú, Svona laus við lesblindu, orðblindu eða þroskafrávik, sem þú ert sennilega.  Svona hroki, sem þú hefur í frammi, hefur verið tabú hér á blogginu og óskrifuð lög hér að agnúast ekki út í stafsetningu eða ritfærni manna af fullri tillitsemi og virðingu.  Ef þú ert ný hér, þá láttu þér að kenningu verða og haltu þessari móðguðu málvitund þinni til hlés. Annað er að leiðrétta fólk, ef það vitnar rangt í eða misminnir, það er sjálfsögð hjálpsemi.

Lát af þessum leiða sið, því þú getur verið að særa einhvern sem á það ekki skilið. Vandaðu um fyrir þeim sem veldur og reyndu að standast freistinguna um baknag og háð í garð samferðarmanna þinna.

Með vinsemd og virðingu.

[Linda, 19.11.2007 kl. 17:26]

Sæl vertu og ég ætla að skrifa eftirfarandi athugasemd með vinsemd í huga og gerir mér vel grein fyrir því að hér er eflaust margt ábótavant.

1. Hljóðvilla hrjáir mig.

2. orðavilla hrjáir mig.

3. ég átti heima erlendis og var varla talandi hvað þá skrifandi enda búin að búa erlendis í nær 20 ár.  Slík tekur á, bæði þegar það kemur að málfræði og stafsetningu.

Ég vil minni þig á, og eflaust er það óþarfi að ekki eru allir eins og þú, við erum öll svo ófullkomin og endalaust að læra, ég ætla ekki áð lýsa því hversu mikið ég hef lagt á mig að læra málið mitt upp á nýtt, það er fólk sem hefur látið mig skammast mín fyrir það sem betur hefði mátt fara í mínu málfari töluðu og skrifuðu, ég hinsvegar held ótrauð áfram vonandi öðrum til blessunar íslending sem og útlending. Svo vildi ég benda þér á að þegar ég kom heim var ekkert sem hét íslenska fyrir íslendinga sem búið hafa erlendis nánast allt sitt líf.

4 svo veit ég að fljótfærni og innsláttavilla hrjáir mig líka (can't win for loosing)

[Linda, 19.11.2007 kl. 17:28]

Jón Steinar ef þú hættir þessu ekki þá áttu það að hættu að verða hetjan mín

[Greta Björg Úlfsdóttir, 19.11.2007 kl. 17:47]

Það var aldeilis ádrepa, Jón Steinar, það liggur við að núna sé það ég sem er særð, út af því að hafa fallið í þá freistni að tjá mig um það hve mér finnst málnotkun okkar fara hrakandi ...

Ég bendi á að ég er ekki að setja út á stafsetningarvillur heldur málvillur sem stafa af því að hver étur upp eftir annan án umhugsunar...og eins það þegar fólk augljóslega misskilur (eða heitir það kannski að miðskilja?) stundum sitt eigið tungumál...

Linda, ég fæ ekki betur séð en að þú hafir gott vald á tungumálinu (kannski með aðstoð púkans, kemur mér ekki við). Ég er ekki að gagnrýna það að fólk tjái sig á blogginu og láti ekki meint kunnáttuleysi eða aðrar orsakir fyrir erfiðleikum við að nota tungumálið hefta sig í því. Þvert á móti. 

En mér finnst það ekki jafngilda því að það megi ekki tjá sig um ósiði sem eru á góðri leið með að festa sig í sessi í notkun málsins, eða að afsaka það að fólk reyni ekki að vanda sig í framsetningu á því sem það vill ræða - og já, reyna að forðast innsláttarvillur.

[Greta Björg Úlfsdóttir, 22.11.2007 kl. 16:46]

Við þetta er að bæta, að athuguðu máli, að það er auðvitað rétt hjá Jóni Steinari að það ber að forðast að taka dæmi um slakt málfar af síðum annarra bloggara.

Nær væri mér og öðrum að taka þau af fréttasíðum dagblaða, þar sem er því miður af nógu að taka. Sér í lagi vegna þess að þeir sem þar skrifa hafa af því atvinnu og ætti þess vegna frekar að mega gera til þeirra meiri kröfur um gott mál en til þeirra sem skrifa sér til ánægju eða hugarléttis (eða af hvaða orsökum sem er öðrum) hér á moggablogginu.

[María Anna P Kristjánsdóttir, 25.11.2007 kl. 20:15]

Gréta Björg,mér finnst þessi færsla þín bæði góð og þörf,og ekkert til að skammast sín fyrir.Þetta er þín skoðun og við hin eigum að virða hana.

Vissulega erum við misjöfn og eigum misgott með að tjá okkur hvað þá heldur að tjá okkur skriflega,en ég get ekki séð neinn hroka í þessari ábendingu þinni,og hvet þig til að halda áfram að standa vörð um íslenska tungu.Kveðja María

[Greta Björg Úlfsdóttir, 25.11.2007 kl. 20:30]

Takk fyrir hlýleg orð, María Anna, kannski læt ég færslurnar bara halda sér hér áfram...