Flottar útvarpsrásir...

Rúv:

R O N D Ó

Svo er þessi rás líka nýbyrjuð og flott:

Franskt útvarp FM 89.0 Radio France Internationale hóf útsendingar hér á landi í fyrsta sinn um síðustu helgi og útvarpar allan sólarhringinn og alla daga vikunnar á tíðninni FM89,0. Útsendingin er til eins árs í senn og nær yfir allt höfuðborgarsvæðið.

Útvarpsrásin fer í loftið hérlendis samhliða hinni umfangsmiklu frönsku menningarhátíð, „Pourquoi-Pas? Franskt vor á Íslandi", sem hefst 22. febrúar.
http://www.pourquoipas.is.

Radio France Internationale er frönsk opinber útvarpsrás rekin af utanríkisráðuneyti Frakklands sem útvarpar á um 20 mismunandi tungumálum. Fjöldi áheyrenda nemur 44 milljónum, þar af eru 25 milljónir í Afríku. Í Evrópu er fjöldi áheyrenda um 2 milljónir. Rásin er með 150 senda víða um heim og er í samstarfi við 340 mismunandi útvarpsrásir, sem útvarpa dagskrá RFI í heild sinni eða að hluta. Rásin flytur fréttir á hálftíma fresti með áherslur á alþjóðamál.

- - - 

Annars er það helst í fréttum af einkabílstjóranum að hann dreif sig í bílaþvottastöð í dag, svo bifreiðin teldist boðleg farþegum morgundagsins. Þurfti að bíða í ríflega 1 klst. eftir að komast að, að sjálfsögðu að meðtöldum þeim 10 mínútum sem tók að þvo jeppann sem tróð sér fram fyrir mig í bilið sem myndaðist meðan ég skrapp inn til að kaupa mér kort í þessa sjálfvirku þvottastöð. 

Oj, oj - kom við í Góða Hirðinum og ætlaði bara að kíkja og fá mér kaffi og spjall, en fann alls kyns freistandi dýrgripi sem nú hafa bæst í það alltof umfangsmikla safn sem fyrir er í íbúðinni minni

Athugasemdir

[Guðný Anna Arnþórsdóttir, 14.2.2007 kl. 17:24]

Takk fyrir þessar gagnlegu upplýsingar. Ég er útvarpsfíkill. Vakna og sofna við útvarpsþætti!

[Greta Björg Úlfsdóttir, 14.2.2007 kl. 17:27]

Jú´r welcome, mí dír!

[Pétur Þorleifsson , 14.2.2007 kl. 17:31]

Rondó er á FM 87,7. Það er flott að hafa úr öllum þessum útvarpsrásum að velja. En ekki getur maður stillt á Útvarp Alþingi.  Það er ekki nógu gott og ekki nógu lýðræðislegt.

[Greta Björg Úlfsdóttir, 14.2.2007 kl. 17:38]

Takk fyrir tengilinn Pétur, kannski er ekki nógu skýrt að setja þetta svona fram eins og ég geri, en tengillinn hjá mér á rásina er í öllum þessum stóru, lituðu bókstöfum...

[Pétur Þorleifsson , 14.2.2007 kl. 19:06]

Já, smella á lituðu stafina, það hefði mér aldrei dottið í hug..

Úr því við erum að tala um útvarp, þá heyrði ég einstaklega vel heppnaðan þátt á mánudaginn á rás 1 þar sem fjórar súpersöngkonur komu við sögu. Hann verður endurtekinn á laugardagskvöldið.