Sorg

Það hefur orðið breyting í lífi mínu. Hún er búin að vera fyrirsjáanleg í nokkurn tíma, en nú þegar hún er brostin á er ég hálf innantóm og vingulsleg yfir að þetta skuli hafa þurft að fara svona. Þó svo að þetta hafi verið öllum fyrir bestu og í fullri vinsemd gert. Geri plön um eitt og annað sem ég ætla mér að brasa í framtíðinni, en sest svo með hendur í skaut og veit ekki alveg hvað ég á að taka mér fyrir hendur. Vonandi rjátlast þetta af mér, þetta er svo sem ekki í fyrsta skiftið á ævinni sem ég geng í gegnum sambandsslit.

Veit ekki hversu mikið ég kem til með að blogga á næstunni, auk þess sem fyrirsjáanlega missi ég tölvuna líka eftir einhvern tíma, þar sem að kærastinn fyrrverandi á hana! En kannski set ég áfram inn einhver póetísk þankabrot áfram, því það finnst mér bara gaman!

Athugasemdir

[Ásthildur Cesil Þórðardóttir, 10.3.2007 kl. 10:20]

Knús til þín Gréta mín.  Mundu bara að þú ert aldrei ein það er fullt af fólki þarna úti sem þú þekkir og þykir vænt um og þykir vænt um þig.  Það er bara að rétta út hendina og finna vinarhönd. 

[Greta Björg Úlfsdóttir, 10.3.2007 kl. 10:24]

Takk fyrir þessi hlýju orð, Ásthildur, já, það er rétt að minna sig á þetta þegar svona stendur á.

[Kolbrún Baldursdóttir, 10.3.2007 kl. 10:45]

Ekki missa móðinn, það er líf eftir þetta, kannski bara betra líf (veit náttúrulega ekki mikið um málið) en muna bara að þegar einar dyr lokast opnast aðrar.

[Greta Björg Úlfsdóttir, 10.3.2007 kl. 11:32]

Takk fyrir hvatninguna, Kolbrún. Þetta er rétt sem þú segir um dyrnar sem opnast þegar hinar lokast, já, lífið er fullt af möguleikum. Í þessu tilfelli fara væntingar til framtíðarinnar ekki nógu vel saman, þar sem við erum aldurslega stödd á mjög ólíkum stöðum í lífinu. Það var aðal ástæða fyrir slitum, en ekki skortur á væntumþykju. Þetta kemur allt í ljós!

[Hulda Elma Guðmundsdóttir, 10.3.2007 kl. 13:28]

Ég er í sömu sporum og þú en karlinn gekk út eftir 45 ára hjónaband. Ég hef stundum verið niðri í kjallara en trúi að það hafi verið einhver áskorun á mig með þessu. Stattu þig stelpa,

[Greta Björg Úlfsdóttir, 10.3.2007 kl. 15:33]

Þakka ykkur fyrir öll ykkar uppörvandi orð, stelpur mínar, þið eruð alveg yndislegar! Kossar og knús til ykkar allra!

[Ásthildur Cesil Þórðardóttir, 10.3.2007 kl. 16:53]

Velkomin í bloggvinahópinn minn elskuleg.

[Ólafur fannberg, 10.3.2007 kl. 17:30]

knús

[Valgarður Stefánsson, 12.3.2007 kl. 13:17]

Aðal atriðið er að hugsa vel um sig sjálfan, láta sér bara líða vel og gera eitthvað skemmtilegt á hverjum degi.

[Greta Björg Úlfsdóttir, 13.3.2007 kl. 10:17]

Ég ætla að gera það, Valgarður! Og knús til þín líka, Ólafur!

[kisi (IP-tala skráð) 21.3.2007 kl. 18:36]

Það sem við höfum gert, höfum við gert. Það vegur þyngra en öll þau orð sem við kunnum að hafa hugsað, eða sagt.

Elska skalt þú guð og náunga þinn jafn mikið og sjálfa þig. Hvorki meira né minna. Sé ástin of lítil verður öllum kalt. Sé hún of mikil, sprettur fram sviti ;)