Óhugnaður...

Stutt er um liðið síðan fjöldamorð voru framin í finnskum skóla, af trufluðum ungum manni. En við þurfum ekki að fara svo langt sem til Finnlands til að sjá óhugnað blasa við okkur. Það er nóg að fara inn á síðu sem okkar eigin landar, í okkar eigin landi, halda úti, til að innyflin herpist og blóðið frjósi í æðum manns.

Eða hvernig líst mönnum á þessar myndir sem ég hef tekið af síðu skapari.com, og ætla að setja hér inn til að vekja athygli á þessu, þó mér hugnist það varla, því eins og ég sagði áðan, verður mér hreinlega flökurt af að lesa óþverrann sem vellur úr heilabúum og undan fingrum síðuhöfunda/eigenda:

Er þetta, svona ógeð, eitthvað sem við eigum/þurfum að líða, í nafni prent- og tjáningarfrelsis? Ég spyr: Hvar liggja mörkin? Og þetta er bara lítið sýnishorn af því sem þarna fer fram...

Athugasemdir

[Ragnhildur Jónsdóttir, 9.11.2007 kl. 16:55]

Oj! þetta er verulega óhuggulegt! Það er þetta með fínu línuna á milli tjáningarfrelsis og ofnotkun tjáningar...

Takk kærlega fyrir síðast Gréta, já ég hlakka líka til næst :-)

bestu kveðjur og góða helgi 

[Greta Björg Úlfsdóttir, 9.11.2007 kl. 17:08]

Þú manst að í hittingnum barst talið að því að einhverjum sem skoðuðu Auswitch og ég sagði ykkur að ég myndi bara bíða fyrir utan í svoleiðis skoðunarferð...já, ég meinti það svo sannarlega. Man enn skelfinguna sem greip mig þegar ég barnung sá í bók ljósmyndir þaðan, af skinhoruðum föngum sem var hrúgað saman í svefnbálk...eins og ég segi, mér verður flökurt af að lesa þessi skrif, ég fæ bara hroll, þarf ekki að skoða þennan stað...

[Greta Björg Úlfsdóttir, 9.11.2007 kl. 17:11]

Auschwitz mun vera rétta stafsetningin.

[Birna Dis Vilbertsdóttir (IP-tala skráð) 9.11.2007 kl. 17:13]

Ógeðfellt og ógeð er réttu orðin yfir þetta