Framför

Þetta er stórkostleg framför í læknismeðferð. Það hlaut að koma að því að það yrði þróað eitthvað í staðinn fyrir gifsið, sem er þungt í vöfum og erfitt fyrir sjúklinginn. Sem betur fer hef ég aldrei þurft að vera í gifsi, en ég veit að það er mjög óþægilegt á allan hátt að þurfa að dúsa í því í margar vikur.

Ég sé samt fyrir mér að nýja spelkan kalli á það að sjúklingurinn verði að taka sjálfur meiri ábyrgð á batanum, ekki vera trassi og "gleyma" að vera með hana, eða að vera að gera allt mögulegt sem ekki er ráðlegt að gera fót- eða handleggsbrotinn, þó hann verði ekki lengur "hreyfihamlaður" af því að vera með gifs og geti farið allra sinna ferða.

Gott mál.

Nýjung leysir gifsið af hólmi

Athugasemdir

[Ásthildur Cesil Þórðardóttir, 26.2.2008 kl. 21:40]

Það er eiginlega stórfurðulegt að það skuli ekki hafa verið fundið upp eitthvað fyrr.

[Greta Björg Úlfsdóttir, 26.2.2008 kl. 21:47]

Ég er sammála því, það er eins og oft sé þróunin hæg og fólk fast í þessu gamla, þrátt fyrir allar framfarirnar í læknavísindum.

Össur er að gera frábæra hluti, mér finnst við Íslendingar megum vera mjög stolt af því að Íslendingar séu með þeim fremstu, ef ekki fremstir, í stoðtækjagerð.

[Steinunn Helga Sigurðardóttir, 27.2.2008 kl. 12:35]

frábært ! var í gifsi fyrir mörgum árum, það var þungt og óþægilegt !!

Bless í daginn kæra kona

steina