Gaza

Athugasemdir

[Vilhjálmur Örn Vilhjálmsson, 2.3.2008 kl. 08:02]

Grætur hann vegna þess að fær ekki að skjóta flugskeytum í dag?

[Greta Björg Úlfsdóttir, 2.3.2008 kl. 11:20]

Villi, þó þessi spurning þín sé tæpast svara verð, þá lesa (vonandi) fleiri þetta, þess vegna skal ég svara þessu:

Drengurinn á myndinni er ættingi Motasem Abdrabo, sem lést í árásinni á Gaza í gær, þegar Ísraelsher svaraði flugskeytum Palestínumanna. Myndin er tekin í jarðarförinni í Jabaliya (eins og kunnugt er eru látnir grafnir samdægurs þar suður frá). 54 Palestínumenn létust, þar af um 24 almennir borgarar. Þetta er mesta mannfall á Gaza á einum degi síðan árið 2000 þegar átökin hófust. Kringum 200 Palstínumenn eru særðir, þar af 14 alvarlega, að sögn sjúkraliðs. Tveir ísrelskir hermenn létust og sjö eru særðir.

Ljósmyndinni stal ég frá AP-fréttastofunni, ljósmyndarinn er Eyad Baba, en ég hef þessar upplýsingar úr fréttagrein eftir Ibrahim Barzak, sem vinnur hana í samstarfi við fréttaritara Associated Press hjá Sameinuðu Þjóðunum, Edith M. Lederer.

Þessi drengur hefði auðvitað alveg eins getað verið ísrelskur drengur að gráta annan hermannanna sem féllu í átökunum. Sorgin spyr ekki um landamæri.

[Ásthildur Cesil Þórðardóttir, 2.3.2008 kl. 12:13]

Nei hún spyr ekki um landamæri, það gerir mannvonskan heldur ekki.  Maður er alveg gáttuð á því af hverju alþjóðasamfélagið gerir ekkert til að reyna að miðla málum og stuðla að friði þarna, mikill meirihluti bæði ísraela og palestínumanna vill frið, og semja um frið en ekki útrýmingu.

[Greta Björg Úlfsdóttir, 2.3.2008 kl. 16:53]

Börn og unglingar eiga ekki að þurfa að alast upp við mannskemmandi aðstæður eins og þær sem þessi börn verða að þola. Ég er hrædd um að börnin okkar yrðu fljót að læra að hata ef þau þyrftu að alast upp við slíkar hörmungar.

Takk fyrir þínar góðu kveðjur, Valgeir minn. Haðfu það sem best.

[Sema Erla Serdar, 2.3.2008 kl. 19:47]

Sætt Vilhjálmur, sætt!!

[Guðjón H Finnbogason, 2.3.2008 kl. 20:18]

Hvenær tekur þetta enda?

[Vilhjálmur Örn Vilhjálmsson, 3.3.2008 kl. 22:04]

SÞ hafa vinsamlegast beint þeim tilmælum til Hamas og Gazabúa, að

1) viðurkenna Ísraelsríki 2) hætta árásum á Ísraelsríki 3) taka þátt í friðarferlinu.

Öllu þessu hefur hið íslamíska herveldi á Gaza hafnað.

Drengurinn á myndinni gæti breytt gangi mála með hjálp ykkar hér að ofan, en ef hann og fólk hans krefst eyðingar Ísraels, vill áfram skjóta eldflaugum á Ísrael og vill ekki taka þátt í friðarferlinu get ég bara sagt eitt: Megi Guð hans vera honum náðugur.

og Greta: Hvenær settir þú upp mynd af syrgjandi gyðingum? Maður sér alveg í hvaða átt þín samúð hallast.

Myndatilbúningur Palestínumanna er hins vegar ekki nein ný bóla. Hlutir eru settir á svið fyrir blaðamenn. Dómstóll í Frakklandi hefur nú úrskurðað að palestínskur drengur sem dó í tvíeldi á Gaza árið 2000 hafi verið myrtur af Palestínumönnum, en ekki Ísraelum eins og heimspressan hefur viljað halda fram.

Ég vel þó að álíta að drengurinn á myndinni sé syrgjandi, enda hefur hann fulla ástæðu til þess. Hamas, sem stjórnar landi hans með báli og brandi og myrðir bræður hans í Fatah og kristna íbúa Gaza, vilja ekki frið. Þeir eru óferjandi illmenni.

[Greta Björg Úlfsdóttir, 4.3.2008 kl. 09:48]

Já, Villi, eigum við ekki að vona að þessi reynsla verði ekki drengnum á myndinni tilefni til að hallast á sveif með Hamas, heldur að hann sjái að friðarsamningar eru eina lausinin fyrir hann og jafnaldra hans, vilji þeir ekki líka farast á sama hátt og ættingi hans?

[Greta Björg Úlfsdóttir, 4.3.2008 kl. 10:30]

Varðandi valið á myndinni, þá valdi ég hana eiginlega ekki, heldur varð hún fyrir augum þegar ég opnaði myway-pósthólfið mitt og kíkti á fréttirnar sem alltaf fylgja inni á honum.

Mér fannst myndin einfaldlega svo sláandi fyrir stöðu æskunnar þarna suður frá að ég ákvað að ræna henni (AP-áskilur sér birtingarréttinn!) og setja hana hér, án texta.

En kannski reyni ég að velja mynd af syrgjandi gyðingi til mótvægis, fyrir Villa, vafalaust er til nóg af þeim líka, því miður.

[Greta Björg Úlfsdóttir, 4.3.2008 kl. 11:48]

Það er ekki sanngjarnt að segja að alþjóðasamfélagið eða aðrir geri ekkert til að koma á friði á þessu svæði. Heilmikil vinna hefur verið lögð í einmitt þetta, þó hægt miði í samkomulagsátt. Nánar má lesaum það hér.

[Greta Björg Úlfsdóttir, 4.3.2008 kl. 11:50]

Lesa má almennt um friðarumleitanir í Mið-Austurlöndum hér.

[Yousef Ingi Tamimi, 4.3.2008 kl. 12:43]

Sæll Vilhjálmur.

Þú segir að SÞ hafi sett fram ákveðnar kröfur og þá er hægt að hefja friðarferlið.

1)      Viðurkenna Ísraelsríki. Viðurkenna hvað? Landamærin síðan ’48,  1967 eða núverandi landamæri? Ísraelsríki er ekki búinn að setja niður landamæri, svo ef Ísrael myndi nú ákveða sig hvar þær ætla að láta landið liggja(Palestínumenn sætta sig við ’67) þá myndi hugsanlega vera hægt að viðurkenna ríkið.

2)      Hætta árásum á Ísraelsríki – Ef Gaza er mesta vandamálið, af hverju fara þeir ekki af vesturbakkanum, skila svæðum sem landnemar hafa fengið og látið Palestínumenn fá þau landamæri sem flestir vilja eða grænu línuna síðan 1967.  Af hverju eiga Palestínumenn að vera á undan og hætta árásum þegar Ísraelsmenn mismuna, hræða og fara illa með Palestínumenn á vesturbakkanum?

3)      Taka þátt í friðarferlinu – Það er ekki hægt að taka þátt í einhliða friðarferlum. Enginn vill ræða við stjórnmálaarm Hamas svo hvernig eiga þeir að taka þátt?

Þú og margir þínir líkir vilja endilega sjá þetta í trúarlegu sjónarmiði. En þetta er það alls ekki. Úti er ekki talað um helvítis Gyðinginn . Heldur eru fólk á móti því ástandi sem í raun Ísraelar hafa myndið þarna. Þeir ráða ríkjum allstaðar, byggja múra og stjórna fólkinu einsog það sé í einhverskonar herkví. Það lést 1 maður af flugskeytaárás Hamas liða um daginn og í staðinn hafa yfir 100 manns látist á Gaza, erum við þá ekki að segja að líf Palestínumanna sé minna virði?  Samkvæmt B’Tselem mannréttindasamtökum í Ísrael hefur helmingur þeirra sem látist hafa á Gaza ekki tekið þátt í átökum.

Endilega skoðaðu þessa síðu… hún er Ísraelsk

http://www.btselem.org/English/index.asp

[Greta Björg Úlfsdóttir, 4.3.2008 kl. 15:26]

Til glöggvunar: Tengill í Wikipediu-grein um Gaza-svæðið. Greinin hefur ekki verið véfengd (disputed). Eins og sjá má á kortunum með greininni er þetta ekki stórt landssvæði sem um ræðir.

Til hægðarauka set ég hér síðuna sem Yousef vísar á: B´TSELEM 

Hér er grein um Elon Moreh, fyrstu landnemabyggðina á Vesturbakkanum. 

[Anna Benkovic Mikaelsdóttir, 4.3.2008 kl. 20:17]

Þetta ástand er heimsbyggðinni til skammar. Við horfum á ísraela stela landi fólks og lýsa yfir sjálfstæði fyrir 60 árum á landi án landamæra???? Klikkun

[Greta Björg Úlfsdóttir, 4.3.2008 kl. 21:03]

Þeim voru að vísu sett landamæri fyrir sextíu árum þegar Sameinuðu Þjóðirnar úthlutuðu þeim einhliða landsvæði þegar þáverandi Palestína fór undan stjórn Breta, En þessi landamæri hafa þeir á engan hátt virt. Hernaðarátökin byrjuðu strax, því Arabaríkin voru ósátt við þessa úthlutun frá upphafi. Græna línan svokallaða voru landamæri sem samið var um 1949, árið eftir stríð Ísraels við þessi ríki og árið eftir að þeir lýstu yfir sjálfstæði sínu. Þessi landamæri héldust óbreytt til 1967 þegar Ísraelar útvíkkuðu þau í sex-daga-stríðinu.

Þá hafði ég verið að hugsa um að komast til Ísrael í kibbutz, sem þá þótti mjög spennandi hjá ungu fólki að gera. En þeir draumar urðu auðvitað að engu. Ég man að íslenskir krakkar sem voru þarna úti þegar stríðið byrjaði komu strax heim, frekar skelkaðir. 

[Greta Björg Úlfsdóttir, 4.3.2008 kl. 21:08]

The Green Line

Eins og sjá má á síðunni eru menn ekki á eitt sáttir um þær upplýsingar sem þar koma fram og ber að lesa þær með það í huga. 

[Anna Benkovic Mikaelsdóttir, 5.3.2008 kl. 09:34]

Ég vona bara innilega að ísraelsmenn sjái hina hilðina líka og svo sannarlega eiga gyðingar rétt á landi, en svona ástand er óþolandi!

[Anna Benkovic Mikaelsdóttir, 5.3.2008 kl. 10:31]

á www.jonas.is...segir!

05.03.2008

Omega fagnar ofbeldi

Í nýrri hrinu ódæðisverka Ísraels á hernumdum svæðum Palestínu er gott að muna tvennt. Í fyrsta lagi stríðir atferli Ísraels gegn öllum ákvæðum Genfarsáttmálans um meðferð hernumins fólks. Hitt er, að hér er sérstök sjónvarpsstöð helguð stuðningi við helför nútímans. Á Omega sitja örvasa stríðshetjur við borð og dásama Ísrael í bak fyrir. Þeir trúa spásögn um, að sigur Ísraels í stríði í Botnalöndum sé upphaf langþráðs heimsenda. Trúarofstæki þetta er útbreitt í Bandaríkjunum, en sjaldgæft hér. Samt tekst stuðningsmönnum Ísraelsríkis að halda úti sjónvarpi um hugsjón sína.

[Greta Björg Úlfsdóttir, 5.3.2008 kl. 11:06]

Ha, ha, ha,...ég má til að endurtaka hér lýsingu Vilhjálms Vilhjálmssonar á mér í kommentakerfi sínu:

"Ég skil af hverju Jón Valur "eyddi" þér. Þú ferð fyrst fram undir merkjum heilagleikans, réttlætisins og skilnings á öllum hliðum erfiðra mál, og svo sviptir þú hulunni, og fram gengur hörku öfgakona, sem er villtur stuðningsmaður hryðjuverkabaráttu þjóða, sérstaklega þjóða sem hafa útrýmingu Ísraels á dagskránni og sem leyfa sér að líkja sér við gyðinga þegar þeir voru undir hæl Evrópubúa, alveg eins og þeir fara ósæmilega með barnalík.  Afar ósmekklegt."

Kannast lesendur mínir við þessa konu?

[Greta Björg Úlfsdóttir, 5.3.2008 kl. 11:07]

Ætli Össur og Villi séu skyldir?

[Anna Benkovic Mikaelsdóttir, 5.3.2008 kl. 11:18]

Þetta ert þú í augum Vilhjálms, ekki mínum! Þú barðist hetjulega á síðunni hans við að koma sannleikanum á framfæri, ég sá það. Þú veist að ég og áar mínir eru nasistar í augum V.??? Þetta er auðvitað viss klikkun. Ekki taka þetta nærri þér (þótt ég hafi gert það)

[Greta Björg Úlfsdóttir, 5.3.2008 kl. 11:59]

Nei, ég tek þetta ekki nærri mér. Þessi orð segja meira um Villa en mig.

Á ferð um netið við að skoða efni tengt Palestínu-deilunni rakst ég á síðu með grein þar sem sömu kenningu  og ég hafði sett saman við að gaumgæfa fréttir frá Danmörku, og sett fram hér á blogginu mínu við litlar undirtektir, um samsærið á bak við Múhameðsteikningarnar, er haldið fram. Nema hvað ég benti alltaf á hægri öflin, en sú síða bendir á að Fleming Rose, ritstjóri Jótlandspóstsins, er í nánu sambandi við Daniel Pipes, (á síðu hans má nú lesa hann leiða rök að því að Obama sé "muslimsypathizer") sem er einn af aðaltalmönnum Síonista í Bandaríkjunum. Finnst mönnum það ekki einkennileg tilviljun, ef menn vilja halda fram að það sé bara tilviljun?

Ég er þó ekki alls kostar sátt við síðuna þar sem þetta kemur fram, það er síða hlaðin and-gyðinglegum áróðri, þar sem því er meðal annars haldið fram að helförin sé tilbúningur gyðinga, en samt þykir mér þetta sem bent er á þarna merkilegt.

[Anna Benkovic Mikaelsdóttir, 5.3.2008 kl. 12:11]

Ég sé ekkert til að taka mark á þarna, svona í fljótu bragði...og finnst allar öfgar spilla friðarferlinu, sérstaklega standa palestinumenn höllum fæti og mega passa sig að falla ekki í drullupott Omega og V!

[Greta Björg Úlfsdóttir, 5.3.2008 kl. 12:12]

Um frama Davids Pipes, son pólskra gyðinga, í opinberu lífi í Bandaríkjunum, má lesa eitt og annað í þessari grein á Wikipediu.

[Greta Björg Úlfsdóttir, 5.3.2008 kl. 12:15]

Það er rétt hjá þér, Anna, það eru margir drullupyttir á báða bóga sem verður að varast að falla í þegar maður er að hugsa og tala um þessi mál.

[Anna Benkovic Mikaelsdóttir, 5.3.2008 kl. 21:28]

[Sema Erla Serdar, 6.3.2008 kl. 00:13]

hahahah eyddi hann Villi þér útaf listanum sínum???

vertu fegin segi ég...

[Greta Björg Úlfsdóttir, 6.3.2008 kl. 10:17]

Nei, ég hangi inni ennþá!

En honum Villa var það skapi næst að taka mig af listanum, sagði hann. Þá benti ég honum á að með því væri hann kominn í klúbb með Jóni Val, sem er eini maður sem hefur eytt mér af lista, mér vitanlega, vegna einhvers sem ég hef sagt, eða skrifað.

Ég hef að vísu dottið af lista hjá fólki, en þá hefur það verið vegna þess að það var í allsherjartiltekt á bloggvinalistanum, ekki að ég hefði móðgað það mér vitanlega.

Ég vil gjarnan vera áfram á lista hjá Villa, því oft er hann með skemmtilegar og fróðlegar færslur, en því miður virðist hann eiga það til að tapa sér gjörsamlega þegar málin fara að snúast um gyðinga og allt þeim viðkomandi. 

[Greta Björg Úlfsdóttir, 6.3.2008 kl. 16:13]

Jæja, kallinn Villi er búinn að gefast upp á að reyna að svara mér, og hefur hent mér út af bloggvinalista - já, hann varð fyrri til, ég var að íhuga að henda honum út fyrr í dag, (og reyndar ekki í fyrsta skifti).

Það er merkilegur andskoti þegar menn stofna til umræðu á bloggi sínu, en þola síðan ekki betur en svo þau andsvör sem þeir fá en að þeir loka fyrir umræðu þegar þeir vilja geta átt lokaorðið.

[Sema Erla Serdar, 6.3.2008 kl. 20:54]

segðu....

[Yousef Ingi Tamimi, 7.3.2008 kl. 10:37]

Það lýsir líka bara hversu veikur þeirra málstaður er, og ef maður svara þeim af einhverju viti þá vita þeir ekkert hvað þeir eiga að gera. Þetta minnir mig á leikskóla, "ég hef alltaf rétt fyrir mér og ef einhver mótmælir þá fer ég í fýlu"

Villi virðist bara vera ennþá staddur á því stigi

[Anna Benkovic Mikaelsdóttir, 7.3.2008 kl. 13:20]

Til hamingju Gréta