Feneyska höfnin í Chania, Krít

Þegar ég sá að Steini Briem, nýjasti bloggvinur minn, er búinn að setja inn sem höfundarmynd af sér mynd sem tekin var af honum við feneysku höfnina í Chania, Krít, rifjaðist upp fyrir mér yndislegur dagur og kvöld sem ég átti einmitt á þeim stað síðast liðið haust, með foreldrum mínum og Lindu vinkonu minni. Þetta var 84. afmælisdagur pabba heitins, 29. september, og jafnframt hans síðasti í þessu lífi. Minning sem yljar mér um hjartarætur og er mér mjög dýrmæt.

Á þessum litla bar á myndunum hér fyrir neðan, sem er í einni af litlu götunum í gamla hverfinu upp af höfninni, fengum við okkur hressingu seinna um kvöldið, áður en við héldum heim á hótelið.

Athugasemdir

[Steingrímur Helgason, 19.4.2008 kl. 00:41]

Fallegar myndir, ég sá þetta líka hjá brímaranum um Krítina moskítóbítandi fyrir mér.

[Ásthildur Cesil Þórðardóttir, 19.4.2008 kl. 00:44]

Ójá ég hef verið þarna líka sannarlega skemmtilegur staður Gréta mín.

[Þorsteinn Briem, 19.4.2008 kl. 11:23]

Jamm, gaman og kósí að vera á Krít. Samhryggist þér með hann pabba þinn, Greta mín Björg.

[Greta Björg Úlfsdóttir, 19.4.2008 kl. 11:53]

Þakka þér fyrir það, Steini minn. Blessuð sé minning hans.

[Ragnhildur Jónsdóttir, 20.4.2008 kl. 19:39]

Þessi ferð hefur verið yndisleg og ógleymanleg. Örugglega frábær staður að heimsækja. Ég sé að Emblan mín á sama afmælisdag og pabbi þinn Flottur dagur!

knús Greta mín