Gott hjá Guðna

Mér finnst það stórmannlegt af Guðna að segja af sér þingmennsku og formennsku eftir að hafa orðið þess áskynja á flokksfundi að við ofurefli er að etja og að ekki er lengur óskað eftir forystu hans innan flokksins. Miklu hreinlegra að segja af sér en að rembast eins og rjúpa við staur.

Það mættu fleiri fylgja hans fordæmi!

Guðni segir af sér þingmennsku

Athugasemdir

[Greta Björg Úlfsdóttir, 17.11.2008 kl. 16:47]

Að minnsta kosti þessi í þetta sinn.

[Haraldur Bjarnason, 17.11.2008 kl. 18:07]

Ég held að Guðni hafi bara ekki viljað takast á við þá ábyrgð, sem hann og aðrir Framsóknarmenn þurfa að axla þegar farið verður að skoða einkavinavæðingu bankanna og skilyrðislaust frelsi þeirra til að skuldsetja þjóðina.

[Greta Björg Úlfsdóttir, 17.11.2008 kl. 22:20]

Má vera. Annars tel ég að Halldór hafi átti mun miklu stærri hlut í því máli en Guðni, ég veit ekki hver hlutur Guðna var í því, varla hefur hann gert mikið af sér í bankamálum sem landbúnaðarráðherra? Þá dettur mér í hug hví Árni Mathiesen hafi ekki verið gerður að landbúnaðarráðherra á sínum tíma?

[Hallgerður Pétursdóttir (IP-tala skráð) 18.11.2008 kl. 08:25]

Nú er hins vegar komið í ljós að ungliðar flokksins gerðu aðsúg að Guðna fyrir hans aðild í hruninu sem stjórnarmaður í síðustu stjórn. En Valgerður situr enn?

[Greta Björg Úlfsdóttir, 18.11.2008 kl. 10:10]

Vonandi ekki. Annars er fylgi flokksins orðið svo lítill að það skiptir engu máli. Ef hins vegar yngra fólkið tekur við stjórninni er viðbúið að fylgið vaxi aftur.

[Hallgerður Pétursdóttir (IP-tala skráð) 18.11.2008 kl. 10:25]

Þetta eru undarlegir tímar. En almenningur er búin að fá upp í kok. Hef verið að reyna að finna eitthvað um Flauelisbyltinguna í Prag 1989 en það er sama og ekkert að finna.

[Greta Björg Úlfsdóttir, 18.11.2008 kl. 15:31]

Jamms, ég held að ég taki þetta til baka um "stórmannleikann" þangað til ég sé hverju fram vindur.

Mér finnst kallinn bara orðinn svo tættur stundum að honum veiti ekki af því að fara að taka því rólega, rétt eins og Davíð hefði átt að gera fyrir rúmum þremur árum síðan. En að öllum líkum er þó ekki hætta á að hann valdi öðrum eins skaða og DO hefur gert í núverandi embætti, - þá má að minnsta kosti margt breytast í pólitíkinn frá því sem nú er.

En undarlegustu hlutir gerast nú, það er rétt. Hver kollsteypan tekur við af annarri.

Hallgerður, það væri fróðlegt að lesa eitthvað um hana.

Það var mjög fróðlegt að koma til Prag í nóvember í fyrra í helgarferð. Við höfðum svo frábæran leiðsögumann, Pavel Manasek, sem þekkir Íslendinga og talaði þess vegna öðruvísi við okkur heldur en ef hann hefði aldrei komið hingað. Hann bjó hér í, að mig minnir, 13 ár, eða jafnvel lengur, var organisti við Háteigskirkju. Mjög skemmtilegur maður.

Hann sagði okkur heilmikið um sögur Tékklands og þar á meðal um flauelsbyltinguna.

Ekki er nú gjaldmiðill Tékklands, "korunan" - eða "korunið" beysinn, honum fæst ekki skipt utan landsins.

Ég set hér tengil á færslu sem ég skrifaði um ferðina til Prag í fyrra, ef einhver hefði gaman af að kíkja á hana. Því miður verður að klikka á myndirnar til að sjá þær, sem stafar af því að ég fékk að breyta um notendanafn hjá stjórnendum bloggsins, en við það rofnaði tengingin úr myndasagninu beint á bloggið. Ég hef ekki nennt að standa í að athuga hvort hægt er að gera eitthvað í því eða leiðrétta færslur aftur í tímann.

[Greta Björg Úlfsdóttir, 18.11.2008 kl. 15:33]

Hm, var að lesa yfir það sem ég skrifað um Davíð - ég á alls ekki við að hann hafi verið fínn í fyrra embætti með þeim orðum!

[Greta Björg Úlfsdóttir, 18.11.2008 kl. 15:36]

* Klikka á myndirnar = átti auðvitað að vera NÚMERIN fyrir myndirnar.