Ég sá ekki betur...

...en að það kæmi hik á Geir H. Haarde rétt  í þeim töluðum  orðum  í ræðustóli á Alþingi í dag að ekki beri að kjósa utan hefðbundins kjörtímabils "nema eitthvað sérstakt komi upp á".

Hefur ekki "eitthvað sérstakt" komið upp á í íslensku þjóðfélagi?

Var bankahrunið ekki "eitthvað sérstakt"?

Var það bara vondur draumur?

Er allt sem á eftir fylgdi einungis martröð heillar þjóðar?

Hvers vegna voru sett neyðarlög  fyrir tæplega tveimur mánuðum síðan? 

Hafði ekki "eitthvað sérstakt" komið upp á, "eitthvað sérstakt" sem gaf forsætisráðherra ástæðu til að enda ávarp sitt til þjóðarinnar, í beinni útsendingu fjölmiðla, með orðunum "Guð blessi Ísland" ?

Ef þetta var bara vondur draumur þá stendur hann enn.

Vonandi vakna einhverjir bráðum og gera "eitthvað sérstakt".

Myndin með færslunni er héðan:  www.gutenberg.org/files/11571/11571-h/11571-h.htm

Athugasemdir

[Valgeir Matthías Pálsson (IP-tala skráð) 25.11.2008 kl. 12:09]

Mér fannst þetta góður fundur, en SVÖRIN voru hreint út sagt mér ekki nægjanleg.

Þetta var bara algjörlega fáránlegt. Það kom ekkert þarna á þessum fundi, ekkert sem ekki hefur komið fram. Þetta er mitt mat.

Hafðu það sem best Greta mín í dag.

Kv. Valgeir.

[Greta Björg Úlfsdóttir, 25.11.2008 kl. 15:21]

Takk fyrir innlitið, Valgeir.

Hafðu það líka gott.