"Étt´ann sjálfur!"

Mikið vildi ég að það væri væri hægt að smella þessum tveimur mönnum saman í einn.

Ómar hefði farið létt með að skella í einn brandara og fá þingheim til að veltast um af hlátri yfir ummælum Björns Bjarnasonar, í staðinn fyrir að hrópa í bræði: "Étt´ann sjálfur!"

Báðir eru með afbrigðum þrjóskir, eða á ég að segja þrautseigir. Ímyndið ykkur útkomuna ef sú þrautseigja væri öll samankomin í einum manni. Þá yrðu fjöll að víkja úr stað!

Svo væri extra bónus að það væri engin hætta á að þeir færu í hár saman - og hárunum myndi fjölga.

rúv: Steingrímur J. reiðist Birni Bjarnasyni

Athugasemdir

[Valgeir Matthías Pálsson (IP-tala skráð) 25.11.2008 kl. 21:14]

Flottur karakter hann Ómar og Steingrímur J. er fínn líka. Ólíkir samt með afbrigðum þó.

En maður er nú orðin ef svo má segja alveg hundleiður á þessari efnahags umræðu sem tröllríður öllu þjóðfélaginu okkar nú um þessar mundir. Þetta er orðið svolítið þreytandi. Allavega verður það til lengdar séð.

Ég hló nú svolítið við lestur greinarinnar hjá þér. Þetta var flott grein.

Hafðu það sem best.

Kv. Valgeir.

[Anna Ragna Alexandersdóttir, 26.11.2008 kl. 11:42]

Góð blanda.

[Steingrímur Helgason, 26.11.2008 kl. 21:01]

Ég hjó við ofza nafna þarna í beinni.

Nýbúinn að mæra hann sjálfur í færzlu.

Ekki sæmandi neinum sæmundi...

[Greta Björg Úlfsdóttir, 26.11.2008 kl. 21:13]

Það er ekki gott að reyndur pólitíkus missi þannig stjórn á skapi sínu (þó hann sé fyrrverandi rauðhaus).

Það hefði verið betra að eiga eitthvað gott uppi erminni á móti.

Kannski vissi Bjössi refur alveg hvað hann söng...þó hann sé enginn Lilli klifurmús...hann er víst kominn eins hátt og hann kemst.

Svo fer fólk að hugsa, ja getur það verið, að hann sé rövlandi á móti nefndinni...til að tefja fyrir stjórninni að gera eitthvað...það er þó of langsótt fyrir minn smekk.

[Jenný Anna Baldursdóttir, 27.11.2008 kl. 12:15]

Þetta eru öðruvísi tímar, viðbrögðin eru öðruvísi.

[Greta Björg Úlfsdóttir, 27.11.2008 kl. 13:02]

Já, Jenný, ég hugsa að fólk sé í dag tilbúnara að horfa fram hjá svona viðbrögðum, við þessar aðstæður, og þyki þau skiljanleg - það eru svo margir reiðir, miklu fleiri en Steingrímur.

Fullyrðing BB var náttúruleg mjög ósanngjörn.

Bara gott á meðan ekki brjótast út slagsmál á þingi - er það ekki frá Úkraínu sem við sjáum stundum myndir af handalögmálum í þinginu - alla vega einhverju af þessum ríkjum þarna austur frá.

Þetta var eins og hver annar sandkassaslagur - þó auðvitað sé alvara þess máls sem rætt var mikil.

[Greta Björg Úlfsdóttir, 1.12.2008 kl. 13:20]

Mér heyrist jafnvel  að "étt´ann sjálfur" sé á góðri leið með að verða að máltæki meðal almennings, rétt eins og nú er alvanalegt að talað sé um að "taka Lúkasinn" á eitthvað!

[Anna Ragna Alexandersdóttir, 1.12.2008 kl. 13:51]

Kvitta