Hm...

...en hvernig var það með skuldleysi ríkissjóðs á fyrri hluta ársins?...ætli Geir hafi heldur ekki borið neina ábyrgð á því á þeim tíma, meðan margir héldu, hann líkast til þar með talinn, að allt væri bara í gúddí, stóra blaðran sveif um og allir skemmtu sér rosa vel - ?

Annað heyrðist manni á honum þá, eða alla vega mátti álíta að það bæri að þakka þeirri ríkisstjórn sem hann fer fyrir þann árangur - þar með hlýtur sú stjórn líka að hafa borið ábyrgð á þeim góða árangri. Sem nú er reyndar fyrir bí, eins og hver önnur sprungin blaðra. Hvar er ábyrgðin þá núna, hverjum ber að þakka trakteringarnar seinustu vikur, blöðruna sem sprakk í partýinu miðju?

Geir: Tel mig ekki persónulega ábyrgan

Athugasemdir

[Valgeir Matthías Pálsson (IP-tala skráð) 29.11.2008 kl. 23:48]

Ég veit það ekki, en er þetta ekki eins og hann segir, "Alþjóðleg lausafjár kreppa" þú skilur. Ég meina það má segja að nokkrir aðilar beri ábyrgð á þessu hér heima. M.a. bankarnir, ríkisstjórnin, útrásar víkingarnir, Seðlabankinn og fleiri. Þannig að það eru margir þarna sem bera ábyrgð. Það er svo.

En ég segi það enn og stend við það. Þessi "rannsóknarnefnd" sem á að stofna hér heima um hrun efnahagslífsins. Sú nefnd á ekki að skipuð "íslenskum" sérfræðingum. Það er alveg á tæru af minni hálfu. Í þessa nefnd á að skipa erlenda sérfræðinga sem þekkja vel til fjármálalífsins bæði e.t.v. hér heima og svo erlendis.

Hafðu það að endingu rosalega gott Gréta mín.

kv. Valgeir.