Bergmál - Ljósið

Kæru bloggvinir,

nú ætla ég að rjúfa langt blogghlé til þess að segja ykkur frá því að í gær kom ég heim eftir vikudvöl á vegum Líknar- og vinafélagsins Bergmál að Sólheimum í Grímsnesi. Þar var í einu orði sagt dásamlegt að dvelja.

Í dag skrapp ég svo í Ljósið og fékk mér hádegisverð. Því miður treysti ég mér ekki með svo stuttum fyrirvara í berjatínsluferð sem nokkrar konur voru að leggja af stað í upp í Skorradal, þó svo  að aðalsprautan í þeirri ferð væri ein kvennanna sem daginn áður hafði haft til morgunmatinn fyrir mig fyrir austan, það er að segja mín kæra Þóranna.

Venjulega fer ég svo í slökun eftir matinn, en þar sem óvenjulega lítið var um að vera í Ljósinu þennan föstudag (konurnar stroknar í berjamó! ;)) gekk ég bara heim til mín eftir matinn, og hef svo dundað mér hér heima.

Keypti í Ljósinu handverksmuni sem ekki verður nánar greint frá hér, þar sem ég hef hugsað mér að nota þá til jólagjafa. Þeim sem langar til að fræðast meira bendi ég á handverksmarkað sem Ljósið ætlar að efna til í vetur, um hann má lesa á vefsíðu félagsins.

Athugasemdir

[Ragnhildur Jónsdóttir, 28.8.2009 kl. 21:25]

Yndislegt að heyra frá þér Greta. Það get ég ímyndað mér að sé dásamlegt að dvelja í Grímsnesi.

Vona að allt gangi vel.

Ljós og Friður til þín

knús og kveðjur

[Pjetur Hafstein Lárusson, 29.8.2009 kl. 01:09]

Sæl Greta, gaman að heyra frá þér aftur.  Villi á Hnausum biður fyrir kveðjur til þín.

[Ásthildur Cesil Þórðardóttir, 29.8.2009 kl. 09:20]

Knús á þig elskuleg og hafðu það sem best. 

[Ragnheiður , 29.8.2009 kl. 11:27]

Þetta er yndislegt starf í Ljósinu, gott að sjá til ferða þina hér elsku Greta

[María Anna P Kristjánsdóttir, 31.8.2009 kl. 10:15]

Elsku Gréta mín.

Gott að heyra frá þér,ég sé að dvölin á Ljósinu hefur haft góð áhrif á þig.Hafði það sem best.

Kær kveðja  María

[Birna Dis Vilbertsdóttir (IP-tala skráð) 1.9.2009 kl. 20:23]

Gott að "heyra"frá þér.Ljósið er að gera frábæra hluti og veita góðan stuðning .

[Greta Björg Úlfsdóttir, 4.9.2009 kl. 18:36]

Kærar þakkir fyrir kveðjurnar, vinir mínir, og takk fyrir kveðjuna frá sómamanninum Villa, Pjetur.