Vá! Og æi...

...eru þetta forlög? Ég reifst á sínum tíma og fyrir þó nokkuð löngu síðan löngum stundum á umræðuhluta stefnumótavefjarins (ef svo skyldi kalla, klámvefjarins hefur mér margoft  fundist að mætti frekar kalla)  private.is  út af klámi og vændi. Var þar eins og einhvers konar furðufugl, hvítur hrafn eða þvíumlíkt, uns ég auðvitað gafst upp á þessu bulli.

En ekki er ég fyrr byrjuð að blogga á Moggabloggi en hér upphefjast miklar umræður um klám og ekki klám, hvort það sé ásættanlegt eða ekki og þá í hvaða formi og hverju ekki,  út af væntanlegu klámþingi hér í okkar yndislegu höfuðborg. Æ, á ekki af mér að ganga?

En eins og Anita Lindblom hin sænska söng hér á árum áður má víst um þetta segja: "...Ja, sån´t er livet!"

Athugasemdir

[Greta Björg Úlfsdóttir, 18.2.2007 kl. 12:25]

Síst á ég von á að klámþingið ýti undir jákvæða umræðu um kynlíf, þar sem svo margir karlar opinibera í umræðu um það hið fullkomna skilningsleysi sitt á muninum á erótík og klámi. En kannski má þó segja að sú umræða sem af því sprettur sé betri en engin.