Stormur í vatnsglasi...

...eða hátíð dramadrottninganna?

Mér sýnist að ýmsir sem ritað hafa hér á síðum Moggabloggsins undanfarið séu búnir að tapa öllum raunveruleikatengslum. Eða hvernig dettur mönnum annars í hug að halda því fram að Bændasamtök Íslands geti ráðið því hverjir fái landgöngu á eyjuna okkar og að þau hafi vald til að banna einstaklingum sem þeim hugnist ekki að koma hingað? Staðreyndin er sú að þau hafa aðeins vald til að ráðstafa sínum eigin eignum að eigin geðþótta; það er þeirra lýðræðislegi réttur. Telji einhver/einhverjir þau hafa brotið á sér eða misbeitt þeim eignarrétti sínum á einhvern hátt fer slíkt mál vitanlega fyrir dómstóla.

Að bera ráðstafanir Bændasamtakanna á eignum sínum saman við það að meina hópi fólks aðgang að landinu og öðrum frjálsa ferð um það, án þess að það hafi neitt til saka unnið, líkt og gert var við Falun Gong hópinn hér um árið, er allt annar handleggur. Þar komu íslensk YFIRVÖLD svívirðilega fram. Bændasamtökin komu þar hvergi nærri.

Hótel Saga er ekki Ísland allt, Hótel Saga er bara Hótel Saga! 

Reynum að halda sönsum: 

ENGUM VAR BANNAÐ AÐ KOMA HINGAÐ!

Athugasemdir

[Jón Sigurgeirsson , 24.2.2007 kl. 13:21]

Það var miklu snyrtilegri leið sem Villi borgarstjóri fór. Í stað þess að beit stjórnvöldum beint þá setti hann þrýsting á Sögu. Snjall. Góður samanburður og til eftirbreitni fyrir stjórnvöld í framtíðinni

[Greta Björg Úlfsdóttir, 24.2.2007 kl. 13:32]

Betri sú músin sem læðist en sú sem stekkur...