Hver var Jesús?

Enn leitaði ég á náðir Wikipediu með erfiða spurningu og þetta hafði ég upp úr leitinni:

Quest for the historical Jesus

Gospel of Luke

Luke the Evangelist 

Early Christianity 

Athugasemdir

[Anna Benkovic Mikaelsdóttir, 21.12.2007 kl. 08:59]

takk þetta er áhugavert. Hver var spurningin?

[Greta Björg Úlfsdóttir, 21.12.2007 kl. 11:22]

Já, þarna fær maður heilmikið lesefni og nokkuð áreiðanlegt, án þess að þurfa að kaupa þykkar og dýrar bækur um efnið eða fá þær lánaðar á bókasöfnum. Yfirleitt er það tekið fram á W. ef efnistök greinanna eru umdeild eða það vantar heimildir, maður veit þá um það. Þessi tvö atriði finnst mér stór kostur þegar maður vill fræðast um sitthvað.

[Greta Björg Úlfsdóttir, 21.12.2007 kl. 12:36]

Já, spurningin, ég byrjaði víst á því að leita að efni um það hver Lúkas var, sá sem guðspjallið er kennt við, og er það guðspjall þar sem er að finna það sem af kristnum er kallað "jólaguðspjallið". (Lúkas 2,1-20).

Þessa leit fór ég í í framhaldi af því að í bloggi Doksa talaði ég um að jólaguðspjallið sé helgisögn, þar sem ekki liggja fyrir neinar sagnfræðilegar staðfestingar á því hvernig þessa atburði hafi borið að. Lúkasarguðspjall er ritað töluvert löngu síðar. Það gefur auga leið að frásögnin er skrásett samkvæmt munnlegri frásögn, svo sitthvað gæti hafa færst til í henni, og hlutir ef til vill þá þegar hafa verið færðir í dýrari ramma en en atburðurinn sjálfur, barnsfæðing í gripahúsi, gaf tilefni til.

Þó hefur mér alltaf þótt frásögn guðspjallsins einstaklega látlaus, í samanburði við þann íburð sem síðar hefur verið viðhafður í kringum þessa frásögn.

En svona spinnast helgisagnir, og ekkert að því í sjálfu sér og sagan er alveg jafn falleg, eftir sem áður. Og það hvort þessi frásögn stenst sagnfræðilega skoðun kemur boðskap jólanna akkúrat ekkert við.

[Greta Björg Úlfsdóttir, 21.12.2007 kl. 12:40]

Það er að segja boðskap kristinna jóla.

[Greta Björg Úlfsdóttir, 21.12.2007 kl. 16:34]

Ha, ha, svo var ég að fatta að kannski hefði ég getað haft fyrirsögnina: Hver var Láki? Eða jafnvel: Einn Lákinn enn!

Þar sem þessi spurning um "historical Jesus" kom í framhaldi af leit minni að fróðleik um þann sem nefndur hefur verið "uðspjallamaðurinn" Lúkas, sem á ensku er nefndur Luke, sem þýtt hefur verið Láki á íslensku, samanber "Lukku Láki" (Lucky Luke).

Þeim fræga manni vék ég að í færslu hér fyrr (tengill á hana hér fyrir ofan). Í henni tala ég um hann sem amerískan, sem vissulega má til sanns vegar færa, þó faðir hans sé/hafi verið Belgi að nafni Maurice de Bévère (Morris). 

Svona getur faðerni verið óvíst og á reiki...

[Greta Björg Úlfsdóttir, 21.12.2007 kl. 16:36]

* guðspjallamaðurinn

[Greta Björg Úlfsdóttir, 21.12.2007 kl. 17:32]

Ekki finnst mér þó viðeigandi eða fallegt að sleppa Jósep alveg og hafa engil í staðinn fyrir hann, eins og gert er í jólajötunni sem mætir viðskiptavinum í anddyri Blómavals í Skútuvogi. - En kannski tók engillinn í jötunni þeirra bara að sér að passa mæðginin fyrir forvitnum gestum af misjöfnu sauðarhúsi, á meðan Jósep skrapp að kaupa í matinn?

[Greta Björg Úlfsdóttir, 21.12.2007 kl. 23:18]

"og hlutir ef til vill þá þegar hafa verið færðir í dýrari ramma en en atburðurinn sjálfur, barnsfæðing í gripahúsi, gaf tilefni til"

Svo ég haldi nú áfram að blogga á eintali í eigin athugasemdakerfi, þá hef ég verið mikið að spá í þessi mín eigin ummæli, sem ég endurtek hér að ofan, í dag -

- því er ekki hver einasta barnsfæðing, eða ætti að vera, tilefni hátíðarhalda - nýtt líf að hefjast, með vonum og fyrirheitum um bjarta og góða daga? Syngja ekki englar himinsins fagnaðarsöng yfir hverju barni sem fæðist hér á jörð? Þó misjafnar séu móttökurnar í mannheimum; það þarf víst enginn að fara í grafgötur um.