Hizb ut-Tahrir

 "Tjáningarfrelsið er plága"(tengill)

Stofnað 1953

Hizb ut-Tahrir var stofnað 1953 í Jerúsalem.  Hizb ut-Tahrir lítur á sig sem stjórnmálaflokk sem hefur íslam sem hugmyndafræði.

Markmið Hizb ut-Tahrir er íslömsk ríkisstjórn - kalifat - þar sem öll málefni daglegs lífs lúta íslömskum lögum (sharia). Í heimi  Hizb ut-Tahrir ráða trúarsetningar því hvað telst löglegt (halal) og hvað ólöglegt (haram).

Samkvæmt heimildum Heritage Foundation starfar Hizb ut-Tahrir á alþjóðlegum grundvelli í 40 löndum og hefur hugsanlega 10.000 meðlimi í innsta hring. Við þá tölu má bæta þúsundum af áhangendum.

Stofnandi Hizb ut-Tahrir,Taquiddin al-Nabhani

Hizb ut-Tahrir var stofnað í Danmörku á árunum eftir 1990. Heimildir telja að eiginlegir meðlimirnir séu í mesta lagi 50, auk nokkurra hundruða áhangenda. Á boðaða fundi geta komið upp undir 1000 áheyrendur.

Heilagt stríð

Hizb ut-Tahrir hefur hvatt múslima til að velta stjórnum landa úr sessi og kallað eftir heilögu stríði - jihad - gegn hinum vestræna heimi. Eftir því sem vitað er hefur Hizb ut-Tahrir ekki átt beina aðild að ofbeldisverkum, en samtökin hafa ítrekað  lýst yfir stuðningi við hryðjuverk, t.d. árásina á BNA 11. september 2001. Hizb ut-Tahrir hefur einnig margoft gefið út yfirlýsingar um að sjálfsmorðssprengingar séu "lögleg píslarvottaverk".

Af þessari ástæðu er Hizb ut-Tahrir bannað í Usbekistan, eins og í öllum öðrum fyrrverandi múslimskum lýðveldum í Mið-Asíu og Rússlandi. Með nokkrum undantekningum eru samtökin einnig bönnuð í arabísku ríkjunum og í Pakistan. 

Á Vesturlöndum er Hizb ut-Tahrir bannað í Þýskalandi og rætt hefur verið um bann í Stóra-Bretlandi, Ástralíu og Danmörku.

Myndin hér fyrir ofan er af vefnum Indonesia Matters 

Viðhorf til kvenna

Viðhorf Hizb ut-Tahrir til kvenna mótast af öfgafullum, gamaldags hugmyndum um hlutverk kynjanna. Samkvæmt Hizb ut-Tahrir er hlutverk konunnar fyrst og fremst að vera móðir og eiginkona. Konan á að hylja líkama sinn með síðum kjól og höfuðklút og hún á að hlýða eiginmanni sínum.

Mynd af vefnum Saudi-Arabía 

Dæmdur fyrir hótanir

Formaður Hizb ut-Tahrir í Danmörku Fadj Abdullatif hefur oft verið dæmdur fyrir að setja fram hótanir. 17. ágúst 2006 hlaut hann 3 mánaða óskilorðsbundinn fangelsisdóm fyrir að hafa hótað Anders Fogh Rasmussen í dreifibréfi, þar sem stóð meðal annars:

"Haldið af stað til hjálpar bræðrum ykkar í Fallujah í Írak og útrýmið stjórnarherrum ykkar, ef þeir eru ykkur til trafala."

Hann var einnig dæmdur árið 2003 til 60 daga óskilorðsbundinnar refsivistar fyrir hótanir, grófar ærumeiðingar og að hvetja til morða á Gyðingum á grundvelli dreifibréfs með tilvitnun í Kóraninn: 

"Og drepið þá hvar sem þið finnið þá, og rekið þá þaðan sem þeir ráku ykkur." 

- Þýtt af vefsíðu Socialistisk Folkeparti

Wikipedia: Hizb ut-Tahrir

Blogg frá Villa pósti 

Önnur skoðun 

Athugasemdir

[Ásthildur Cesil Þórðardóttir, 21.2.2008 kl. 10:39]

Hrollvekjandi en þörf lesning fyrir þá bláeygðu sem kalla allt tal um ógn rasisma.

[Greta Björg Úlfsdóttir, 21.2.2008 kl. 11:52]

En líka, Ásthildur, holl lesning fyrir þá sem kalla alla múslima hryðjuverkamenn, ef þú skoðar tölurnar sem koma fram í pistlinum sem ég þýddi. Hvað heldur þú að séu margir múslimar í heiminum, og hvað sýnist þér að stórt hlutfall þeirra sé í Hizb ut-Tahrir?

Það er merkilegt að skoða að það eru mestu lýðræðisríkin sem skirrast við að banna samtökin. En kannski eru Danir að gjalda fyrir þá stefnu með vaxandi útlendingahatri í landinu.

Þú sérð á þessu að það er mjög aðkallandi að Íslendingar móti sér skýra stefnu í þessum málaflokki, innflytjendamálum, ef við ætlum ekki að horfa upp á allt fara í bál og brand hér hjá okkur. Hérna virðast þó frekar koma upp vandamál í sambandi við innflytjendur frá Austur-Evrópu, enda eru þeir í miklum meirihluta, í sambandi við auðgunarglæpi og almennt ofbeldi sem ekki tengjast trúarbrögðum.

Sem betur fer virðist mér að meirihluti þeirra trúuðu múslima sem búa hér á landi tilheyri hófsömum armi trúarbragðanna, í það minnsta hefur maður ekki heyrt um sömu vandkvæði hér ennþá. Enda er íslam ekki síður margþætt en kristni. Félag múslima á Íslandi hefur til að mynda leitast við að eiga vinsamleg samskipti við aðra trúhópa í landinu.

Ég tel að aðaláherslan hjá okkur eigi að vera að halda glæpagengjum úti og skoða bakgrunn fólks með tilliti til þess, áður en því er hleypt inn í landi, það er að segja hvort það sé á sakaskrá og eigi jafnvel yfir höfði sér dóma. En auðvitað verðum við líka að vera vakandi fyrir því að öfgafullir trúarhópar nái sér ekki á strik hér og banna starfsemi þeirra ef nauðsyn krefur, ef við getum fundið því ásættanlegar forsendur án þess að kröfur um mannréttindi séu brotnar.

[Greta Björg Úlfsdóttir, 21.2.2008 kl. 12:08]

Staða okkar, vegna þess sem ég sagði hér fyrr um það hverjir koma til landsins, ætti að vera auðveldari að fást við, með tilliti til þess að glæpir eru miklu skilgreinanlegri en trúarbrögð, og að löggjöfin er skýr um þá, og almenningsálitið nokkuð sammála um hvað er ásættanlegt hvað þá varðar, það er helst að mönnum finnist í lagi að bjróta skattalögin.

Við höfum trúfrelsi og tjáningarfrelsi, en það ríkir ekkert frelsi til að brjóta landslög hér á landi!

[Egill Bjarnason, 22.2.2008 kl. 10:18]

fróðleg lesning.

kveðjur

eb 

[Greta Björg Úlfsdóttir, 22.2.2008 kl. 11:31]

Án þess að hafa nokkra einustu þekkingu á því, þá finnst mér einhvern veginn eins og Kanadamenn standi mjög vel að öllum innflytjendamálum og að kannski sé ráð að horfa til þess hvernig þeir standa að þeim. (?) Að flytja til Kandada.

[Greta Björg Úlfsdóttir, 22.2.2008 kl. 22:45]

Galli á gjöf Njarðar að Kanda er náttúrulega ekki í Schengen. En samt held ég að megi ýmislegt læra af þeim.