Ég er dálítið smeyk...

...um að Björn, sá gamli refur,  hafi rétt fyrir sér í þessu.

Það var rakið í kvöldfréttum Rúv-sjónvarp að engin þeirra tillaga um vantraust sem hefur verið lögð fyrir þingið í starfstíð þess hefur gengið í gegn. 

En kannski verður nú brotið blað í sögu þjóðarinnar?

Í þessu sem mörgu öðru.

Það má alltaf halda í vonina.

Telur vantrauststillögu efla samstarf ríkisstjórnarinnar

Athugasemdir

[Valgeir Matthías Pálsson (IP-tala skráð) 22.11.2008 kl. 01:06]

Hæ Greta mín.

Já þessu er ég eiginlega alveg sammála.

En hvað eru aftur margir þingmenn í stjórnarandstöðu? Það skiptir jú höfuð máli þegar greiða á atkvæði um mikilvæg mál. Ég held að stjórnarandstaða sé nefnilega ansi veik á Alþingi núna. Hún hefur ekki nægilega mikinn þing styrk til að þetta nái í gegn.

Ég er sammála því sem margir vilja en það er að það að boða tli kosninga hér á landi. Ég held að það verði bara traust vekjandi fyrir Íslenska þjóð.

Hafðu það sem best Greta min.

[Steingrímur Helgason, 22.11.2008 kl. 01:59]

Björn, er nú bara yrðlíngur...

[Heidi Strand, 22.11.2008 kl. 06:34]

Vantrausttillagan sendir út mikilvæg skilaboð.

Þessi viðbrögð Björns minnir mig á þrjóskan ungling sem gerir öfugt við það sem skynsamlegt er vegna þess að einhver setur honum stóllinn fyrir dyrnar.

Muna eftir mótmælafundinn í dag kl. 15

[Greta Björg Úlfsdóttir, 22.11.2008 kl. 09:13]

Steingrímur, samkvæmt myndinni með færslunni er hann það, ef maður tekur þetta sem mynd af honum. Þetta er reyndar mynd af ungum (sýnist mér) gráref, sem kom upp þegar ég gúgglaði "gray fox".

Annars finnst mér, svona eftir á að hyggja (svo ég noti nú það orðasamband sem mest er í tísku þessa dagana hjá stjórnvöldum), dálítið fyrnið að kalla Björn ref eða yrðling...

En mér hefur bara alltaf fundist kallinn refslegur, hann er svo út undir sig.

Það er Geir sem er bangsinn í ríkisstjórninni, Imba er bangsamamma. Björgvin S. er nógu sakleysislegur til að vera Lilli klifurmús. Steingrímur er upplagður Mikki refur (stóri ljóti úlfurinn kemur víst ekki við sögu í Dýrin í Hálsaskógi). Leikstjórinn sem skipar í hlutverkin er þá augljóslega Samfylkingarsinni sem styður ríkisstjórnina.

[Greta Björg Úlfsdóttir, 22.11.2008 kl. 09:16]

fyrndið = fyndið.

Því miður kemst ég ekki á mótmælafundinn, ég er búin að lofa að fara með mömmu á tónleika, það gengur fyrir.