Komin heim aftur :)

Kæru vinir, ýmislegt hefur gerst síðan ég skrifaði færsluna á sunnudaginn var.

Um kvöldið var ég orðin svo lasin að ég fór á bráðamóttökuna á Hringbraut og var þaðan lögð inn á krabbameinsdeildina, 11-E, þar sem ég hef dvalið þangað til í dag að ég var útskrifuð.

Heilsan er orðin ólíkt betri, og komin eru á tengsl við aðila, þ.e.a.s. Karitas líknarþjónustuna fyrir langveika og deyjandi, sem ég get leitað til hvenær sem ég vil og finnst ég hafa þörf fyrir að tala við einhvern um smátt og stórt. Það er mikill léttir að því að hafa slíka aðila í bakhöndina, því þó fjölskylda manns sé góð og öll af vilja gerð að hjálpa, þá eru það starfskonurnar þar sem hafa sérþekkinguna og kunna ótal ráð og úrræði til að létta sjúklingum lífið.

Það kom í ljós þegar tekið var scann af höfðinu að ég hef fengið blóðtappa í heilann, líklegast í janúar, þegar ég vaknaði upp með sjóntruflanirnar sem hafa hrjáð mig síðan. Eftir helgina standa til nánari rannsóknir á orsökinni fyrir að þetta gerðist. En góðu fréttirnar eru þær að sjónin er smátt og smátt að verða betri og til dæmis nota ég bæði augun við að skrifa þetta sem ég skrifa núna!

Krabbameinsmeðferðinni hefur verið slegið á frest þangað til seinna í mánuðinum, 26. mars á ég tíma hjá sérfræðingnum mínum og þá verður framhaldið ákveðið. Þetta kemur allt í ljós með tímanum. Þangað til  er ég staðráðin í að láta að láta mér líða sem best og láta jákvæðni og vongleði ráða ferðinni. Nú hækkar sól á lofti og vorið er á næsta leyti - þá léttast sporin hjá okkur öllum.

Megi ljós hins hæsta umvefja ykkur öll.

Bestu kveðjur.

Athugasemdir

[Halldóra Ásgeirsdóttir (IP-tala skráð) 12.3.2009 kl. 17:27]

Kæra  Greta!

Guð gefi þér nyjan kraft og styrk!

Blessunar kveðjur

[Ragnhildur Jónsdóttir, 12.3.2009 kl. 18:35]

Elsku Greta, við sendum þér áfram Ljós og kærleik héðan úr Firðinum.

Knús og kveðjur til þín

[Ragnheiður , 12.3.2009 kl. 22:18]

Elskulega vina mín

Hjartans kveðjur til þín.

[Greta Björg Úlfsdóttir, 13.3.2009 kl. 11:21]

Elsku vinkonur, þakka ykkur fyrir kveðjurnar.

Í morgun vaknaði ég svo ótrúlega hress, mér finnst næstum eins og ekkert sé að mér, þó ég sé þreytt.

Það er ekkert vafamál að máttur hugleiðslu og bænar er mikill, í gærkvöldi baðst ég fyrir og hugleiddi allt kvöldið og hlustði á fallega tónlist, hugsaði til ættingja minna og vina, hér sem fyrir handan, það hefur sannarlega mikið að segja, fyrir utan það auðvitað að vera laus við krabbameinslyfin, í bili að minnsta kosti.

Knús og kveðjur.

[Greta Björg Úlfsdóttir, 13.3.2009 kl. 12:08]

Ástarþakkir fyrir kveðjuna, Óskar minn, gangi þér allt í haginn, Guð geymi þig.

[Birna Dis Vilbertsdóttir (IP-tala skráð) 13.3.2009 kl. 14:44]

Þú ert flott.Gangi þér vel

[Valgeir Matthías Pálsson (IP-tala skráð) 13.3.2009 kl. 16:18]

Hæ elsku Greta mín.

Langaði bara að óska þér góðs gengis áfram elsku vinur og gangi þér sem allra allra best í komandi framtíð. Þetta er barátta hjá okkur öllum elsku Greta mín. Ég er að berjast, öll erum við að berjast. Það er nú bara þannig. Gangi þér vel elsku vinur.

Með bestu kveðju.

Valgeir.

[Ragnheiður , 14.3.2009 kl. 21:35]

Kom bara til að spora hér inn góðum og hlýjum kveðjum í þeirri von að þær skili sér til þín

[Guðný Anna Arnþórsdóttir, 14.3.2009 kl. 23:07]

Óska þér góðs bata, kæra Gréta. Þú ert aldelis að lenda í stóru verkefni, - en ég er ekki í vafa um að þú höndlar það eins vel og hægt er að gera.

[Stefán Gíslason, 15.3.2009 kl. 16:25]

Bara enn og aftur: Gangi þér allt í haginn. Það er hægt að komast útrúlega langt á réttum viðhorfum. Þú hefur þau!

[Greta Björg Úlfsdóttir, 16.3.2009 kl. 19:23]

Þakka ykkur fyrir allar góðu kveðjurnar.

Ég var hjá mömmu um helgina í góðu yfirlæti og er óðum að hressast, sjónin að koma meira meira til, þetta er allt í góð gír, svo líta Karítas-konur reglulega inn inn hjá mér, þannig að mér er vel borgið.

[Ásthildur Cesil Þórðardóttir, 16.3.2009 kl. 20:58]

Knús á þig Gréta mín og innilegar batakveðjur til þín. 

[Ragnhildur Jónsdóttir, 17.3.2009 kl. 14:46]

Knús og Ljós til þín Greta mín

[Þorbjörg (IP-tala skráð) 17.3.2009 kl. 21:29]

Elsku Greta mín, knús og innilegar batakveðjur til þín, þú átt allt það besta skilið kæra vinkona,

ég mun biðja fyrir þér

[Ragnheiður , 20.3.2009 kl. 22:18]

Komin aftur með hlýjar kveðjur til þín