Vampírur?

Eru mótmælendur vampírur , sem ráðast á lögreglumenn og bíta þá?

Mér finnst það eiginlega brjálæðislega fyndin hugmynd.

Ætli það hafi ekki frekar verið á hinn veginn, að sá/sú sem beit hafi gert það í sjálfsvörn.

Sjálf myndi ég ekki telja mig slasaða, þó einhver (ekki vampíra) biti mig í öxlina. En ég er auðvitað ekki lögga.

En auðvitað er sjálfsagt að fara á slysó og fá sprautu við stífkrampa eftir að hafa verið bitinn, hvort sem er af dýri eða manni.

*Á annars að skrifa "vampýra", með ypsiloni?

Mótmælendur eiga ekki að bíta

Athugasemdir

[heh.. (IP-tala skráð) 9.12.2008 kl. 14:31]

Sjálfvörn ??

 You made my day !  

[Rut Sumarliðadóttir, 9.12.2008 kl. 15:00]

Held að það sé með ypsiloni, ansi harkaleg framganga lögreglunnar ef fréttir DV eru réttar.

[Greta Björg Úlfsdóttir, 9.12.2008 kl. 16:22]

heh., þú er sem sagt á því að mótmælendur séu vampýrur?

[Valgeir Matthías Pálsson (IP-tala skráð) 9.12.2008 kl. 19:59]

Nei ég held að mótmælendur séu ekki vampýrur, en ég held að þetta sé bara hluti af leiknum, eða þú skilur. Þegar menn eru í hita leiksins þá gerist nú margt.

Hafðu það sem best Grétta mín í kvöld.

[Heidi Strand, 9.12.2008 kl. 20:33]

Hvort þetta hættulegt fer eftir tannheilsu á hann eða hún sem bitur. Sumir eru frekar bitlaus.

[Anna Ragna Alexandersdóttir, 11.12.2008 kl. 14:04]

Menn verð að sína stillingu,það næst ekkert fram með svona háttarlagi.

Stöndum saman er okkar stirkur

[Greta Björg Úlfsdóttir, 11.12.2008 kl. 16:54]

Já, Anna Ragna, mér sýndist reyndar að í þessum hópum, bæði við þinghúsið og ráðherrabústaðinn, væru misjafnir sauðir, bæði fólk sem væri í þessu til að láta á sér bera, exihibitionistar sem kölluðu ókvæðisorð að lögreglunni og létu mikið fyrir sér fara, þrátt fyrir að vera með hettur svo andlitin sæust ekki og lýsa með yfir að þeir kæmu ekki fram sem einstaklingar, og svo mótmælendur sem voru að sjá ósköp venjulegt ungt fólk sem er nóg boðið.

Mér þykir líklegt að það hafi verið einhverjir þeirra sem ég taldi upp fyrst sem hafi bitið lögregluna, sem ég get verið sammála að ber vott um barbarisma sem er ekki málstaðnum til framdráttar.

Hins vegar er framganga lögreglunnar, dragandi fólk eftir malbikinu (mér varð hálfillt að sjá greyið dregið yfir gangstéttarbrún), handjárnandi og kýlandi (að því er sagt er) það, ekki því yfirvaldi sem hún þjónar til sóma, þegar haft er í huga að þetta unga fólk hafði unnið það eitt til saka að safnast saman og vera með háreysti, - það hafði hvorki hent eldsprengjum né grýtt lögregluna, eins og gerst hefur í Grikklandi undanfarna daga.

[Greta Björg Úlfsdóttir, 11.12.2008 kl. 17:02]

Svo finnst mér undarlegt hvernig stagast er á því í fréttum að fólkið ætlað að ráðast til inngöngu í Ráðherrabústaðnum - eins og einn þeirra sagði, til hvers í ósköpunum hefði það átt að vilja það, í hvaða erindagjörðum? Annað með Alþingishúsið, þar sem almenningur á þjóðskrárbundinn rétt til að vera á pöllum og hlýða á umræður, sem á var brotið þegar fólkinu var meinuð innganga.

Nei, fólkið ætlaði að koma í veg fyrir að ráðherrarnir kæmust inn í bústaðinn - sem hefði vitanlega ekki tekist, svona raunsæislega talað, heldur var þetta hugmyndafræðilega táknrænn viðburður/uppákoma. Sem sýnir að það er hugsandi fólk sem að honum stendur, ekki vitleysingar með skrílslæti.