Erótík, færsla 2

Margir leggja erótík og klám að jöfnu. Að mínu viti eru erótík og klám er ekki það sama og móðgun við erótíkina að leggja hana að jöfnu við klám. Það er að segja samkvæmt þeirri merkingu sem ég hef lagt í þessi orð hingað til. Kannski er sú merking orðin útvötnuð, einmitt vegna þeirrar klámvæðingar sem riðið hefur yfir á síðustu árum. En ef til vill hefur þetta alltaf verið skilgreiningaratriði og byggst fyrst og fremst á afstöðu hvers þjóðfélags hverju sinni.

Mér finnst þó að það ætti ekki, sérstaklega í tengslum við þá umræðu um klám sem fram hefur farið undanfarið, að nefna þessi tvö orð sífellt í sömu andrá og eins og þau séu sambærileg. Held meira að segja að þarna liggi klámhundurinn grafinn, að margir þeirra sem hæst hrópa um frelsiskerðingu skynji hreinlega ekki að það sé munur á þessu tvennu.

"Nanette" eftir Ib Spang Olsen

 

" In art, immorality cannot exist.

Art is always sacred"


                                                     August Rodin

Hins vegar er framleiðendum kláms ekkert heilagt annað en innistæðan á bankareikningunum þeirra ! 

Anna Nicole Smith...

...sápuóperan um hina brjóstastóru Önnu heldur áfram, endalaust...

Viðurkenning

Mér finnst frábært að varnarmálaráðuneytið skyldi viðurkenna sökina og konan vinna þetta mál, þó það sé auðvitað sorglegt að henni skuli ekki vera hugað lengra líf en þetta.

Veiktist af krabbameini eftir að hafa faðmað föður sinn

Athyglisvert

Athyglisverð aðferðin sem norðmenn hafa þróað til að bjarga mannslífum við bílslys:

Bílar rifnir í sundur til að bjarga mannslífum

Can-can

 

Langar að hafa hér smá sýningu á can-can dansmeyjunum mínum. Svona líka af því sumir eru nýbúnir að fara á sýningu í Moulin Rouge, þó svo þær sýningar séu með töluvert ólíku sniði nú en í denn.

Eru þær ekki flottar?! :

 

Erótík...

Munið þið eftir senunni í Braveheart þar sem hjónakornin njótast uppi á heiði? Hann situr uppi við trjástofn, í skotapilsinu vitaskuld, og frúin hans kemur til hans (hverfur til hans myndi vera sagt á hátíðlegu máli) í sínu síða og víða pilsi, báðum pilsum er lyft og hún sest ofan á hann...já, skotar ganga víst ekki í nærbuxum, praktískt við svona kringumstæður .

Þetta er með fallegri samfarasenum í bíómynd sem ég hef séð; mér mjög minnisstæð, þrátt fyrir að hún sé örstutt og nánast algjöran skort á nöktu holdi og frygðarstunum... 

Í algjörri í mósögn við þessa senu er svo hrottafengin senan þar sem sömu konu er nauðgað af óvininum. 

Þetta innlegg er aðallega meint sem smá aukainnlegg í klámumræðuna sem nú geysar hér á Moggabloggi. 

Robert Adler

...hét hann og er nú látinn í hárri elli, enda horfði hann víst lítið á sjónvarp og notaði því lítið sjálfur þessa hina  frægustu uppfinningu sína, sem á sök á því að milljónir manna rísa ekki á fætur frá sjónvarpsskjánum nema endrum og eins...sumir hafa meira að segja legið þar hreyfingarlausir í heilt ár, sbr. þessa bloggfærslu Guðnýjar Önnu...en það var að vísu ekki Adler að kenna, heldur var maðurinn einfaldlega búinn að vera látinn í allan þennan tíma...reis náttúrlega ekkert á fætur, heldur var borinn í burtu, eða það sem eftir var af honum .

...En svo er þessi frétt víst, þegar til kemur, tóm þvæla og vitleysa og skakkar um 52 ár...

En hefði fréttinni um kallinn sem dó í Hampton Bays skakkað um allan þann tíma hefði hann sennilega verið horfinn að mestu þegar hann loksins fannst. Svo líklega var hún þó rétt. Ekki lýgur Mogginn nema einstöku sinnum og þá óviljandi. Glíng-gló! . 

Skapari fjarstýringarinnar látinn

Flott!

Eiríkur Hauksson verður fulltrúi Íslands í Helsinki

Vá! Og æi...

...eru þetta forlög? Ég reifst á sínum tíma og fyrir þó nokkuð löngu síðan löngum stundum á umræðuhluta stefnumótavefjarins (ef svo skyldi kalla, klámvefjarins hefur mér margoft  fundist að mætti frekar kalla)  private.is  út af klámi og vændi. Var þar eins og einhvers konar furðufugl, hvítur hrafn eða þvíumlíkt, uns ég auðvitað gafst upp á þessu bulli.

En ekki er ég fyrr byrjuð að blogga á Moggabloggi en hér upphefjast miklar umræður um klám og ekki klám, hvort það sé ásættanlegt eða ekki og þá í hvaða formi og hverju ekki,  út af væntanlegu klámþingi hér í okkar yndislegu höfuðborg. Æ, á ekki af mér að ganga?

En eins og Anita Lindblom hin sænska söng hér á árum áður má víst um þetta segja: "...Ja, sån´t er livet!"

Ljósmyndasýning í Gerðarsafni

Þessa sýningu verður maður að kíkja á!

Sýning blaðaljósmyndarafélags Íslands opnuð í Gerðarsafni